د افغانستان لپاره د امریکا سفارت د عاشورې په ورځو کې شوي خونړي بریدونه په کلکه غندلي دي.
سفارت د اګست پر اتمه پر خپله ټویټرپاڼه د دې بریدونو د قربانیانو له کورنیو سره د خواخوږۍ څرګندونه کړې ده.
بیان زیاته کړې چې پر عبادت کونکو برید د غندنې وړ عمل دی او افغانان باید په سوله کې ژوند وکړای شي.
دا بریدونه د کابل په شیعه میشتو سیمو کې شوي ول او ذمه واري یې د اسلامي دولت ډلې خراسان څانګې منلې وه.
په افغانستان کې د طالبانو د حکومت چارواکي وايي، په کابل کې د اګست پر شپږمه د ښار د شپږمې ناحیې په پل سوخته سیمه کې شوې چاودنې دوه تنه وژلي او ۲۲ ژوبل کړي ول.
تر دې وړاندې د اګست پر پینځمه هم په کابل کې د شیعه ګانو له یو استوګنځای سره په یوه بمي چاودنه کې اته تنه ووژل شول او ۱۸ نور ژوبل شول.
