لاهور کې بمي چاودنې دوه تنه وژلي ګڼ ژوبل
د پنجاب په مرکز لاهور کې د جنورۍ پر ۲۰مه نېټه په یوه بمي چاودنه کې دوه تنه وژل شوي او تر ۲۰ زیات یې ژوبل کړي دي. د لاهور پولیس چارواکي وايي، چاودنه نن په انار کلي بازار کې د دوکانونو مخې ته په یو موټر سایکل کې د چاوونکو توکو له وجې شوې. د انار کلي بازار د لاهور یو په مصروفو بازارونو کې دی چې په سلګونو دکانونه دي او هر وخت پکې ګڼه ګوڼه وي.بلخوا د بلوچستان نېشنلسټ ارمي په نوم یوې ډلې د دې حملې ذمه واري منلې خو د لاهور پولیس چارواکي وایي چې دوی پلټنې پېل کړي دي او دا لا نه ده واضحه شوې چې د دغه برید ترشا څوک دي. نور حال په دې ویډیويي راپور کې. ویډیو: اې اېف پي