په مشال مرکه کې د بلوچستان ځنګلاتو محکمې سېکرېټري دوستين خان جمالديني مېلمه دی. نوموړی د ګوادر پورټ اتارټي مشر هم پاتې شوی وو. جمالديني له بلغاريه او اسټراليا لوړې زده کړې کړی. نوموړی وايي، ګوادر پورټ يو له مهمو پروژو دی او دا به بلوچستان په ګډون د ټول هېواد لپاره ډېره ګټه ور وي. ده وويل چې په بلوچستان کې په درې فيصده رقبه ځنګلونه دي او د بوټو لګولو لپاره اوږد مهاله سټراتيجي لري. د خپرونې کوربه ګل اياز دی.