د مشال مرکه کې کږ له کوټې د کویلې کانکیندونکو ژغورنې اتحادیې (پاکستان سېنټرل ماین فیډرېشن) مشر سلطان لالا مېلمه دی. نوموړي له تېرو شلو کالو راهيسي د کانکيندونکو حقوقو لپاره کار کوي. سلطان لالا وايي، په ټول هېواد کې د کانکيندونکو شمېره نژدې پينځه لاکه ده چې زياتره یې د خيبر پښتونخوا او بلوچستان سره تعلق لري. د ده په خبره د سکرو په کانونو کې پېښو تر ټولو لوی علت د سهولتونو نېشتوالي دي. د دې خپرونې کوربه ګل اياز دی.