د سوات په بريکوټ کي لرغوني اثار موندل شوي دي.
د اېټالیې لرغونپوه ډاکټر لوکا چې په سيمه کې یې پر دې اثارو څېړنې کړې دي، د اپرېل پر ۲۷مه یې مشال راډيو ته وويل چې له درو میاشتو راهیسې يې کېندنې کولې چې په نتيجه کې يې يوه يوه لويه لرغونې ودانۍ وموندله.
د نوموړي په وينا، دغه اثار ښيي چې په دې سيمه کې تر هندو شاهۍ مخکې هم قامونه اباد ول.
په دغه سيمه کې له ډېرې مودې راهيسې د اټالیې په مرسته د لرغونو اثارو موندولو لپاره يوه پروژه روانه ده.
د لرغونو اثارو پوهانو مشال راډيو ته ويلي چې نوې موندنې ته يې "د نوي دور" نوم ورکړی دی.
