'د فیض اباد پر مظاهره چیانو دې د خوړو بندېز ولګول شي'
د پاکستان سپريم کورټ په فیض اباد کې پر دهرناکوونکیو ته د خوراک څښاک بندولو او د هغوی بېنکي کاتو (اکاونټونو) بندولو امر کړی دی. د سپريم کورټ دوه کسيزې جرګګۍ د زيارت ورځ په فیض آباد کې د مذهبي ګوندونو په احتجاجي ناسته د ازخود نوټس کېس اورېدنه وکړه. په خپله وينا کې جسټس فايز عيسا وویل چې حکومت د احتجاجیانو د لګښتونو پلټنې ولې نه کوي ،داسې به هر څوک راځي او په سړکونو به قبضې کوي خو حکومت به څه نه کوي. بلخوا حکومتي اټارني جنرل په خپل ځواب کې ويلي چې د شخړې رامنځته کېدو له ويرې حکومت له احتياطه کار اخلي. په فيض اباد کې د روانې احتجاجي ناستې په اړه د اسرار عالم مومند ويډيو وګورئ.