انځور او ویډیو

• نومبر ۰۷, ۲۰۲۵

  د مزار شریف اوسېدونکي د تاریخي شین جومات بیارغونې غوښتنه کوي

  د افغانستان د مزار شریف تاریخي شین جومات د نومبر پر درېیمه زلزله کې زیانمن شوی دی. د ښار اوسېدونکي وايي، جومات د عبادت لپاره خلاص دی خو پکې لا د بیاودانۍ چارې نه دي پیل شوې. د رویټرز او اې اېف پي له ویډیوګانو جوړ رپورټ وګورئ.

• نومبر ۰۷, ۲۰۲۵

  په دوبۍ کې يوه پياله کافي په ۱،۰۰۰ ډالره خرڅېږي

  د نړۍ تر ټولو ګران بیه کافي يا قهوه د متحده عربي اماراتو په دوبۍ کې خرڅېږي. هلته د يوې پيالې بيه ۱،۰۰۰ امریکايي ډالره ده. دا چې دا کافي ولې دومره ګرانه ده او ایا خلک به یې په دومره لوړه بیه واخلي او که نه؟ ځواب یې د اې اېف پي له ویډیو په جوړ رپورټ کې.

• نومبر ۰۶, ۲۰۲۵

  امریکايي وزیر وايي که حکومتي چارې بحاله نه شي نو پروازونه کموي

  د امریکا د ټرانسپورټي چارو وزیر وايي، که د کانګرس استازي د وفاقي بودیجې په اړه هوکړې ته و نه رسي او د حکومتي چارو ځنډ‌ېدل دوام وکړي نو د نومبر له اوومې څخه به د هېواد پر ۴۰ هوايي ډګرونو ۱۰ سلنه پروازونه بند کړي. د رویټرز اژانس له ویډیوګانو جوړ رپورټ.

• نومبر ۰۶, ۲۰۲۵

  په فېلېپين کې طوفان او سېلاب ګڼ کسان وژلي دي

  په اسیايي هېواد فېلېپین کې سمندري طوفان او سېلاب لسګونه کسانو ته مرګژوبله اړولې ده. چارواکي وايي، یوشمېر کسان لا هم ورک دي. د سیمې اوسېدونکي وايي، هر څه یې سېلاب لاهو کړي دي. د رویټرز او اې اېف پي له ویډیوګانو جوړ رپورټ.

• نومبر ۰۶, ۲۰۲۵

  خوستوالو د افغان فوټسال لوبډلې د اسیايي جام ګټل لمانځلي

  د نومبر پر پينځمه د خوست اوسېدونکو د اسیا جام په سیالیو کې د افغانستان د فوټسال تر ۱۷ کلونو کم عمر لرونکو لوبغاړيو اتلولي ولمانځله. په دې اړه ویډیويي رپورټ وګورئ.

• نومبر ۰۶, ۲۰۲۵

  احتجاجیان: حکومت کراچۍ کې تر ۴۰۰ زیاتې چایخانې تړلې دي

  په کراچۍ کې د چایخانو ګڼو مالکانو او کارکوونکو د خبریالانو مرکز مخې ته احتجاج کړی دی او وايي، د سیند حکومت په تېره څه باندې یوه اونۍ کې د ناقانونه ودانیو جوړولو یا تجاوزاتو په نوم تر ۴۰۰ زیاتې چایخانې تړلې دي. دوی ګواښ وکړ چې که حکومت ورته د کاروبار اجازه ور نه کړه نو پرلت وهي. ویډيويي رپورټ.

• نومبر ۰۶, ۲۰۲۵

  الشرع: د امریکا د ترهګرو له لېسټه تر سپینې ماڼۍ

  څو کلونه مخکې د شام (سوریې) اوسنی ولسمشر احمد الشرع د محمد ابو جولاني په نامه یادېده. هغه مهال امریکا نوموړی د ترهګرو په لېسټ کې شامل او د هغه د ګرفتارۍ یا وژلو پر سر یې ۱۰ مېلیونه ډالره انعام اعلان کړی وو. اوس ورته ولسمشر ډانلډ ټرمپ بلنه ورکړې چې واشنګټن ته ورشي. د رویټرز اژانس له ویډیو جوړ رپورټ.

• نومبر ۰۵, ۲۰۲۵

  سوډان کې جګړو زرګونه کورنۍ کډو کولو ته مجبوره کړي دي

  د سوډان له دارفور او کردفان سیمو څخه په زرګونه کورنۍ د جګړو له امله کډو کولو ته مجبوره شوي دي. په بې کوره شويو کې زیاتره خلک وايي چې په سیمو کې یې د ډزو غږونه اورېدل کېږي. د رویټرز او فرانس پرېس اژانسونو له ویډیوګانو جوړ راپور.

• نومبر ۰۵, ۲۰۲۵

  زوهران ممداني څوک دی او څنګه یې د نيو يارک ټاکنې وګټلې؟

  زوهران ممداني لومړی مسلمان او لومړی هندی نژاده امريکايي شو چې د نيو يارک ښار د ښاروالۍ ټاکنې یې وګټلې. نوموړی پخوا د هغه ايالت د اسمبلۍ غړی وو. ممداني د ډېموکراټ ګوند له خوا د نومبر څلورمې انتخاباتو ته ولاړ وو. د هغه د کمپاين ډېره برخه پر ځوانان متمرکزه وه. په دې اړه د اې اېف پي له ویډیو جوړ رپورټ.

• نومبر ۰۵, ۲۰۲۵

  د شمالي وزيرستان کډوالو د مرستو د بحالۍ او کورونو ته د ستنېدو لپاره احتجاج ته دوام ورکړی

  د شمالي وزیرستان بې کوره شویو کډوالو د نغدي مرستو د بحالۍ د خپلو کورونو ته د ستنېدو لپاره د بنو په بکاخېلو کې احتجاج ته دوام ورکړی دی.

• نومبر ۰۵, ۲۰۲۵

  ایران کې د یو کس د مبینه وژنې ضد مظاهرې پیل شوې دي

  په ایران کې تر هغې وروسته احتجاجي مظاهرې پیل شوې دي چې د یو کس د هېواد د ستر مذهبي مشر ایت الله علي خامنه يي انځور وسوځاوه او بیا یې مړی وموندل شو. چارواکي د امېد سرلک مړینه ځانوژنه بولي، خو پلار یې دا نه مني او سپیناوی غواړي. نور د مشال راډیو د خبرونو مرکزي څانګې له ویډیو په جوړ رپورټ کې.

• نومبر ۰۵, ۲۰۲۵

  سوات کې د زعفرانو د کښت لومړۍ "بریالۍ" ازموینه شوې ده

  د سوات د کرنیزې پرمختیا ادارې مشر وايي، په لومړي ځل یې هلته د کروندګرو لپاره د زعفرانو د کښت بریالۍ تجربه کړې ده. ډاکتر افتخار احمد وايي، د زعفرانو حاصل کروندګرو ته لویه مالي ګټه رسولای شي. نور په لنډ ویډیويي راپور کې.

نور وښیئ