انځور او ویډیو

• اګست ۰۷, ۲۰۲۵

  مهر سلطانه وايي د کرک د ولس د ستونزو د هواري هڅې کوي

  د خیبر پښتونخوا په اسمبلۍ کې د کرک استازې مهر سلطانه وايي، پر ښځو د تشدد د مخنیوي لپاره هڅې کول غواړي. نوموړې په وروستیو کې د ښځو پر ځانګړې څوکۍ منتخبه شوه او د پیپلز ګوند غړې ده. له نوموړې سره بشپړه مرکه واورئ.

• اګست ۰۷, ۲۰۲۵

  خضر حیات نه غواړي د معذورۍ له وجې چا ته احتیاج شي

  د پېښور اوسېدونکی خضر حیات اته کلن وو چې په یوه پېښه کې یې لاس غوڅ شو. دی وايي، پر دې سربېره یې نه غوښتل چې پر کورنۍ بار (بوج) شي نو ځکه مزدوري کوي. هغه چېنګچي چلوي او د سریو (سیخانو) د ماتولو سخت کار کوي. نور په لنډ ویډیويي رپورټ کې.

• اګست ۰۷, ۲۰۲۵

  خوست کې تر سخت ورښت وروسته د ښار پاکۍ اشر شوی دی

  د خوست اوسېدونکو د اګست پر شپږمه د ښاروالۍ له کارکوونکو سره یوځای د ښار پاکۍ اشر وکړ. تر دې یوه ورځ مخکې تر طوفاني باران وروسته سېلاب راغی چې د طالبانو د حکومتي چارواکو په وینا، پکې دوه تنه ووژل شول او لسګونه کورونه یې ویجاړ او زیانمن کړل. ویډیويي رپورټ.

• اګست ۰۶, ۲۰۲۵

  د هند اتراکنډ کې سېلابونو سخت زیانونه اړولي دي

  د هند په اتراکنډ ایالت کې د اګست پر پینځمه تر شړکنده باران وروسته سېلابونو لږ تر لږه څلور تنه وژلي دي. سېلابونو او د کمرونو نړېدو ګڼ کورونه، سړکونه اوپلونه زیانمن کړي دي. چارواکي وايي، د ژغورنې چارو ته یې دوام ورکړی دی. د رویټرز او اسوشيېټېډ پرېس اژانس له ویډیوګانو جوړ رپورټ.

• اګست ۰۶, ۲۰۲۵

  تحریک انصاف د عمران خان د ۲ کلن بند ضد احتجاج کړی

  د پاکستان تحریک انصاف (پي ټي ای) غړو او پلویانو د اګست پر پینځمه د پېښور په ګډون د پاکستان په لسګونه ښارونو کې د خپل رهبر او پخواني وزیراعظم عمران خان د ګرفتارېدو او دوه کلن بند پرضد احتجاج وکړ. پي ټي ای وايي، دا مظاهرې یې د خپل مشر د خوشې کولو لپاره د پراخ احتجاجي غورځنګ پیل دی. ویډيويي رپورټ.

• اګست ۰۵, ۲۰۲۵

  سدیس خان په نیمګړي وجود په امتحان کې پوره نومرې واخیستې

  سدیس خان ۱۷ کلن دی. هغه پيدایشي معذوره دی. د هغه دواړه لاسونه او یوه پښه نشته خو ذهن یې روغ او جذبې یې اوچتې دي.

• اګست ۰۵, ۲۰۲۵

  مرستې له اسمانه، خطر له ځمکې

  د غزې خلک د اوږدې جګړې له کبله له خوراکي قلت سره لاس او ګرېوان دي.

• اګست ۰۵, ۲۰۲۵

  د حسینې واجد محل په لرغونتون بدلېږي

  په بنګلادېش کې یو کال مخکې په جولای او اګست کې خونړیو مظاهرو شیخ حسینه واجد د وزیراعظمۍ څوکۍ او هېواد پرېښودو ته اړ کړه. د بنګلادېش اوسني حکومت پرېکړه کړې چې د هغې پخوانی استوګنځای په لرغونتون (میوزییم) بدل کړي. د بېلابېلو اژانسونو له ویډیوګانو جوړ رپورټ.

• اګست ۰۴, ۲۰۲۵

  چینایانو څنګه د شیدو لوشلو نړیوال رېکارډ جوړ کړ؟

  د چین په تیانجون سیمه کې ځايي خلکو د غژګاو (یاک) د شیدو لوشلو نړیوال رېکارډ جوړ کړی دی.

• اګست ۰۳, ۲۰۲۵

  د امریکايي تعرفو کمېدو پاکستاني صنعتکاران خوشاله کړي دي

  د پاکستان د رخت (کپړې) صنعتکاران خوشاله دي چې امریکايي ولسمشر ډانلډ ټرمپ یې پر صادراتو (برامداتو) د تعرفو یا محصول کچ له ۲۹ څخه ۱۹ سلنه ته کم کړی دی. د رویټرز اژانس له ویډیو جوړ رپورټ وګورئ.

• اګست ۰۳, ۲۰۲۵

  خوست کې د کانکور ازموینه کې د لوړو نمرو اخیستونکي ستایل شوي

  په خوست کې د ۱۲م ټولګي هغه فارغان ستایل شوي چې د کانکور په سږنۍ ازموینه کې یې لوړې نمرې اخیستې دي او د کابل په ګډون یې په نورو پوهنتونونو کې د تعلیم موقع ترلاسه کړې ده. په ستاینغونډه کې یوازې هلکان موجود ول ځکه چې طالبانو تر شپږم ټولګي پورته د نجونو پر تعلیم بندیز لګولی دی. ویډيويي رپورټ.

• اګست ۰۳, ۲۰۲۵

  روسیه د اوکراین خېرسون کې د هندواڼو پر پټیو ډرون حملې کوي

  د اوکراین خېرسون د هغه هېواد "د مېوو د ټوکرۍ" په نوم یادېږي. خېرسون په ۲۰۲۲ز کال کې روسیو ځواکونو نیولی وو خو اوکراین د هم هغه کال په وروستیو کې د دنیپر سیند شمال ته پرته سیمه بیا ونیوله.

نور وښیئ