نړۍ

د خوړو او کرنې نړیوال سازمان د ځنګلونو د کمېدو خبرداری ورکړی دی

د مې پر درېیمه په رپورټ کې راغلي چې په تېرو کلونو کې د ځنګلونو د وهلو کچ ټیټ شوی دی خو پر دې سربېره هم د ۲۰۱۵ز او ۲۰۲۰ز کال ترمینځ شاوخوا ۱۰ مېلیونه هیکټره ځنګلونه ختم شوي دي.

په وايټ هاوس کې اختر ولمانځل شو

د مې پر دويمه جوړې شوې دې دستورې ولسمشر بايډن وويل چې په سپينه ماڼۍ کې د اختر لمانځلو هغه دود بیا پیلوي چې د انتخابي کمپېن پر مهال يې ژمنه کړې وه.

اوکراین جګړه: د روسیو ځواکونو برید کې د ازادې اروپا راډیو خبریاله وژل شوې

د ازادې اروپا راډیو مشر جېمي فلای د ګېرېچ پر مړینه "د زښت خپګان" څرګندونه کړې ده او د اپرېل پر ۲۹مه یې په بیان کې ویلي چې نوموړې به د "د هغې مسلکي کار" او د ازادې اروپا راډیو "ماموریت ته د هوډ لپاره تل یاده ساتي."

فرانسه کې د ژويو شکل لرونکو باډيوو مېله

په فرانسه کې تر دوه کاله ځنډ وروسته هغه کلنۍ مېله بیا پیل شوې چې پکې د بېلابېلو ژويو په شکل جوړې باډيوې یا کاغذ بادونه الوځول کېږي. په دې کې د نړۍ له لېرې لېرې هېوادونو ورغلي باډيوه الوځوونکي برخه لري. په ۲۰۲۰ز کال کې د کورونا وبا تر خپرېدو وروسته مېله نه وه شوې. د اژانس فرانس پرېس ویډیويي رپورټ.

هند پر غربي هېوادونو غږ کړی چې افغانستان دې نه هېروي

د هند د بهرنیو چارو وزیر سوبرامنیم جیشنکر (اېس جیشنکر) د اپرېل پر ۲۶مه په نوي دلي کې د جیوپولېټیکل کنفرانس په نوم یوې غونډې ته وویل چې یوازې اوکراین نه بلکې د نړۍ په نورو برخو کې هم لویې ستونزې شته دي چې ورته توجه په کار ده. 

هيومن رايټس واچ: روسي ځواکونه دې خلکو ته له ماريوپول ښاره د وتلو لار ورکړي

اېمانوېل میکرون بيا د فرانسې ولسمشر وټاکل شو

د اروپايي ټولنې د پلوۍ نظریات لرونکي میکرون د اپرېل پر ۲۴مه ۵۸ فیصده رایې ترلاسه کړې دي او ښي لاسې له پېن ۴۱ سلنه ووټونه ترلاسه کړل.

د اوکراین ولسمشر د روس دا ادعا رد کړه چې ماریوپول ښار یې نیولی دی

روسي ولسمشر ولادیمیر پوتین دعوه کړې ده چې د اوکراین ماریوپول ښار یې تر شاوخوا دوو میاشتو نښتو وروسته، د ده په وینا، " ازاد " کړی دی.

بیت المقدس: الاقصا جومات کې تاوتريخوالي لسګونه فلسطینیان ژوبل کړي

اسراییلي پولیسو په یو بیان کې ویلي په سلګونو فلسطینیانو د دوی پر پوځیانو د کاڼو او پټاخو ګوزارونه کړي دي. د بیان له مخې دغه پېښه د بیت المقدس د زوړ ښار په غربي دیوال کې د یهودانو له عبادتځای سره نېږدې د سهار تر لمانځه وروسته شوې ده.

اوکراین جګړه: زرګونه کسان له هېواده وتلي؛ روسۍ جنګي بېړۍ سمندرګي کې ډوبه شوې

په عین وخت کې د روسیې د دفاع وزارت ویلي دي چې د مسکوا په نوم یوه بحري بېړۍ یې په تور سمندرګي کې د عملیاتو پرمهال د زیانمنېدو له وجې ډوبه شوې ده.

پوتین وايي خپل پوځي کیمپېن سختوي او پر ختیز اوکراین تمرکز کوي

د روسیو تجهیزاتو کاروانونه له مختلفو خواوو څخه د مشرقي دونباس سیمې پر لوري روان دي او امریکايي ولسمشر جو بایډن په لومړي ځل ویلي چې د روسیې جنګ د "نسل وژنې یا توکموژنې" په زمره کې راځي.