Allaberdi Gulhanow 1972-nji ýylda Türkmenistanda doguldy. Ol häzir Russiýada aktýor, režissýor, prodýuser, kaskadýor we professional janpena bolup işleýär. Ol 70-den gowrak kinofilimde surata düşdi. Ol Russiýanyň Ýumruklaşma boýunça umumy-milli federasiýasynyň hem wise-prezidentidir. Öz ýakynlarynyň arasynda ol – Alik Gulhanow ady bilen hem bellidir. Allaberdi durmuşynyň esasy maksady edip: çagalar öýlerinde we internatlarda terbiýelenýän çagalara hemaýat bermegi saýlap aldy. Alik Gulhanow Azatlyk Radiosy bilen söhbetdeşliginde ýaşlyk ýyllary, durmuş ýoly we Türkmenistanyň häzirki prezidenti baradaky pikirleri bilen paýlaşdy.