12-nji awgustda halkara "Ýaşlar güni” bellenilip geçdi. Birleşen Milletler Guramasy tarapyndan döredilen bu günüň şu ýylky şygary “Ýaşlar we ruhy saglyk” boldy. Bu şygaryň astynda ýaşlaryň psihiki taýdan kemsidilmegine üns çekildi. Ýaşlaryň kemsidilmegi bilen baglanyşykly meselelere dünýäniň dürli künjeginde duş gelinýändigi aýdylýar. Eýsem, şu ýagdaý Türkmenistanda we türkmen ýaşlarynyň arasynda nähili? Täze Tolkun gepleşiginiň nobatdaky sanynda bu soraga türkmenistanly ýaşlar Bahar, Azada we Arslan jogap berdi.