То чанд рӯзи дигар теъдоде аз дӯконҳо дар гузаргоҳи зеризаминии шафати бозори “Саховат”-и шаҳри Душанбе баста ва моликашон иваз мешавад.
Зулфия Одинаева, ҳамсари Салимҷон Насриддинов, соҳибкори зодаи Тоҷикистон, ки дар Амрико ба расондани молҳои мамнӯи электронӣ ба Русия айбдор мешавад, аз хабари эҳтимоли табодули ӯ аз расонаҳо огоҳ шудааст.
Камчинӣ ва якбора боло рафтани арзиши гази моеъ дар Тоҷикистон нигаронии сокинон ва ронандагонро ба бор овардааст. Ду ҳафта пеш нархи як литр гази моеъ то 7 сомонӣ буд. Ҳоло дар пойтахт ва ноҳияҳои атрофи он аз 7 сомониву 80 дирам то 8 сомониву 20 дирам расидааст.
Ҳукумати Тоҷикистон ба Корхонаи нуриҳои "Азот" (заводи пешини нуриҳои азотии Вахш), ки соҳибаш эълон нашудааст, имтиёз додааст. Қарори ҳукумат 30-юми октябр баромада, Радиои Озодӣ 11-уми ноябр бо он шинос шуд.
Бо наздик шудани зимистон ва сардтар гардидани ҳаво аксари сокинони навоҳии Тоҷикистон шикоят доранд, ки бо душворӣ рӯз мегузаронанд. Дар як шабонарӯз ҳамагӣ 8 соат барқ мегиранд ва барои гарм кардани хонаҳояшон усулҳои бобоиро истифода мебаранд.
Маҷлиси намояндагон, палатаи поёнии порлумони Тоҷикистон, рӯзи 12-уми ноябр созишномаи қарзӣ миёни ҳукумат ва Хазинаи ОПЕК оид ба рушди байналмилалиро тасвиб кард. Дар доираи ин санад, Тоҷикистон барои сохтмони Роғун дар чор марҳила аз Хазинаи ОПЕК 100 миллион доллар қарз мегирад.
Қарзи ширкати "Барқи тоҷик" аз нерӯгоҳи "Сангтӯда-1", дар 9 моҳи соли ҷорӣ 543 миллион сомонӣ бештар шуда, ба 3 миллиарду 530 миллион сомонӣ расидааст.
Кай роҳ ба ноҳияи Кӯҳистони Масчоҳ обод мешавад? Ин суолест, ки аксари сокинони ин ноҳияи дурдасти Тоҷикистон ва як қисмати ноҳияи Айнӣ солҳо боз аз мақомот мепурсанд. Ҳам дар даврони Шӯравӣ ва ҳам дар 34 соли Истиқлолият, ин роҳ ягон маротиба асфалтпӯш нашудааст.
Бо фаро расидан сардиҳо ва маҳдудияти нерӯи барқ, нархи ангишти тавлиди Қирғизистон дар Тоҷикистон 30 дарсад гарон шудааст. Ҳоло нархи як килограм ангишти қирғизӣ дар Душанбе ва атрофи он 4 сомонию 30 дирам аст. Соли гузашта нархи ин намуд ангишт як сомонӣ арзонтар буд.
Тоҷикистон барои истихроҷ ва коркарди садҳо кони нав сармоягузор меҷӯяд. Барои ин рӯзи 29-уми октябр дар шаҳри Душанбе нахустин форуми байнулмиллии коркарди маъданҳои кӯҳӣ-металлургӣ баргузор шуд. Истихроҷи маъдан як бахши муҳими иқтисоди Тоҷикистон аст ва чиниҳо дар ин бахш ҳузури густарда доранд.
Даромад ё фоида аз таваққуфгоҳҳо (ҷойи ист)-и пулакии мошинҳо дар шаҳри Душанбе, бар асоси ҳуҷҷатҳо, миёни ҳукумат ва сармоягузорони тарҳ панҷоҳ бар панҷоҳ тақсим мешавад.
Бо вуҷуди баёнияи дипломатҳои Тоҷикистону Русия дар мавриди набудани мушкил дар муносибатҳои ду кишвар вазъи муҳоҷирони корӣ ҳамоно мушкил мемонад.
Ёфтҳои бештар
