Дар ҳоле ки масъулони ширкати “Барқи Тоҷик” дар гузашта сокинонро барои саривақт насупоридани ҳаққи истифодаи барқ танқид карда буданд, дар ноҳияи Фархор идораҳои давлатӣ, аз ҷумла бинои ҳукумат, қарздор мондааст. Ин вазъ сокинони одиро, ки барои қарздорӣ барқашон хомӯш мешавад, дар ҳайрат гузошта.
Гулнозаи Қурбонхон ҳамагӣ панҷ сол пеш аз деҳаи Тӯданӣ ба маркази ноҳияи Шамсиддин Шоҳин кӯчид, аммо зуд дар байни мардум ва бахусус занон шинохта шуд. Онҳо субҳи барвақт ва ё нимашаб барояш занг мезананд ва ӯ ба кумакашон мешитобад. Ӯ таксӣ меронад.
Омӯзгорон ва ҳамдеҳагони Эҳсон Аминзода (Эҳсони Тоҷиддин) дар ноҳияи Кушониёни вилояти Хатлон ба фарзияи марги ӯ дар тамрингоҳи Белгород бовар надоранд.
Фарзонаи Алихон, сокини ноҳияи Ҳамадонӣ, ки маъюб асту барои наварӯсон либос медӯзад, барояшон орзуи хушбахтии доимӣ мекунад.
Сокинони як маҳалла дар ноҳияи Кушониён шикоят доранд, ки мақомот бо талаби баргардондани фарзандонашон аз хориҷа ва фиристодани онҳо ба артиш сими барқи чанд хонаро бурида, ба дари масҷидҳо қуфл задаанд. Дар ҳукумати ноҳия изҳори бехабарӣ карданд. Ҳуқуқдонҳо хилофи қонун донистанд.
Ҷасади як сарбози тоҷикро, ки дар қисми ҳарбӣ дар ноҳияи Мурғоби вилояти Бадахшон хидмат мекард, ба пайвандонаш додаанд. Шоҳрух Маҳкамов 19 сол дошт. Ӯро як сол пеш ба артиш бурда буданд. Масъулон гуфтаанд, сарбоз аз беморӣ даргузашт.
Пайвандони як ҷавон дар Исфара иддао доранд, ки маъмурони Комиссариати ҳарбӣ фарзанди маъюби онҳоро боздошт карда, маҷбурӣ ба артиш бурданӣ ҳастанд.
Ба парвандаи котибаи додраси пешини машҳур ба “ҳукми сафед” ду айби дигар зам кардаанд. Азиза Ҳайдароваи 22-сола пештар ба қаллобӣ муттаҳам буд, ҳоло ба “исрофкорӣ” ва “сохтакории далелҳо” низ гумонбар аст. Модараш ӯро мегуноҳ медонад. Мақомот мегӯянд, хулосаи ниҳоиро додгоҳ хоҳад гуфт.
Се духтари ҷавон аз Вилояти Мухтори Кӯҳистони Бадахшон дар як деҳаи дурдасти ноҳияи Нуробод ба хонандагон дарс медиҳанд. Мақомот мегӯянд, ба сабаби аз таҳсил дур мондани духтарону баъзе писарон дар ин ноҳия солҳои охир муаллим намерасад.
Додситонии Рашт таҳқиқи парвандаи Султон Назарзода, сокини ин ноҳияро, ки ба гумони ба худкушӣ расондани ҳамсараш Маҳинаи Холамаҳд дар боздошт аст, ба поён расондааст. Пайвандонаш рӯзи 9-уми октябр ба Радиои Озодӣ гуфтанд, ки "мурофиаи ӯ эҳтимол ҳафтаи оянда шуруъ шавад".
Ленин, Исмоили Сомонӣ, Эмомалӣ Раҳмон ё номи чандин ходимони давлативу ҷамъиятӣ аз маҳаллаи Арбоби ноҳияи Бобоҷон Ғафуров барои иваз кардани номи як кӯча боиси баҳси сокинон шудааст.
Мулло Ҳайдар Шарифзода, рӯҳонии шинохта дар минтақаи Кӯлоб, мегӯяд, як ҷавон ба ӯ бо "элеткрошокер" ҳамла кард, вале ангезааш маълум нест. Маъмурони милиса ҳодисаро тасдиқ карда, дар айни ҳол гуфтанд, ки ҳамлавар бемори рӯҳист.
Ёфтҳои бештар
