Масъулони Идораи мубориза бо қочоқи маводи мухаддир дар вилояти Суғд ва раиси ноҳияи Бобоҷон Ғафуров Нусратулло Салимзода дар поёни нимсолаи аввали 2024 нишасти матбуотӣ доир накарданд.

Далели ниҳоди аввалӣ то ҳол маълум нест. Намояндагони ҳукумати ноҳияи Бобоҷон Ғафуров гуфтанд, ки раис дар мураххасӣ буд ва ба ҳамин сабаб нишасти хабарӣ баргузор нашуд. Ҳоло он ки бино ба таҷриба дар пойтахт ва гӯшаҳои дигари ҷумҳурӣ муовинони раис ё намояндагони дигари ҳукумат метавонистанд ӯро иваз кунанд.

“Рӯзноманигор метавонад, дар шаш моҳ як бор маълумотро аз нишасти хабарӣ дарёфт кунад. Дар мавридҳои дигар дастрасӣ ба иттилоъ хеле ва хеле душвор аст. Хусусан дастрасӣ ба факту рақамҳо дар ҳукуматҳо,” – гуфт Муҳайё Қаюмова, муҳаррири оҷонси хабарии “Суғднюс”.

Баъд аз таъхири беш аз сесола намояндагони ширкати “Барқи Тоҷик” дар вилояти Суғд тобистони имсол нишасти хабарӣ доир карданд. Он ҳам бе тайёрии комил. Дар гузашта баҳонаи баргузор накардани нишастҳои хабариро “супориш аз боло” мегуфтанд.

Мушкили дигар баргузории нишасти чанд ниҳоди муҳим дар як вақти кӯтоҳ аст. Барои мисол, Раёсати Идораи беҳдошти замин ва обёрӣ, Раёсати кишоварзӣ, Раёсати ҳифзи муҳити зист ва Кумитаи идораи замин дар маҳдудаи ҳамагӣ як соат нишасти хабарӣ гузаронданд.

Дар нишасти охири раиси вилояти Суғд пешниҳод шуд, ки раисони шаҳру ноҳияҳои дурдаст ба марказ биоянд ё вақтро барои хабарнигорон бештар ҷудо кунанд. Раҷаббой Аҳмадзода гуфт: “Имрӯз ҳар суоле, ки шумо додед, ба манфиати кор аст. Боз чашми ман кушода мешавад, ки кадом шаҳру ноҳия камтар фориғболӣ карда истодааст ё ҷиддӣ кор карда истодааст”.

Соли гузашта шаш созмони рӯзноманигорӣ дар остонаи нишастҳои хабарӣ аз Дастгоҳи иҷроияи президент ва Додситонии кул хостанд, назорат бар нишастҳоро пурзӯр кунанд. Дар изҳорот омадааст, нишастҳои матбуотӣ "на танҳо қолабӣ шудаанд, балки моҳияти худро низ аз даст додаанд: мансабдорон танҳо арқоми хушку холиро пешниҳод мекунанд."

Сол то сол камранг шудани нишастҳои хабарӣ ва маҳдуд шудани дастрасӣ ба иттилоот боис ба танқиди созмонҳои байнулмилалӣ низ гаштааст. Дар шохис ё индекси имсолаи озодии баён, ки онро созмони Гузоришгарони Бидуни Марз (RSF) нашр кард, Тоҷикистон ду зина поин рафта, дар шумори кишварҳои саркӯбгар, дар мақоми 155-ум ҷой гирифт.

Гузориши видеоиро дар ин ҷо бинед:

Embed ба дигарон фиристед

Чаро баъзе аз роҳбарон бо хабарнигорон рӯ ба рӯ намешаванд?

Embed ба дигарон фиристед

Нусхабардорӣ шуд

---

бар px баландӣ px

---

URL нусхабардорӣ шуд

Феълан кор намекунад

0:00 0:05:04 0:00

Колесникова ҳаждаҳ моҳ боз дар зиндон аст. Дар бораи бад шудани вазъи саломати ӯ гузоришҳо мерасанд.

Ин фаъоли мухолифон дар пайи интихоботи баҳсбарангези президентӣ дар соли 2020 раҳбари тазоҳурот дар Беларус шуд. Норозиён истеъфои раҳбари худкома Александр Лукашенкоро талаб доштанд.

Ӯро дар моҳи сентябри соли 2021 ба 11 сол зиндон маҳкум карданд.

Манобеъ дар аввали соли ҷорӣ ба Радиои Озодӣ гуфтанд, ки Колесникова беш аз як сол боз дар утоқи якнафарӣ нигаҳ дошта мешавад. Дар ҳоле ки тибқи қонунҳои Беларус ин муҳлат набояд аз шаш моҳ бештар бошад.

Падараш дуо мекунад, ки ӯ зинда бошад. Александр Колесников рӯзи 14-уми октябр ба хабаргузории AP гуфтааст, "мақомот дархостҳои маро барои мулоқот нодида мегиранд. Номаҳоямро нодида мегиранд. Ин эҳсоси бади нотавонӣ барои як падар аст."

Кумитаи тафтишоти Русия хабар дод, ки ҳукм рӯзи 14-уми октябр содир шуд.

Винатйеи 48-сола дар моҳи июни имсол бо гумони ҷосусӣ ва номнавис накарданаш ба ҳайси агенти хориҷӣ дастгир шуда буд.

Муфаттишон иддао кардаанд, ки вай иттиҳоми ғайриқонунӣ ба даст овардани иттилоъро дар бораи нерӯҳои Русия пазируфтааст, вале маълум нест таҳти чӣ шароите.

Вакилони мудофеи ӯ аз додгоҳ хоста буданд, ки ба ҷойи ҳукми зиндон Лоран Винатйеро ҷарима бандад.

Лоран Винатйе мушовири Маркази муколамаи башардӯстона, як созмони ғайритиҷоратӣ дар мавриди ҳалли низоъ дар Женева аст.

Фаронса қарори Додгоҳи Русияро маҳкум кард ва хоҳони раҳоии Винатйе шуд.

“Ҳизбуллоҳ” як гурӯҳи ҷангҷӯ ва ҳизби сиёсист, ки аз тарафи Эрон ҳимоят мешавад.

Амрико онро созмони террористӣ медонад. Иттиҳоди Аврупо танҳо шохаи низомияшро ба рӯйхати сиёҳ ворид кардааст.

Ин ҳамлаҳо дар ҳоле сурат гирифтанд, ки сарвазири Исроил Бенямин Нетаняҳу гуфт, ба ҳамлаи “Ҳизбуллоҳ” ба як пойгоҳи низомии кишвараш ҷавоби сахт хоҳанд дод.

Дар он ҳамла рӯзи 13-уми октябр чаҳор сарбози исроилӣ кушта шуданд.

Нетаняҳу ҳангоми боздид аз пойгоҳ гуфт, Исроил ба ҳамлааш ба зидди “Ҳизбуллоҳ” идома хоҳад дод, “бидуни раҳм, дар ҳама ҷойи Лубнон, аз ҷумла пойтахт – шаҳри Бейрут”.

“Ҳизбуллоҳ” дар ҳамла ба пойгоҳи артиши Исроил дар шаҳри Беняминия аз селаи ҳавопаймоҳои бесарнишин истифода кардааст.

Владимир Зеленский дар паёме шаби 14-уми октябр дар ин бора суҳбат кард, аммо ҷузъиёт надод.

Вай рӯзи 13-уми октябр иддао кард, ки Кореяи Шимолӣ ба Русия сарбозу аслиҳа фиристодааст. Ин гузоришҳоро мустақилона тасдиқ кардан имкон надорад.

Президенти Украина дар паёми виидеоии худ гуфт, "сухан акнун танҳо дар бораи интиқоли силоҳ нест, гап дар бораи фиристодани одамон аз Куриёи Шимолӣ ба сафи нерӯҳои ишғолгар меравад".

Зеленский барои исботи гуфтаҳояш далел наовард.

Пас аз тақрибан 32 моҳи таҷовузи Русия ба хоки Украина, гумонзаниҳо дар мавриди нақши Куриёи Шимолӣ дар ин ҷанг ва нишонаҳои зичтар шудани муносибатҳои байни Маскаву Пхенян ва Куриёи Шимоливу Эрон бештар шудааст.

Волии минтақа Виталий Ким дар Телеграм навишт, ки дар ин ҳодиса як зан кушта ва 16 каси дигар захмӣ шуд.

Ким гуфт, ҳамла ба зербиноҳои ғайринизомӣ, аз ҷумла як маркази тиҷоратӣ, биноҳои истиқоматӣ ва мошинҳо зарар расонд.

Дар ҳамин ҳол, нерӯҳои Украина гуфтанд, ки 17 ҳавопаймои бесарнишини Русияро сарнагун карданд.

Ба иттилои онҳо, Русия ба вилоятҳои Миколаев, Киев, Одесса, Полтава, Черниҳов, Кировоград ва Черкасӣ тақрибан бист паҳпод сар додааст.

Ситоди кулли артиши Украина рӯзи 15-уми октябр хабар дод, ки задухӯрди шадид дар самти Харков, шимолу шарқи Украина, ҷараён дорад.

Шарофиддин Гадоев, раҳбари Ҷунбиши ислоҳот ва рушд, рӯзи 15-уми октябр дар номае ба ҳукуматҳои ғарбӣ гуфтааст: “Дар дохили Тоҷикистон буҳрони иқтисодӣ, фасод, ҳукумати хонаводагӣ ва амалҳои саркӯбгаронаи режими Эмомалӣ Раҳмон алайҳи мухолифони сиёсӣ, ҷомеаи шаҳрвандӣ ва расонаҳои мустақил хуб маълуманд ва аз ҷониби ҷомеаи байнулмилалӣ ҳуҷҷатгузорӣ шудаанд...”

Вай иддао кардааст, ки “роҳҳои осоишта барои ҳалли буҳрон амалан дигар вуҷуд надоранд” ва бисёре аз шаҳрвандон “ба имкони тағйироти демократӣ дар Тоҷикистон боварии худро аз даст додаанд”. Бинобар ин, ширкати фаъолонаи ҷомеаи байнулмилалиро барои “пешгирӣ аз нооромӣ ва таъмини субот дар сатҳи минтақа ва ҷаҳон” муҳим хондааст.

Раҳбари Ҷунбиши ислоҳот ва рушд, қароргоҳаш дар Амстердам, афзудааст, ҳангоми идомаи буҳрон ва набудани ислоҳоти муассир “кишвар метавонад дар остонаи бесуботӣ қарор гирад.” Ин ҳолат, ба иддаои ӯ, “боис ба мавҷи гурезаҳо ва тақвияти гурӯҳҳои ифротгаро мегардад.”

Вай дар давоми нома аз Иёлоти Муттаҳида ва кишварҳои аврупоӣ хостааст, барои озодии фаврӣ ва бечунучарои зиндониёни сиёсӣ талош карда, монеи саркӯби рӯзноманигорон, ҳомиёни ҳуқуқ ва фаъолони ҷомеаи шаҳрвандӣ дар Тоҷикистон шаванд.

Таъмини озодии баёну кори расонаҳои мустақил, барҳам додани қонуну санадҳои мухолифи меъёрҳои байнулмилалии ҳуқуқи инсон ва ташкили интихоботи озоду шаффоф бо иштироки ҳама нерӯҳои сиёсӣ аз хостҳои дигари Ҷунбиши ислоҳот ва рушд аст.

Бархилофи арзёбии созмону кишварҳои ғарбӣ, ҳукумати Тоҷикистон ва ҳампаймонҳояш ба мисли Русияву Чин интихоботҳои гузаштаро дар ҷумҳурӣ озоду шаффоф хондаанд. Мақомот будани зиндониёни сиёсиро низ инкор мекунанд.

“Мо зарурати ба ҷавобгарии байнулмилалӣ кашидани гунаҳкорони нақзи системавии ҳуқуқи инсон, аз ҷумла Эмомалӣ Раҳмон ва атрофиёни ӯро таъкид мекунем. Ин ҷиноятҳо на танҳо бояд ба чораҳои сиёсӣ ва дипломатӣ, балки ба муҳокимаҳои додгоҳӣ дар доираи ҳуқуқи байнулмилалӣ кашида шаванд,” – гуфтааст Шарофиддин Гадоев.

Даъват ба муколама байни мухолифони ҳукумати Тоҷикистон рӯзи 1-уми октябри имсол аз тарафи Ҷунбиши ислоҳот ва рушд дар нишасти Созмони Амнияту Ҳамкорӣ дар Аврупо дар Лаҳистон (Полша) садо дод. Мақомоти Тоҷикистон дар нишаст набуданд. Дертар вокуниш ҳам накарданд. Маълум нест, ки гурӯҳҳои дигари мухолиф дар хориҷа аз ин ташаббус ҳимоят мекунанд ё не.

Қаблан чанд созмони ғарбӣ хоҳони маҳдудиятҳо ба зидди мансабдорон дар Тоҷикистон шуданд. Кумисюни байнулмилалии Амрико дар мавриди озодиҳои динӣ дар моҳи майи 2024 аз ҳукумати Иёлоти Муттаҳида хост, алайҳи он идора ва мансабдорони Тоҷикистон, ки дар поймол кардани озодии динии сокинон нақш доранд, таҳримҳои ҳадафманд (мақсаднок) ҷорӣ кунад.

То ин дам баъзе аз гурӯҳҳои алоҳидаи мухолифини тоҷик низ аз ҳукумату созмонҳои ғарбӣ хостаанд, ки ҳангоми мулоқот бо намояндагони Тоҷикистон масъалаи риояи ҳуқуқи инсонро гӯшзад кунанд. Натиҷаи ин дархостҳо маълум нест ё ҳадди ақал расонаӣ нашудааст

Тибқи ин раддабандӣ, Тоҷикистон дар байни 127 кишвар дар зинаи 65-ум - байни Никарагуа ва Ғана ҷойгир шудааст.

Гуфта мешавад, ин таҳқиқот бар асоси чаҳор меъёр, аз ҷумла, марги кӯдакони то панҷсола ва лоғарӣ, омода шудааст.

Муаллифони пажӯҳиш гуфтаанд, 18,4 дарсади кӯдакони то панҷсола дар Тоҷикистон бар асари камғизоӣ қадпаст буда, 5,1 дарсади кӯдакони то панҷсола лоғаранд ва 3,0 дарсади кӯдакон то панҷсолагӣ мемиранд.

Дар байни ҷумҳуриҳои собиқи Шӯравӣ Белорус, Эстония, Литва, Латвия, Гурҷистон, Русия ва Узбакистон дар қатори 22 кишваре ҷойгир шудаанд, ки мизони камғизоӣ дар онҳо камтар аст.

Бозӣ барои ҷойи сеюм миёни дастаҳои мунтахаби Тоҷикистону Филиппин 14-уми октябр дар варзишгоҳи Тинсуланондаи шаҳри Сонгхлаи Тайланд доир гардид. Ҳарсе гол дар нимаи дуюми дидор зада шуд. Голҳоро Геррит Ҳолтманн (дақиқаи 47-ум), Ҷефферсон Табинас (58) ва Зико Бейли (62) ба самар расонданд.

Ёдовар мешавем, бозии даври ниманиҳоӣ миёни дастаҳои мунтахаби Тоҷикистону Сурия 11-уми октябр дар варзишгоҳи Тинсуланондаи шаҳри Сонгхлаи Тайланд бо пирӯзии суриягиҳо бо ҳисоби 1:0 хотима ёфта буд. Тӯбро Муҳаммад Усмон дар дақиқаи 35-ум зад.

Дар бозии дигари ниманиҳоӣ дастаи мизбон – Тайланд - тими миллии Филиппинро бо ҳисоби 3:1 мағлуб карда буд.

Ба ин тартиб, дар финал мунтахаби Сурия бо дастаи мизбон - Тайланд - рақобат мекунад. Бозии ҳалкунандаи мусобиқаи "Ҷоми шоҳи Тайланд 2024" 14-уми октябр соати 18:00 бо вақти Душанбе шуруъ мешавад.

Футболбозони тоҷик дар ҳоле "Ҷоми шоҳи Тайланд 2024"-ро бидуни медал тарк мекунанд, ки ду сол пеш барандаи ин сабқат шуда буданд. Дар 50-умин мусобиқаи байнулмилалии "Ҷоми шоҳи Тайланд" ба ҳайати дастаи мунтахаби Тоҷикистон 23 бозигар шомил буд, ки 13 нафарашон легионеранд ва дар бошгоҳҳои футболи Русия, Эрон, Узбекистон, Гурҷистон, Индонезия, Булғористон ва Қазоқистон бозӣ мекунанд.

Ҳайати дастаи мунтахаби Тоҷикистон дар мусобиқаи байнулмилалии "Ҷоми шоҳи Тайланд 2024":

Дарвозабонҳо: Рустам Ятимов («Ростов», Русия), Олег Баклов («Уфа», Русия), Далерҷон Баротов («Истаравшан»);

Ҳимоятгарон: Ваҳдат Ҳанонов («Сипоҳон», Эрон), Зоир Ҷурабоев, Манучеҳр Сафаров (ҳарду аз «Нефтчӣ», Узбекистон), Меҳрубон Каримов («Самгурали», Гурҷистон), Раҳматшо Раҳматзода («Персиҷап Ҷепара», Индонезия), Фахриддин Аҳтамов («Хуҷанд»), Баракатулло Неъматуллозода («Барқчӣ»);

Нимҳимоятгарон: Парвизҷон Умарбоев (ССКА-1948, Булғористон), Хусрав Тоиров, Фатҳулло Олимзода (ҳарду аз «Атирау», Қазоқистон), Муродалӣ Ҳақназаров («Самтредиа», Гурҷистон), Азизбек Ҳаитов («Равшан»), Алишер Шукуров, Салоҳиддин Эргашев (ҳарду аз «Вахш»), Ислом Зоиров («Ҳосилот»), Абубакр Сулаймонов, Азизбек Далиев (ҳарду аз «Барқчӣ»);

Ҳамлагарон: Шаҳром Самиев («Андиҷон», Узбекистон), Далер Шарипов («Металлург», Узбекистон), Нуриддин Ҳамроқулов («Вахш»).

Сармураббӣ – Гела Шекиладзе (Гурҷистон/Белгия).

Мусобиқаи байнулмилалии «King’s Cup 2024»:

Нимфинал

11-уми октябр (ҷумъа)

Сурия – Тоҷикистон – 1:0

Гол: Муҳаммад Усмон, 35

Тайланд – Филиппин – 3:1

14-уми октябр (душанбе)

Бозӣ барои ҷойи сеюм

Тоҷикистон – Филиппин – 0:3

Голҳо: Геррит Ҳолтманн, 47 (0:1), Ҷефферсон Табинас, 58 (0:2), Зико Бейли, 62 (0:3

Финал

18:00 (бо вақти Душанбе). Сурия – Тайланд

14-уми октябр, Сонгхла (Тайланд). Варзишгоҳи Тинсуланонда

Бар асоси қонуне, ки моҳи сентябри соли 2023 қабул шуд, мӯҳлати зиндон ва ҳаҷми ҷарима барои вайрон кардани қоидаи пӯшидани ҳиҷоби ҳатмӣ сангинтар шуд.

Қонуни ҳиҷоб барои либоси “номуносиб” дар маконҳои ҷамъиятӣ барои занон то 10 соли зиндонро пешбинӣ мекунад.

Ноҳид Нағшандӣ, як муҳаққиқи масоили Эрон дар Human Rights Watch гуфт, “ҳукумати худкомаи Эрон ба ҷои он ки дар посух ба ҳаракати “Зан, зиндагӣ, озодӣ” бо ислоҳот посух диҳад, қонунҳои аз ин бадтар саркӯбгарона”-ро қабул мекунад.

Дар Эрон аз соли 1981 қонуни ҳиҷоби ҳатмӣ барои духтарони аз 9-сола боло амал мекунад. Барои мардҳо дар Эрон ҳамчунин пӯшидани либосе манъ аст, ки поёни қафаси сина ё китфу буҷулаки пойро урён мекунад.

Соли 2022 духтари ҷавон дар Эрон баъди боздошташ бо гумони “бадҳиҷобӣ” дар идораи полис даргузашт ва ин чиз боиси эътирозҳои бесобиқаи сартосарӣ дар тамоми кишвар шуд. Мақомот бо саркӯби бераҳмона посух доданд ва дар давоми чанд моҳи эътирозҳо чандсад нафар куштаву ҳазорҳо тан маҷрӯҳ шуданд.

Рӯзи 14-уми октябр Дарон Аҷемоғлу, Ҷеймс Робинсон – иқтисодшиносони корманди донишгоҳҳои Амрико ва ёвари онҳо Саймон Ҷонсон барандаи ҷоизаи Нобел дар риштаи иқтисод эълон шуданд.

Ҳакамон саҳми онҳоро дар таҳқиқи “ҷараёнҳои ташаккулёбии сохторҳо ва таъсири онҳо ба шукуфоии иқтисодӣ” муҳим арзёбӣ намуданд.

Дар иттилоияи Академияи илмҳои Шветсия омадааст, ки барандаҳои ҷоиза бо таҳқиқоти худ имкон фароҳам мекунанд, ки бо чӣ сабаб ҷомеаҳое бо рушди заъифи қонунҳо ва сӯиистифода аз нирӯи аҳолӣ, пеши роҳи рушд ва тағйиротро мегиранд. Аҷемоғлу ва Робинсонро поягузори илми иқтисоди ниҳодӣ ё сохторӣ меноманд.

Ҷоизаи иқтисодии ба номи Алфред Нобелро соли 1968 Бонки Швейтсария таъсис дод. Тақдими худи ҷоизаҳо қарор аст 10-уми декабр барпо шавад.

Рӯзи 14-уми октябр Сайфулислом Хайбар, сухангӯи Вазорати амри ба маъруф ва наҳй аз мункари ҳукумати "Толибон" ба хабаргузории Франс Пресс гуфт, қонуни манъкунандаи нашри акси чеҳраҳои зинда дар тамоми Афғонистон татбиқ мешавад.

Ин мақомдори "Толибон" афзудааст, иҷрои ин қонун тадриҷан сурат мегирад.

Чанде пеш Вазорати адлияи "Толибон" дар бораи ҷорӣ шудани қонунҳои сахтгиронаи исломӣ хабар дод.

Ҳанӯз қонун дар бораи манъи чопи суратҳои одамони зинда пурра ба иҷро надаромадааст ва нашри аксҳои узви ҳукумати "Толибон" дар шабакаҳои иҷтимоӣ идома доранд.

Гуруҳи "Толибон" баъди бозгашт ба қудрат дар моҳи августи соли 2021, дар Афғонистони маҳдудиятҳои зиёде ҷорӣ карданд. Аз ҷумла онҳо таҳсили духтаронро аз синфи 6 боло манъ карда, занонро аз ҳаққи кор низ маҳрум карданд.

Улф-Ялмар Кристерссон, нахуствазири Шветсия 13-уми октябр Сипоҳи посдоронро ба даст доштан дар чанд ҳамла муттаҳам кард.

Хадамоти ҷосусии Шветсия Эронро муттаҳам кардааст, ки бо ҷалби аъзои гуруҳҳои ҷиноӣ талош кардааст, ба ширкатҳои исроилӣ ҳамла кунад. Теҳрон ин иттиҳомро рад кардааст.

Давоми як соли ахир, ба сафорати Исроил дар шаҳри Стокҳолм, пойтахти Шветсия се маротиба ҳамла сурат гирифт. Як ширкати фанноварии исроилӣ низ дар ин кишвари аврупоӣ ду маротиба мавриди ҳамла қарор гирифт.

Сипоҳи посдорони инқилоби исломии Эрон бо ҳудуди 125 ҳазор узви мусалллаҳ дар саҳнаи сиёсӣ ва иқтисодии Ҷумҳурии исломӣ нуфузи густурда дорад.

Нерӯҳои Қудс, як шохаи Сипоҳи посдорон, ба он муттаҳам мешавад, ки амалиёти хориҷиро дар Ховари Миёна раҳбарӣ мекунад ва дастрас кардани силоҳ барои шибҳинизомиёни тарафдори Эрон дар Сурия, Ироқ, Лубнон ва гӯшаҳои дигари ҷаҳонро танзим менамояд.

Ин мақомдори баландпояи қирғиз бидуни овардани ҷузъиёти бештар танҳо афзуд, “агар Худо насиб карда бошад, вақтҳои наздик мо дар ниҳоят масъалаи марзро бо ҳамсояҳо ҳал мекунем. Дигар ин номуайянӣ намемонад, ки замин аз кист. Ҳама чиз дар чаҳорчӯби қонун ҳал мешавад. Ин имкон медиҳад, ки заминамонро мисли гавҳараки чашм ҳифз кунем, ин ҳам дастоварди мост,”-гуфт Тошиев.

Намояндагони Тоҷикистон ва Қирғизистон тақрибан ҳар моҳ вохӯрда, аломатгузории марзро баҳс мекунанд. Аммо натиҷаҳои ин музокирот аз чашми ҷомеа пӯшида мемонад ва ду тараф ҳеч шарҳе намедиҳанд.

Тибқи охирин хабарҳои расмӣ, 94 дарсади хатти марзи Тоҷикистону Қирғизистон муайян шуда, гуфтугӯҳо бар сари минтаҳои боқимонда идома дорад. Мушаххас нест, маконҳое, ки аниқ нашудаанд, дар кадом қисмати марз ҷойгиранд. Бархе манбаъҳо дар ҳукумати Тоҷикистон мегӯянд, ҳоло марҳилаи таъйини мақоми қитъаҳои бисёр "ҳассос"-и марз, зоҳиран аҳолинишин ҷараён дорад.

Мақомоти Қирғизистон, аз ҷумла раиси ҷумҳури ин кишвар Содир Ҷабборов чанд маротиба барои поёни гуфтугуҳои марз бо Тоҷикистон муҳлат таъин карданд. Аммо бо поёни ин муҳлат ҳанӯз ҳам масъала ниҳоӣ нашудааст.

Номуайян мондани хати сарҳад байни ду кишвари ҳамсоя солҳои 2021 ва 2022 сабаби муноқишаи хунин шудааст ва аз ҷониби Тоҷикистон ва ҳам аз тарафи Қирғизистон даҳҳо нафар куштаву маҷрӯҳ шудаанд. Сарҳади Қирғизистон ба рӯи шаҳрвандони Тоҷикистон баста боқӣ мемонад ва мардуми ду тараф баръакси солҳои пешин дигар тиҷорату равуо надоранд.

Як мақоми маҳаллӣ дар ин минтақа, ки нахост номаш фош шавад, ба Радиои Машъал, бахши покистонии Радиои Аврупои Озод/Радиои Озодӣ гуфт, ки рӯзи шанбе афроди мусаллаҳ ба сӯи се нафар, ки роҳгузар буданд, тирандозӣ карданд. Ин се тан дар ин ҳодиса захмӣ шуданд.

Ба гуфтаи ин мақом, як гуруҳ аз афроди мусаллаҳ дар ҳамин минтақа ба як корвони мусофирон ҳамла карданд, ки дар натиҷа 17 нафар кушта шуданд.

Ин мақом афзуд, ки ба назар мерасад ҳамлаи дувум дар вокуниш ба ҳамлаи аввал рух додааст. Мақомоти тандурустӣ дар ин маҳал ба Радиои Аврупои Озод/Радиои Озодӣ гуфтанд, ки шуморе аз захмиҳо дар бемористон ҷон бохтанд.

Гуфта мешавад, ки занон ва кудакон низ дар миёни кушташудаҳо ва захмиён ҳастанд. Пас аз ин ҳодиса, пайравони мазҳаби аҳли суннат ва ҷамоат се руз мотами умумӣ эълон карданд ва бозори шаҳраки Садаро низ бастанд.

Раҳбарони тоифаи шиа ин ҳамларо маҳкум кардаанд.

Ҳарчанд сабаби аслии ин ҳамлаҳои маълум нест, аммо дар гузашта дар даргириҳо бар сари заминҳо миёни шиаҳо ва сунниҳо даҳҳо нафар кушта ва захмӣ шуда буданд.

Ӯ ҳамчунин бар ҳифзи "эҳтиром" ба неруҳои сулҳбони Созмони Милали Муттаҳид таъкид кард.

Поп дар як маросими динӣ гуфт, "ман ҳамчунон бо нигаронӣ ончиро, ки дар Ховари Миёна рух медиҳад, пайгирӣ мекунам".

Поп Франсис бо таъкид ба ҳалли мушкил аз роҳи гуфтугӯ ва дастёбӣ ба сулҳ гуфт, ки барои озодии гаравгонҳо дуо мекунад ва ибрози умедворӣ кард, ки ин "ранҷи бузург" ба зудӣ поён ёбад.

Исроил дар ин минтақа зидди Ҳизбуллоҳ амалиёти низомӣ анҷом медиҳад.

Дар як ҳафтаи ахир чор сарбози нерӯҳои посдори сулҳи СММ дар ҳамлаҳои Исроил захмӣ шудааст. СММ ва чанд кишвари дигар ҷаҳон Исроилро барои ин кор маҳкум карданд.

Нетаняҳу аз Антонио Гуттериш, дабири кулли СММ хост, ки аз минтақаи хатарнок сарбозони посдори сулҳро берун кунад. Ӯ гуфт, ки Ҳизбуллоҳ аз ин сарбозон ҳамчун сипар истифода мекунад.

Нерӯҳои посдори сулҳ пеш аз ин гуфтанд, ки қасди тарки минтақаро надоранд ва инҷо аз воқеияти ҷанг бояд гузориш диҳанд.

Нерӯҳои посдори сулҳ тарафдори ҳеч ҷониби ҷанг нестанд.

Исроил дар ин минтақа аз сокинони 21 деҳа низ хостааст, ки хонаҳояшонро тарк кунанд.

Исроил ҳамлаи замини алайҳи Ҳизбуллоҳ дар Лубнонро рӯзи 21-уми сентябр оғоз кард.

“Ҳизбуллоҳ”, ки ҳам гурӯҳи ҷангҷӯ ва ҳам ҳизби сиёсист, зери ҳимояти Эрон аст. Амрико онро созмони террористӣ медонад. Иттиҳоди Аврупо танҳо шохаи низомии онро ба феҳрасти сиёҳ ворид кардааст.

Нерӯҳои посдори сулҳ аз соли 1978 то кунун дар марзи Лубнон бо Исроил ҷойгир ҳастанд ва ҳар сол ҳаққи ҳузурашон дароз карда мешавад.

Ба навиштаи Deepstate, ҳодиса рӯзи 10-уми октябр рух додааст ва ҳамчун далел аксеро аз ҷои ҳодиса низ нашр кардааст.

Хабарнигорони тарҳ навиштаанд, ки ин низомиён дар муҳосира афтода, то охирин тирашон мубориза бурдаанд ва дар ниҳоят таслим шудаанд. Русҳо онҳоро бесилоҳ ва нималуч карда, баъдан куштаанд.

Дар аксе, ки Deepstate нашр кардааст, нӯҳ ҷасади нимурёни рӯ ба замин дида мешавад.

Дмитрий Лубинетс, Ваклоатдори ҳуқуқи инсон дар Украина ин рафтори сарбозони русро вайрон кардани аҳдномаи Женева донистааст.

Бар асоси ин аҳднома, қатли асирон ҷинояти ҷангӣ дониста мешавад ва онҳое, ки ба ин кор даст мезананд, бояд ҷазо гиранд.

Ӯ гуфтааст, ки "Русия як кишвари террористӣ аст, ки ҳама қонунҳои ҷангро вайрон мекунад."

Русия ҳанӯз ин мавзуро шарҳ надодааст, вале Украина аз ин амали низомиёни рус ба созмонҳои байналмилалӣ шикоят кардааст.

Ҳодисаи аз ду ҷониб кушта шудани асирон дар ҷанги Русия дар Украина борҳо расонаӣ шудааст.

Русия рӯзи 10-уми октябр ба мавқеи низомиёни Украина дар Курск ҳуҷум кард, вале ба гуфтаи Зеленский, рахнае ба мавқеи низомиёни украинӣ ворид нашудааст.

Аввали моҳи августи имсол Украина дар ҳамлаи ғофилгиронае вориди хоки Русия шуд ва ҳудудеро дар вилояти Курск таҳти назорат даровард.

Владимир Зеленский, ки ба тозагӣ аз сафари Аврупо баргашт, пас аз шунидани ҳисоботи фармондеҳон гуфт, низомиёни кишвараш далерона муқобилият мекунанд ва ҳудуди муайянеро, ки дар Курск ба даст оварда буданд, нигаҳ медоранд.

Рӯзи 10-уми октябр бархе блогерони низомии рус аз пешравии артиши Русия дар Курск хабар дода буданд.

Мақомоти Русия гуфтанд, ки чанд деҳаро аз низомиёни Украина пас гирифтаанд.

Ҷанги Русия алайҳи Украина моҳи феврали соли 2022 оғоз шуд ва ҳанӯз идома дорад. Ҳазорон нафар дар ин ҷанг кушта ва миллионҳо нафар овора шуданд.

Медали нуқраро Абубакр Шеров гирифт. Вай дар рӯзи дуюми мусобиқа – 12-уми октябр – дар вазни то 73 кило баъди чаҳор пирӯзӣ ба рақибонаш аз Молдова, Гурҷистон, Русия ва Ҷопон ба даври ниманиҳоӣ роҳ ёфт.

Паҳлавони 21-солаи тоҷик дар нимфинал Татсуки Ишиҳараи 25-солаи ҷопониро шикаст дод ва ба финал баромад. Аммо дар даври ниҳоӣ аз ҳарифи пуртаҷрибаи 25-солаи худ Маҳмадбек Маҳмадбеков, намояндаи Имороти Муттаҳидаи Арабӣ, мағлуб шуд. Дарвоқеъ, ин аввалин медали Маҳмадбеков дар ҳайати дастаи Иморот мебошад.

Ин ҷудокори тоҷик зодаи шаҳри Иркутски Русия буда, дар ҳамонҷо тамрин мекард ва узви дастаи мунтахаби ин кишвар буд. Ахири моҳи августи имсол вай тасмим гирифт, ки минбаъд аз номи Имороти Муттаҳидаи Арабӣ ҳунарнамоӣ мекунад.

Дар рӯзи аввали мусобиқаи “Abu Dhabi Grand Slam 2024”– 11-уми октябр – паҳлавони тоҷик Обид Ҷебов барандаи медали биринҷӣ гардид. Ӯ дар вазни то 66 кило дар даври аввал озод буд. Баъдан ба рақибаш аз Филиппин голиб омад, вале дар чорякфинал аз Мурод Чопанови русиягӣ шикаст хӯрд.

Паҳлавони 26-сола тоҷик дар даври тасаллобахш Тео Радул Ҳебрарди фаронсавиро мағлуб кард ва барои медали биринҷӣ Эрхембаяр Баттогтохи 29-солаи муғулро шикаст дод.

Дар рӯзи дуюми мусобиқаи “Abu Dhabi Grand Slam 2024” паҳлавони шинохтаи тоҷик Беҳрӯзи Хоҷазодаи 29-сола дар вазни то 73 кило дар нахустин рақобаташ аз варзишгари 24-солаи гурҷӣ Гиорги Чикалидзе ноком шуд ва аз ҳаққи идомаи мубориза маҳрум гашт.

Дар ин мусобиқа, ки бори нӯҳум бо мақоми "Grand Slam" ё "Тоскулоҳи бузург" баргузор шудааст, 219 варзишгар (150 мард ва 69 зан) аз 29 кишвари чаҳор қитъаи олам иштирок доранд.

Рақобатҳои инфиродӣ дар 7 вазн байни мардон ва дар 7 вазн миёни занон сурат гирифтааст. Дар ду рӯзи аввали мусобиқот мардон дар чор вазн – 60, 66, 73 ва 81 кило, занон бошанд, дар панҷ вазн – 48, 52, 57, 63 ва 70 кило рақобат карданд.

Ба ҳайати дастаи мунтахаби Тоҷикистон шаш варзишгар дохиланд, ки дар сабқати мардон ширкат меварзанд. Дар рӯзи охирини мусобиқа – 13-уми октябр – боз се паҳлавони тоҷик - Муҳаммадҷон Абдуҷалилзода ва Умедҷон Раҷабов (ҳарду дар вазни то 90 кило), Ҷаҳонгир Маҷидов (-100 кг) – ба рақобат мепардозанд.

Баъди натиҷагирии ду рӯзи аввали мусобиқот дар ҳисоби умумидастаӣ мунтахаби Имороти Муттаҳидаи Арабӣ бо ду медали тилло дар ҷойи аввал аст. Мунтахаби Фаронса бо як медали тилло, ду нуқра ва ду биринҷӣ дар ҷойи дуюм қарор дорад.

Мунтахаби Нидерланд бо як медали тилло, як нуқра ва як биринҷӣ зинаи сеюмро азони худ кардааст. Мунтахаби Тоҷикистон бо як медали нуқра ва як нишони биринҷӣ зинаи ҳафтумро соҳиб шудааст.

Маблағи умумии ҷоизаҳои молии мусобиқа 154 ҳазор евроро ташкил медиҳад. Ғолибону ҷоизадорони рақобатҳои инфиродӣ ба ҷуз аз медал бо ҷоизаҳои молӣ қадрдонӣ мешаванд. Ба барандагони медали тилло 5000 евро, медали нуқра – 3000 евро ва ба соҳибони медали биринҷӣ 1500 евро тақдим мегардад.

Ҳамчунин, варзишгарон барои беҳтар кардани мавқеашон дар феҳристи ҷаҳонӣ соҳиби имтиёз мешаванд: ғолибон 1000 имтиёз, барандагони ҷои дуюм 700, ҷои сеюм 500 имтиёз мегиранд.

Бахши русии Би-би-си навиштааст, шабакаҳои "Формула", "Мтавари архи" и "TV Пирвели" ҳар кадоме 5 ҳазор лари ($ 1800) ҷарима шуданд.

Кумисюни миллии алоқаи Гурҷистон ин шабакаҳоро ба вайрон кардани қонуни интихобот муттаҳам кардааст.

Дар навори таблиғотии ҳизби "Орзуи гурҷӣ", аз як тараф харобиҳои ҷанг дар Украина бо навиштаи "на ба ҷанг" ва аз сӯи дигар биноҳо дар Гурҷистон бо навиштаи "сулҳро интихоб намо" ҷой дода шудааст.

Тамти Мурадашвили, ҳуқуқшиноси шабакаи "Мтавари архи" гуфтааст, додгоҳ амр додааст, ки қарор фавран иҷро шуда, шабакаҳо навори таблиғотии ҳизби ҳокимро пахш кунанд.

Қаблан бархе шабакаҳои телевизионии Гурҷистон шикоят доштанд, ки ҳизби ҳоким фоҷиаи ба сари мардуми Украина омадаро дар маъракаҳои сиёсии худ истифода мекунад.

Раёсати корҳои дохилӣ дар шаҳри Душанбе 12-уми октябр хабар дод, ки Зокирахон Расулова ва Меҳрона Раҷабзода, "дар шабакаҳои иҷтимоӣ мунтазам аксу наворҳои ғайриахлоқӣ паҳн мекарданд". Як духтари ноболиғ ҳам бо онҳо будааст.

Расулова бо қарори додгоҳ панҷ рӯз ҳабс ва Раҷабзода ҷарима шудааст.

Назари ин ду духтар ва наздиконашон ба қазия маълум нест. Қонунгузории Тоҷикистон таблиғи фаҳшоро манъ кардааст, аммо маълум нест, ки ин духтаронро бар асоси кадом банди қонун ҷазо медиҳанд.

Пеш аз ин низ чанд духтари ҷавон дар Душанбе ва дигар минтақаҳои Тоҷикистон барои ба гуфтаи мақомот паҳн кардани “аксу наворҳои ғайриахлоқӣ” муҷозот шуданд.

Кормандони хабаргузорӣ гуфтанд, муовини мудири литсейи рақами 5-и Душанбе онҳоро таҳдид кардааст, ки “шабона дар кӯчаҳо эҳтиёт шаванд.” Назари ҷониби дигари баҳс ва ҳам Раёсати корҳои дохилии Душанбе феълан дастрас нест.

Баҳси оҷонсии хабарии "Азия-Плюс" бо роҳбарони ин таълимгоҳ, баъди нашри даъвои як сокини Душанбе сар зад. Ҷамшед Аминов шикоят кард, ки аз як фарзандаш пули дарсеро мепурсанд, ки онҳо нахондаанд. Додситонӣ ӯро ҳақ донист, вале мудири мактаб худи ӯро ба додгоҳ кашид. Дар ин бора аввал Радиои Озодӣ 15-уми сентябр гузориш пахш кард ва як ҳафта баъд “Азия-Плюс” ҳам мавзуъро бозтоб дод.

“Азия-Плюс” 11-уми октябр навишт, ду рӯз баъд аз пахши матлаб, Файзалӣ Содиқов, муовини мудири Литсейи рақами 5 ҳамроҳ бо 20 нафар аз волидайни хонандагон ба дафтари ин расона омаданд. Ба қавли манбаъ, Содиқов бо лаҳни тунд талаб кардааст, ки “Азия-Плюс” матлабро бардорад.

“Вақте ҷавоби рад гирифт, расонаро ба фасодкорӣ муттаҳам кард, ки гӯё барои нашри матлаб аз Аминов пул гирифтааст. Муовини мудири литсей ба таҳқири рӯзноманигорон сар карда, онҳоро таҳдид намуд, ки бегоҳӣ дар кӯчаҳо эҳтиёт шавед,”-навиштааст “Азия-Плюс”.

Талошҳои Радиои Озодӣ барои гирифтани назари Файзалӣ Содиқов бенатиҷа буд. Дар ҳолати ба даст омадани назари ӯ, дар матлаб илова мешавад. Бибисафия Нарзиева, мудир ва ҳам дигар кормандони Литсейи 5, қаблан ҳам нахостанд дар бораи баҳс бо волидайни яке аз хонандагон ба Радиои Озодӣ суҳбат кунанд.

Роҳбарони "Азия-Плюс" навиштаанд, баъди таҳдиди Файзалӣ Содиқов "аз амнияти кормандонаш" нигарон ҳастанд.

Ин бори аввал нест, ки хабарнигорон дар Тоҷикистон аз таҳдид, фишор ва латукӯб шикоят мекунанд. Монеагузорӣ ба фаъолияти рӯзноманигорон мутобиқи қонунгузории Тоҷикистон ҷиноят аст. Аммо ягон ҳолат расонаӣ нашудааст, ки мақомот касеро барои ин кор ҷазо дода бошанд.

Аз 33 миллион сомонӣ қарзи корхонаҳои давлатӣ аз андоз, қариб нисфи он ё 15 миллион сомонӣ ба ширкати “Тоҷик Эйр” тааллуқ дорад. Ин ширкати ҳавопаймоии давлатӣ қариб панҷ сол аст, ки бо мушкили молӣ рубарӯ аст ва ҳавопаймоҳои он ба ҷуз шаҳри Хоруғ, ба дигар ҷой парвоз намекунанд.

Ба ҷуз “Тоҷик Эйр”, ҳамчунин 14 миллион сомонӣ қарзи «Кони ангишти «Назар-Айлоқ», 1,3 миллион маблағи ҶСК «Пармакунии ҷанубӣ», 1,1 миллион қарзи «Тоҷиксармоягузор» ва 366 ҳазор қарзи «Кони Ангишти Шӯрообод» бахшида шудаанд.

Интиқодҳо аз гаронии андоз ва ҳам додани имтиёз ба ширкатҳои наздик ба мақомот қаблан ҳам садо дода буд. Ҳарчанд масъулин гуфтанд, дар Тоҷикистон ширкатҳои “худӣ” ва “бегона” нест.

Ба қавли ин расона, шеваи ин ҷанг ва масъалаҳои дигарро бояд роҳбарияти нави "Ҳизбуллоҳ" ҳал кунанд. Роҳбарони ин гуруҳи зери ҳимояти Эрон, аз ҷумла Ҳасан Насруллоҳ аз сӯи Исроил кушта шуданд.

“Ҳизбуллоҳ”, ки ҳам гурӯҳи ҷангҷӯ ва ҳам ҳизби сиёсист, зери ҳимояти Эрон аст. Амрико онро созмони террористӣ медонад. Иттиҳоди Аврупо танҳо шохаи низомии онро ба феҳрасти сиёҳ ворид кардааст.

"Ройтерс" аз қавли чор фарди огоҳ аз амалиётҳои “Ҳизбуллоҳ” навиштааст, ин гуруҳ ҳанӯз ҳам силоҳи зиёд, аз ҷумла мушакҳои дурпарвоз дорад.

Артиши Исроил дар як моҳи ахир ба неруҳои "Ҳизбуллоҳ" зарбаҳои сангине ворид кард. Ба ҷуз кушта шудани роҳбарони аршади гуруҳ, дар пайи таркиши пейҷер ё дастгоҳҳои алоқа, садҳо аъзои “Ҳизбуллоҳ” захмӣ шуданд. Артиши Исроил 1-уми октябр аз оғози “амалиёти маҳдуди заминӣ” дар ҷануби Лубнон ва дар минтақаҳои зери идораи “Ҳизбуллоҳ” хабар дод.