Бархе аз сокинон мегӯянд, нархи билети парвозҳое, ки ширкати “Тоҷик Эйр” ба баъзе аз шаҳру ноҳияҳои дурдасти кишвар роҳандозӣ кардааст, гарон мебошад.
Дар пайи заминларзаи субҳи 13-уми апрел дар Тоҷикистон 29 хона ва як мактаб зарар дидааст. Дар ин бора аз Маркази идоракунии ҳолатҳои буҳронии Кумитаи ҳолатҳои фавқуллода ба Радиои Озодӣ хабар доданд. Ба иттилои расмӣ, дар пайи ин ҳодиса талафоти ҷонӣ сабт нашудааст.
Як зодаи Узбекистон мегӯяд, пулиси рус ӯро озору азият дод, то барои рафтан ба ҷанги Украина розӣ шавад. Юсуф дар Маскав кор мекард ва дар як «рейд» ё амалиёти зидди муҳоҷирон, пулис бе ягон асос ӯро боздошт кард.
Назорати пардохту қабули роҳкиро дар нақлиёти ҷамъиятии шаҳри Душанбе пурзур карда шудааст.
Як хонаводаи эҳтиёҷманд дар ноҳияи Масчоҳ иддао дорад, ки бо ваъдаи ҳукумати маҳаллӣ ду писарашонро ба хизмати ҳарбӣ фиристоданд, то як порча замини иловагӣ гиранд. Вале на танҳо ба ин оила замин дода нашуд, балки заминеро аз онҳо гирифтанд ва ба каси дигар доданд.
Порлумони Тоҷикистон пешниҳод кардааст, ки ҷазо барои гузоштани “лайк” дар шабакаҳои иҷтимоӣ бекор шавад. Вакилон тарҳи тағйир ба ду банди Кодекси ҷиноиро рӯзи 10-уми апрел қабул карданд.
Ҳизби наҳзати исломӣ, ки фаъолияташ дар Тоҷикистон мамнуъст ва даҳҳо узви собиқаш дар зиндонҳо ҳастанд, ба зидди президент Эмомалӣ Раҳмон ва мансабдорони дигар ба Додгоҳи Байнулмилалии Ҷиноӣ (ICC) шикоят кардааст.
Додситонии ҳарбии Тоҷикистон ба таҳқиқи марги як сарбози Нерӯҳои марзбонӣ шуруъ кардааст.
“Лимит” ё маҳдудияти нерӯи барқ дар Тоҷикистон, ки ҳафт моҳ боз идома дошт, рӯзи 11-уми апрел бекор карда шудааст. “Маҳдудияти барқ дар кишвар пурра аз байн бурда шуд,” – гуфт Қурбон Аҳмадзода, сухангӯйи “Барқи Тоҷик” ба Радиои Озодӣ.
Як созмони мухолифи ҳукумати Тоҷикистон мақомоти Русияро барои маҷбурӣ ба ҷанги Украина бурдани тоҷикони зиндонӣ дар ин кишвар шадидан маҳкум кардааст.
Ёфтҳои бештар
