Мавридҳои издивоҷи шаҳрвандони Тоҷикистон бо хориҷиҳо имсол қариб 67 дарсад афзуда, дар нимаи аввали соли 2014 дар вилояти Суғд нахустин мавриди издивоҷи як зани сокини Тоҷикистон бо як шаҳрванди Чин сабт шудааст.
Як назарпурсии кӯтоҳи хабарнигори “Озодӣ” миёни кӯдакон нишон дод, ки онҳо дар бораи офаридгорашон тасаввури аҷибе доранд. Агар баъзеи онҳо мегӯянд, ӯ “марди меҳрубон”-у “дӯсти хуб”-ест, аммо ҳамагӣ бовар доранд, ӯ дар осмон ба сар мебарад.
Аксар назардиҳандагон дар торнамои Радиои Озодӣ гуфтаанд, даъвати имсолаи тирамоҳии ҷавонон ба саффи нерӯҳои артиши Тоҷикистон “мисли ҳамеша, бо облава” хоҳад гузашт.
Маркази обуҳавошиносии Тоҷикистон мегӯяд, олудагии ҳаво дар Душанбе дар рӯзҳои охир аз меъёр ду баробар бештар шудааст ва асосан аз ҳисоби кам шудани майдони боғу дарахтзор дар атрофи пойтахт.
"Билайн" мегӯяд, ба далели барои муштариёнаш фаҳмо будани маънои ибораи "Любой ҷо" аз он дар номи тарифи наваш истифода кардааст. Кумитаи забон қаблан гуфта буд, номи ин тарифи "Билайн" ҷавобгӯи қонуни забон нест ва бояд иваз шавад.
Кӯтоҳшудаи исми як ниҳоди вазорати корҳои дохилии Тоҷикистон, ки акси як даъватномааш дар Фейсбук нашр шудааст, ба чистони мағзшикане мемонад, ки барои ёфтанаш бояд хеле майна об кард.
Пурсиши Радиои Озодӣ бо ин суол ки “Оё бо духтари чатнишин издивоҷ мекунед ё не?” натиҷаҳои як андоза ғайричашмдошт ба бор овард. Ин пурсиш дар пайи баҳсои тундест, ки рӯзи масъалаи занону духтарони чатнишину Интернетнишин дар шабакаҳои иҷтимоӣ идома дорад.
Хабарнигори Озодӣ барои маълум кардани ҳақиқати ҳоли мардуми талбанда либоси ҷандае ба тану айнаке ба чашм кард ва муддате дар яке аз кӯчаҳои Душанбе ба "гадоӣ" нишаст ва дар 10 дақиқа 30 сомониву 40 дирам ҳам ҷамъ кард.
Як сокини Тоҷикистон барои духтараш, ки бори аввал ба мактаб рафт, бар хилофи дигарон на шириниву лӯхтак, балки саҳифаи интернетӣ ҳадя кардааст.
Ҳунарманди шинохтаи тоҷик Убайдулло Раҷабов дар ҷаласаи шаҳрдории Душанбе пешниҳод кардааст, ки гадоҳоро дар пойтахти Тоҷикистон ҳисобу китоб кунанд ва барои мардуми талбанда дар ҳамаи 4 ноҳияи Душанбе ошхонаоҳи махсуси хайрия ташкил кунанд.
Мақомоти вилояти Хатлон барои боздошти фаъолияти занони “фолбин” камар бастаанд. Рӯҳониёни ин минтақа аз мардум талаб доранд, ки ба пешгӯӣ ва “гарму хунук кардан”-ҳои чунин занон бовар накунанд.
Раиси тозатаъини ширкати «Барқи Тоҷик» мегӯяд, қарзҳои ин ширкат бояд дуруст таҳқиқ шаванд, ки воқеиянд ё қалбакӣ.
Ёфтҳои бештар
