Номаҳо аз дуру наздик

Вай аз даврони тифлӣ гирифтори бемории санги гурда ва пешобдон буда, ахиран ин беморияш авҷ гирифтааст.

Ӯ танҳо духтари хонадон аст, ки волидонаш барои сиҳатии ӯ ҳама чизи доштаи худро сарф карда ва имрӯз аз ҳамватанону саховатмандон мехоҳанд, ки дасти кӯмаки хӯдро ба онҳо дароз кунанд, то тавонанд, духтари ҷавони худро наҷот бидиҳанд.

Дар хонаводаи Рухшона танҳо падараш кор мекунад. Илова ба ин дар тарбияи худ Фотима ва Зӯҳрои 2-солаву ҳаштмоҳаро доранд, ки онҳоро ба фарзандхондагӣ гирифтаанд.

Майрам Ҳакимова, модари Рухшона мегӯяд, духтараш чандин ҷарроҳиро аз сар гузаронида, дар ин муддат мактаби миёнаро хатм ва ба Коллеҷи тиббӣ шомил шудааст. Ҳоло ӯ хатмкардаи соли дувуми ин коллеҷ аст.

Вале баҳори имсол бемории Рухшона авҷ гирифт ва ӯ аввал дар шӯъбаи эҳё ва сипас дар шӯъбаи бемориҳои гурда дар Бемористони клиникии рақами 5-и Душанбе бистарӣ шуд. Пас аз ташхис табибон бемории Рухшонаро ин гуна хулоса намудаанд: “Норасоии музмини гурдаҳо, гломерулонефрити музмин дар марҳилаи интиҳоӣ, пучшавии гурдаи рост, Анемияи Брайт”

Модари Рухшона омода шуд, як гурдаи худро ба духтараш бидиҳад. Барои ҷарроҳии пайванди гурда онҳо ба Машҳади Эрон сафар карданд. Вале табибон пешниҳод модарро рад кардаанд, зеро ба гуфтаи онҳо, худи холаи Майрам 53 сол дошта, маъюби гурӯҳи севум аст.

Харидории гурдаи донорӣ ва пайванди он барои Рухшона маблағи зиёдеро талаб мекунад, ки аҳли хонаводааш имкони пардохти онро надоранд ва ҳоло чашм ба кӯмаки ҳамватанони худ дӯхтаанд.

Телефонҳо барои тамос:

(+992 37) 238 50 75; (+992) 98 583 54 38; 919 00 06 57

E-mail: hakimov_1957@mail.ru
Skype: mustafo1957

Ҳисоби бонкӣ:

Бо сомонӣ


Бо доллар

Аммо бархе аз онҳо бо номаи табрикотӣ иктифо наварзида, аз як соли кори хабарнигорони радио ва торнамои "Озодӣ" ҳам натиҷагирӣ кардаанд. Албатта, он чизе, ки онҳо навиштаанд, назар ва бардошти эшон аст.

"ОЗОДӢ" ҶОИ ТЕЛЕВИЗОНҲОРО ГИРИФТ"

Ҳусниддин дар рӯзи Соли нави милодӣ ба унвонии Радиои Озодӣ нома фиристода ва назару табрикоти худро ин гуна баён доштааст:

"Соли озодӣ муборак. Зиҳӣ торнамои "Озодӣ", ки бартар аз шабакаҳои телевизионии Тоҷикистон дар дили мардум роҳ ёфтаӣ. Имрӯз вақте дар баландтарин мавзеи мардумнишини кӯҳистон ҳам чун сӯҳбат дар бораи ҳодисае меравад, мӯйсафедону кампиракон мепурсанд, ки дар "Озодӣ" чӣ мегӯянд? Имрӯз ҳатто навраси деҳот ҳам, ки аз пули тухм ё як дарза алафи фурӯхтааш "баланс" (ҳисоб)-и телефонашро пур мекунад, ҳамоно ба торнамои Шумо даромада сухани худро мегӯяд. Маҳбубият муборак!"

"БА КОРИ ХУД ИДОМА ДИҲЕД"

Хонандае дигар бо номи Ҷамшед кормандони радио ва торнамои "Озодӣ"-ро ба Соли нави милодӣ чунин табрик гуфтааст:

“Тамоми кормандони Радиои Озодиро бо соли нав муборакбод менамоям! Илоҳо, ҳеҷ вақт танатон дардро набинаду хонадонатон обод бошад! Илоҳо, дар соли 2012 чун монанди соли 2011 мақолаҳои боз ҳам хубтару ҳақиқатҷӯёна нашр бикунед. Аз фурсати басо муносиб истифода бурда гуфтаниям, ки дар ин соли гузашта дар ҳақиқат кормандони радио хуб кор карда, барои ободу озод кардани кишвар меҳнат карданд ва умедворам, ки дар ин соли нав низ ҳаракат мекунанд, то ин амали худро идома диҳанд! Соли нав муборак бошад, дӯстони арҷманд!"