Аз моҳи декабри соли 2018 дар дафтари Радиои Озодӣ дар Душанбе кор мекунад. Дар гузашта хабарнигори нашрияи "ИмрӯзNews" ва Оҷонси иттилоотии "Озодагон" буд. Хатмкардаи факултаи рӯзноманигории Донишгоҳи миллии Тоҷикистон.
Вакилони тоҷик аз барномае ҷонибдорӣ кардаанд, ки бар асоси он Тоҷикистон ният дорад, соли оянда аз хориҷа бештар аз 300 миллион доллар қарз гирад. Ин дар ҳоле ки дар кишвар нигарониҳо аз афзоши қарзи хориҷӣ зиёд садо медиҳад.
Баҳсу даъвои сокинони як маҳаллаи Душанбе ним сол боз бо ширкати сохтмонӣ идома дорад. Ширкат мехоҳад, сокинон хонаҳоро холӣ кунанд, то дар ҷойи онҳо бинои дигаре бисозад, аммо соҳибони хонаҳо мегӯянд, то талабҳояшон иҷро нашавад, ба ҳеҷ ҷой намераванд.
Як гурӯҳ аз сокинони маҳаллаи Қазоқони шаҳри Душанбе аз эҳтимоли тахриби манзилҳояшон аз сӯи ширкати сохтмонии "Фарҳоди Ваҳдат" нигаронанд.
Аҳмад Масъуд, раҳбари Ҷабҳаи муқовимати миллии Афғонистон дар нишасти байналмилалӣ дар Душанбе Толибонро танқид кард ва гуфт онҳо кишварро ба як зиндони бузург табдил додаанду сокинонро шиканҷа мекунанд.
Аҳмад Масъуд, раҳбари Ҷабҳаи муқовимати миллии Афғонистон барои ширкат дар нишасти байналмилалии “Гуфтугӯҳои амниятии Ҳирот” ба Тоҷикистон омад.
Дар нишасте дар Душанбе мавзӯи сулҳ ва ташкили ҳукумати фарогир дар Афғонистон баҳс шуд. Толибон, ки беш аз як сол боз ҷилави ҳукуматро дар Афғонистон ба даст доранд, ба ташкили ҳукумати иборат аз намояндагони як қавму гуруҳ муттаҳаманд. Худи онҳо ба нишасти Душанбе наомаданд.
Дар ҳамоише дар Душанбе мавзуи сулҳ ва ташкили ҳукумати фарогир дар Афғонистон баҳс шуд. Толибон, ки Афғонистонро дар даст доранд, ба он муттаҳам мешаванд, ки ҳукумати як қавмро ташкил кардаанд. Худи Толибон ба ин нишаст наомадаанд
Ҷанги Русия дар Украина ба кору даромади ширкатҳо дар Тоҷикистон бетаъсир набудааст. Як арзёбии Бонки Ҷаҳонӣ нишон додааст, ки 24 дарсади ширкатҳое, ки дар кишвар амал мекунанд, бар асари ҷанги Русия дар Украина зиён дидаанд.
"Агар соли гузашта барои талаф ёфтани чанд ҳамкасбамон аз бемории COVID-19 бо ҳасрат сухан гуфта бошем, имсолро бо зиндонӣ шудани 7 журналисти собиқ ва амалкунанда гусел мекунем."
Камбуди нерӯи барқ дастрасии сокинони як маҳалларо дар ноҳияи Муъминобод ба об мушкил ва зиндагияшонро сахт кардааст. Онҳо аз мақомот мепурсанд, ки масъала кай ҳал хоҳад шуд. “Барқи Тоҷик” маҳдудияти интиқоли нерӯи барқро ба хонаҳои мардум тасдиқ карда, аммо муҳлати анҷомашро нагуфтааст.
Додгоҳи олии иқтисодии Тоҷикистон ширкати “Тоҷиктрансгаз”-ро вазифадор кардааст, ки ба Вазорати молия беш аз 15 миллион доллар бипардозад. Маълум нест кай ва чӣ гуна. Мақомот онро қарзи давлатӣ ва баҳраву ҷаримааш ҳисоб кардаанд. Вазорат розӣ нест.
Мавзӯи муборизаи мақомот бо риши мардону ҳиҷоби занон дар Тоҷикистон, ки як муддат фурӯ нишаста буд, дубора боиси баҳсу нигарониҳо шудааст. Ин бор макони аслии чунин маъракаҳо, ки мақомот онро чораҳои омӯзишӣ ба зидди фарҳанги бегона меноманд, даромадгоҳҳои пойтахт будааст.
Ба иттилои дарёфтӣ, Зафарҷон Самӣ, масъули толори VIP-и Фурудгоҳи Душанбе ва писари Шариф Самӣ, раиси ноҳияи Исмоили Сомонии пойтахт, дар як занозанӣ захмӣ шудааст.
Комрони Субҳон, ҷавони 23-солаи тоҷик, ки дар ҳамла ба масҷиди шиаён дар шаҳри Шерози Эрон айбдор мешавад, қаблан дар муҳоҷирати меҳнатӣ дар Русия будааст.
Хонаводаи Комрони Субҳон, ҷавони тоҷике, ки ба ҳамлаи масҷиди шиаён дар шаҳри Шерози Эрон муттаҳам мешавад, хабари марги ӯро дарёфт кардааст. Ба нақли волидайн, писарашон барои кор ба Русия рафт ва моҳи август бедарак шуд.
Саидаҳмад Раҳимов, писари ҷаҳонпаҳлавон Саидмуъмин Раҳимов, ба гуноҳи куштани як сокини ноҳияи Варзоб ба 20 сол зиндон маҳкум шуд. Ҳукмро Додгоҳи шаҳри Душанбе рӯзи даҳуми ноябр эълон кард. Модари ҷавони кушташуда, Муҳаммадҷовид Зокирзода, гуфт, аз ҳукм розист. Ҷониби дигар эътироз дорад.
Фурудгоҳи байналмилалии шаҳри Душанбе субҳи имрӯз, 9-уми ноябр серодам буд. Ҳаводорони варзиш ва сокинони пойтахт ба истиқболи паҳлавони машҳури тоҷик Темур Раҳимов омада буданд. Ӯ се рӯз баъд аз пирӯзӣ дар мусобиқаи байналмилалии ҷудо дар Боку, ба Тоҷикистон баргашт.
Бориши барфу борон дар баъзе аз минтақаҳои кӯҳии Тоҷикистон мушкили куҳнаро дубора бармало карду даҳҳо ронанда ва мусофирро саргардон. Сангреза роҳи Душанберо ба Хоруғ муваққатан баст. Роҳ аз пойтахт ба Хуҷанд низ ба рӯи мошинҳои борбар пӯшида шуд.
Муҳаммадӣ Раҳматуллоҳ, ки замоне ӯро "раҳбари салафиҳои Тоҷикистон" ном мебурданд, баъди бештар як соли раҳоӣ аз зиндон, дигарбора боздошт шудааст. Пайвандонаш дар маҳаллаи Чоряккорони Душанбе гуфтанд, дар бораи сабаби боздошти ӯ маълумот надоранд. Мақомоти интизомӣ шарҳ намедиҳанд.
Гурӯҳе аз сокинони деҳаи Порвори ноҳияи Раштро ҳалношуда мондани баҳси чарогоҳ бо хонаводаи Қаноатшо Лоиқзода, раиси пешини ноҳия нигарону саргардон кардааст.
Ёфтҳои бештар
