Шахсияти ҳар яки онҳоро Бахши русии "Би-би-си", "Медиазона" ва гурӯҳи ихтиёриён бар асоси маълумоти дастрас тасдиқ кардаанд. Аз нисф зиёди кушташудаҳо то шурӯи ҷанг бо фаъолиятҳои ғайринизомӣ машғул буданд ва ҳеҷ рабте ба артиш надоштанд.

Таҳқиқоти журналистӣ инчунин дар бораи талафоти зиёд дар миёни ихтиёриён хабар ёфта мегӯяд, ки аксари онҳо дар давоми ду то чор ҳафтаи баъди сафарбарӣ ба ҷанг кушта мешаванд. Айни замон, шумори зиндониҳое, ки ба ҷанг бурда мешаванд, камтар шудааст.

Агар ноябри соли 2023 аз миёни кушташудаҳо дар ҷанг 26 дарсадашон зиндониҳои маҳбасҳои Русия буданд, ҳоло шумори онҳо 18 дарсадро ташкил додааст. Шумори бештарини кушташудаҳо аз Бошқирдистон, Тотористон ва вилояти Свердловск мебошанд.

Дар бораи ин сафар аз пеш хабаре нашр нашудааст. Радио Свобода бо такя ба вазорати дифои Русия навишт, ки дар ҷараёни ин сафар чанд мулоқот бо мақомоти низомию сиёсии Кореяи Шимолӣ дар назар гирифта шудааст.

Белоусовро дар фурудгоҳи Сунани наздикиҳои шаҳри Пхенян вазири дифои Кореяи Шимолӣ Но Гван Чхол пешвоз гирифт.

Ҷузъиёти аз ин бештар феълан дар даст нест. Белоусов пеш аз ин миёнаҳои моҳи июн бо як ҳайате аз Кореяи Шимолӣ дидан кард.

Он замон раҳбарони Русия ва Кореяи Шимолӣ - Владимир Путин ва Ким Чен Ун созишномаҳои ҳамкории ҳамаҷонибаи стратегиро имзо карданд ва дар он ироаи кӯмаки билофосилаи ҳарбӣ дар сурати ҳамла ба яке аз ин кишварҳо пешбинӣ мешуд.

Моҳи октябр хадамоти истихбороти Украина, кишварҳои ғарбӣ ва Кореяи Ҷанубӣ хабар доданд, ки низомиёни Кореяи Шимолӣ ба минтақаҳои ҷангии украинӣ сафарбар шудаанд ва сухан аз 12 ҳазор сарбози воҳидҳои зудамал меравад. Маскав то ҳо ба таври рӯшан ин хабарро тасдиқ ё рад накардааст.

Ба иттилои ҳамкоронаш, ӯ дар яке аз клиникаҳои Ҳинд бо мақсади ҷарроҳии қалб қарор дошт. Як ҳамкораш аз ансамбли "Дарё" ба Радиои Озодӣ гуфт, ки Юсуфӣ субҳи имрӯз дар рӯи мизи ҷарроҳӣ ҷон дод.

Юсуфӣ 50 сол дошт ва дар солҳои охир аз дарди сару қалб ва фишорбаландӣ шикоят мекард. Хабари даргузашти Юсуфиро ба Радиои Озодӣ раиси Иттифоқи оҳангсозони Тоҷикистон Амирбеки Мӯсо ҳам тасдиқ кард.

Ҷасади Юсуфиро бо аввалин ҳавопаймо аз Ҳинд ба Тоҷикистон интиқол хоҳанд дод.

Ба навиштаи pressa.tj, Файзигул Юсуфӣ 31 майи соли 1974 дар шаҳри Ваҳдат таваллуд шуда авҷи маъруфияташ ба оғози солҳои 1990-ум рост омад. Файзигул Юсуфӣ корманди Филармонияи давлатии Тоҷикистон буд ва бо иҷрои таронаҳои мардумӣ шинохта шудааст.

"Зиёд азият дида буд"

Ҳаётой Мӯъминова, ҳамкори Юсуфӣ ва овозхони маъруф дар сӯҳбат бо Радиои Озодӣ гуфт, Файзигул Юсуфӣ "як ҳунарманди асили мардумӣ" буд ва "дар ҳифзи сурудҳои халқии занона саҳми арзанда ва мавқеи хоси худро дар саҳнаи мусиқии тоҷик дошт". "Мутаасифона, мо ҳунарварони асилу дар ҳақиқат дӯстдоштаву маҳбуби халқро дар зиндагиаш эҳтиёт намекунем, ба қадраш намерасем, сад афсӯс", гуфт Мӯъминова ба Радиои Озодӣ.

Фарҳангшинос Одили Нозир, ки бо Юсуфӣ дӯст буду бо ӯ мусоҳибаҳо анҷом додааст, ба Радиои Озодӣ гуфт, "Файзигул Юсуфӣ аз зумраи сарояндагонест, ки дар солҳои душвори 1990-ум вориди майдони ҳунар шуд. Вақте дар кишвар ҷанги шаҳрвандӣ идома дошт ва садои ҳунармандонро шиллики тиру туфанг хомӯш мекард, ӯ дар саросари Тоҷикистон дар тӯю сури мардум суруд мехонд ва лаҳзае ҳам бошад, онҳоро ба зиндагӣ дилгарм мекард".

Одили Нозир гуфт, Файзигул Юсуфӣ ба хотир овардани ҳодисаҳои солҳои 1990-умро дӯст намедошт, "зеро зиёд азият дида буд...".

Ӯ афзуд: "Файзигул сарояндае буд, ки сурудҳои халқии тоҷикиро бо коркарди нав иҷро мекард ва ба ин васила дар қалби мухлисон ошён гузошта буд. Ӯ сурудҳои зиёди эстрадӣ иҷро кардааст, вале муваффиқияти ӯ дар иҷрои сурудҳои мардумӣ, монанди “Деҳқонбача” буд. Файзигул модари 5 фарзанд буд ва 6 набера дошт. Ҳамеша мегуфтам, ки "наход ту 6 набера дошта бошӣ, чунки тамоман ҷавон ҳастӣ".

Мегуфт, ки “фарзандону набераҳоям беҳтарин дастоварди зиндагии ман ҳастанд. Одатан занҳо аз бибӣ шудан ҳарос доранд, вале ман дӯст медорам вақте набераҳоям маро бибӣ мегӯянд”. Файзигул як шахсияти самимӣ, инсони меҳрубон буд. Афсӯс, ки умри кам дид".

Дар шабакаҳои иҷтимоӣ аксар ҳамкорон ва ҳунармандони тоҷик дар робита бо даргузашти ногаҳонии Файзигул Юсуфӣ изҳори таслият кардаанд.

Бахши қазоқии Радиои Озодӣ рӯзи 29 ноябр дар сомонааш хабар дод, ки додгоҳе дар Кӯкшетау сокинони маҳаллӣ Марат Жанузаков, Бауржан Балташев ва Уалихан Негметовро аз рӯи моддаи «майдаавбошӣ» гунаҳгор ва онҳоро ба пардохти ҷарима дар ҳаҷми 20 нишондиҳандаи моҳона вазифадор кард. Дар додгоҳ гуфтаанд, ки дар қарори ниҳоӣ ҳаҷми пардохти ҷарима 30 дарсад кам карда шуд.

Рӯзи 27 ноябр, дар рӯзи сафари Путин ба Қазоқистон ин се нафар дар яке аз кӯчаҳои шаҳри Остона бо парчамҳои Қазоқистон ва Украина ва навиштаҷоти «Ҷаноби олӣ, аз Қазоқистон... дафъ шав!» эътироз карданд. Зоҳиран ин навиштаҷот ба мазмуни истеҳзо ба матни таблоҳои кӯчаҳои марказии Остона интихоб шуд, ки дар онҳо мақомот навиштанд: «Ҷаноби олӣ, Владимир Путин, ба Остона хуш омадед!» Полис гуфт, ки навиштаҳои эътирозгарон мазмуни дашном ва таҳқир дошт.

Дар шабакаҳои иҷтимоӣ дар Қазоқистон бисёриҳо аз чунин пешвози мақомоти маҳаллӣ ба хашм омаданд ва ВКХ гуфт, матн ба протоколи пешвози президент мувофиқат мекунад, чунки сафари Путин давлатӣ мебошад.

Сафари дурӯзаи Путин ба Қазоқистон, ки он ҷо ҷаласаи сарони кишварҳои СПАД баргузор шуд, шоми 28 ноябр ба анҷом расид. Путин дар ин ҷаласа таҳдид кард, ки ҳамлаҳояшро ба «марказҳои қабули қарор» дар Киев, аз ҷумла, бо истифода аз силоҳи баллистикии «Орешник» идома хоҳад дод.

Шоми рӯзи панҷшанбе сарвазири Гурҷистон Иракли Кобахидзе эълон кард, ки ин кишвар музокирот барои узвият дар Иттиҳоди Аврупоро то соли 2028-ум ба таъхир мегузорад ва ҳамчунон аз гирифтани грантҳои буҷавӣ аз иттиҳод даст мекашад.

Баъди интихоботи моҳи октябр, ки бо пирӯзии эътилофи "Орзуи гурҷӣ" хотима ёфта, гурӯҳи ҳоким аксари курсиҳои парлумонро ишғол намуд, мухолифини ҳукумат ва давлатҳои ғарбӣ эътилофи "Орзуи гурҷӣ"-ро бо тақаллуб дар овоздиҳӣ ва имкон додан ба афзоиши нуфузи Русия муттаҳам карданд.

Дирӯз дар Тифлис ба нишони ҳамдилӣ бо мухолифин президенти Гурҷистон Саломе Зурабишвили ба эътирозгарон ҳамроҳ шуд.

Соли 2023-ум Гурҷистон мақоми нозир дар Иттиҳоди Аврупоро касб кард, вале моҳҳои ахир, ба вижа баъди қабули қонуни баҳсбарангез дар бораи "Агенти хориҷӣ", равобити Тифлис бо Брюссел сард шудааст.

Ба қавли мунаққидон ин қонун имкон медиҳад, ки расонаҳо ва кормандони созмонҳои ҷамъиятӣ бо "хидмат ба хориҷиён" айбдор карда шаванд.

Моҳи июл ҳукумати ИМА тасмим гирифт, ки тақдими 95 миллион доллар кумак ба ҳукумати Гурҷистонро мутаваққиф кунад. Он замон Вашингтон ҳушдор дод, ки ин кишвар дар ҳоли бозгашт аз роҳи демократӣ қарор дорад.

Дар ин феҳрист мунтахаби Аргентина, қаҳрамони феълии ҷаҳон, бо 1867,25 имтиёз дар байни 210 тими миллӣ дар ҷойгоҳи аввал аст. Мунтахаби Фаронса, ҷоизадори нуқраи қаҳрамонии ҷаҳон, бо 1859,78 имтиёз дар ҷойгоҳи дувум ва мунтахаби Испания, қаҳрамони феълии Аврупо, бо 1853,27 имтиёз зинаи севумро соҳиб шудаанд.

Инчунин ба даҳгонаи беҳтарин тимҳои миллӣ Англия, Бразилия, Португалия, Нидерланд, Белгия, Италия ва Олмон дохиланд.

Аз байни тимҳои миллии кишварҳои пасошӯравӣ зинаҳои баландро дар феҳристи FIFA Украина (25-ум, 1554,94 имтиёз), Русия (34-ум, 1512,32 имтиёз) ва Узбекистон (58-ум, 1424,93 имтиёз) ба даст овардаанд.

Тоҷикистон дар байни кишварҳои собиқи шӯравӣ аз Қирғизистон (107-ум), Қазоқистон (110-ум), Озарбойҷон (117-ум), Эстония (123-юм), Латвия (140-ум), Литва (142-юм), Туркманистон (143-юм) ва Молдова (151-ум) пеш буда, пас аз Украина (25-ум), Русия (34-ум), Узбекистон (58-ум), Гурҷистон (68-ум), Беларус (98-ум) ва Арманистон (100-ум) ҷойгир шудааст.

Тоҷикистон дар байни тимҳои миллие, ки ба Конфедератсияи футболи Осиё (AFC) шомиланд, ҷойгоҳи 17-умро азони худ кардааст. Дар Осиё Ҷопон дар мақоми аввал (дар ҷаҳон 15-ум), Эрон дар мақоми дувум (дар ҷаҳон 18-ум) ва Кореяи Ҷанубӣ дар мақоми севум (дар ҷаҳон 23-юм) мебошанд.

Феҳристи FIFA аз соли 1993 ба ин сӯ тартиб дода мешавад. Натиҷаи беҳтарини мунтахаби Тоҷикистон дар тамоми таърихаш дар феҳристи FIFA ҷойгоҳи 99-ум ва натиҷаи пасттаринаш ҷойгоҳи 180-ум мебошад. Феҳристи навбатии FIFA 19-уми декабри соли равон нашр хоҳад шуд.

Ёдовар мешавем, дастаи мунтахаби Тоҷикистон зери раҳбарии сармураббӣ Гела Шекиладзе, мутахассиси гурҷӣ, моҳи ноябри имсол дар Душанбе бо тимҳои миллии Непал ва Афғонистон ду бозии дӯстона анҷом дод.

Натиҷаҳои бозиҳои дӯстонаи тими миллии Тоҷикистон муқобили дастаҳои мунтахаби Непал (4:0) ва Афгонистон (3:1), ки дар рӯзҳои FIFA (Федератсияи байналмилалии футбол) баргузор шуданд, ба як зина боло шудани даста дар радабандии нави FIFA мусоидат карданд.

Гела Шекиладзе, сармураббии мунтахаби Тоҷикистон, гуфт, ки бозиҳои дӯстона бо тимҳои миллии Непал ва Афғонистон яке аз марҳилаҳои омодагии даста ба қисми интихобии Ҷоми Осиё-2027 буд, ки моҳи марти соли оянда шуруъ мешавад.

Вай афзуд, "дар марҳилаи интихобӣ рақибони мунтахаби мо тақрибан дастаҳои ҳамин сатҳ хоҳанд буд. Бозиҳо осон намешаванд. Вазифаи мо ба қисми ниҳоии Ҷоми Осиё-2027 роҳ ёфтан аст. Бинобар ин, мо барои расидан ба мақсади худ тамоми қувваю маҳоратамонро сафарбар мекунем.”

Ба иттилои Федератсияи футболи Тоҷикистон, рақибони тими миллии кишвар дар марҳилаи интихобии қаҳрамонии Осиё-2027 рӯзи 9-уми декабр дар маросими қуръакашӣ муайян хоҳанд шуд.

Дар ин бора Вазорати меҳнат, муҳоҷират ва шуғли аҳолии Тоҷикистон рӯзи 27-уми ноябр иттилоъ дод.

Ба иттилои манбаъ, дар мулоқоти Гулнора Ҳасанзода, вазири меҳнат, муҳоҷират ва шуғли аҳолии Тоҷикистон бо Алӣ Бин Самиҳ Ал-Маррӣ, вазири рушди идорӣ, меҳнат ва умури иҷтимоии Давлати Қатар, ҷониби Тоҷикистон пешниҳод намудаст, ки ҳамкориҳои минбаъда барои бо кор таъмин кардани шаҳрвандони Тоҷикистон дар Давлати Қатар дар асоси созишномаҳои имзошуда амалӣ.

Манбаъ мегӯяд, дар мулоқот бо роҳбарони чанде аз ширкатҳои қатарӣ, вазири меҳнати Тоҷикистон масъалаҳои вобаста ба тартиби бақайдгирӣ, ҳуҷҷатгузорӣ, ҳифзи ҳуқуқҳои муҳоҷирони меҳнатӣ, шарту шароит ва будубоши довталабон, пешниҳоди дархостҳои расмӣ ва ҷойҳои кории холӣ аз ҷониби корфармоёнро баррасӣ кардааст.

Дар чаҳорчӯбаи ин сафар, масъалаи дархости тарафи Тоҷикистон дар хусуси таъсиси Марказҳои омӯзиши забонҳои арабию англисӣ барои муҳоҷирон дар шаҳрҳои Душанбе, Бохтар ва Хуҷанд низ баррасӣ шудааст.

Масъалаи фиристодани муҳоҷирони корӣ аз Тоҷикистон ба Қатар аз чанд сол ба ин тараф сари забонҳост, вале то кунун ҷомаи амал напӯшидааст.

Ба иттилои онҳо, шаш нафар дар ҳамла ба як хона дар Байтлаҳия ва чаҳор нафари дигар дар Хон Юнус ба ҳалокат расидаанд.

Нерӯҳои исроилӣ ба урдугоҳи паноҳҷӯёни "Нусейрат" дар маркази Ғазза низ ҳамла кардаанд. Дар ин урдугоҳ 7 нафар кушта шудаанд. Дар миёнашон як зан ва як кӯдак низ ҳаст.

Ин ҳамла дар ҳоле сурат гирифтааст, ки пас аз оташбаси Исроил бо “Ҳизбуллоҳ”-и Лубнон фаластиниҳо ба оташбас дар Ғазза умедворанд.

Музокирот барои хатми ҷанг миёни “Ҳамос” ва Исроил моҳҳо боз идома дорад, аммо то ҳол натиҷае надодааст. Иёлоти Муттаҳида ва Иттиҳоди Аврупо гурӯҳи фаластинии “Ҳамос”-ро созмони террористӣ медонанд.

Исроил ҳамлаашро ба Навори Ғазза як сол пеш оғоз кард. Баъд аз он ки гурӯҳи фаластинии "Ҳамос" (Амрико ва Аврупо онро созмони террористӣ медонанд) рӯзи 7-уми октябри соли 2023 дар ҳамлае ба Исроил 1200 нафарро кушт ва ҳудуди 240 танро гаравгон гирифт.

Дар ҳамлаҳои Исроил тақрибан ҳама зерсохтҳои Ғазза аз байн рафта, беш 43 ҳазор фаластинӣ кушта шудааст.

Владимир Зеленский, раисҷумҳури Украина, гуфт, ки Вазорати корҳои дохилии кишвараш дар 9 минтақа хисорот ба зербиноҳоро сабт кардааст.

Ӯ Русияро ба “авҷи нафратангезӣ” муттаҳам кард.

Президенти Русия Владимир Путин зарбаи охирро “вокуниш”-и Маскав ба ҳамлаҳои Украина бо мушакҳои ATACMS донист.

Вай дар ҷараёни сафараш ба Қазоқистон ҳушдор дод, ки Русия метавонад дар оянда “марказҳои тасмимгирӣ”-ро дар Киев нишон бигирад.

Путин гуфт, Русия рӯзи 28-уми ноябр ба Украина беш аз 90 мушак ва 100 ҳавопаймои бидуни сарнишин сар дод.

Нерӯҳои Украина хабар доданд, ки 79 мушак ва 35 ҳавопаймои бесарнишинро сарнагун карданд.

Ин бозӣ 27-уми ноябр дар варзишгоҳи “Талко-Арена”-и шаҳри Турсунзода доир гардид. Голи ягонаро Рамазон Эшматов, бозигари дастаи меҳмон - “Панҷшер”, дар охири дидор, дар дақиқаи 87-ум, ба самар расонд.

Дастаи “Регар –ТадАЗ”, ки бо 32 имтиёз аз 21 бозӣ дар зинаи 7-уми ҷадвали мусобиқот ҷойгир шудааст, бозии мавқуфмондаи даври 21-уми мусобиқотро дар меҳмонӣ бо тими “Равшан”-и Кӯлоб баргузор мекунад.

Пас аз пирӯзӣ муқобили дастаи “Регар-ТадАЗ” тими “Панҷшер” шумораи имтиёзҳояшро ба 16 адад расонида, дар зинаи 11-уми ҷадвали мусобиқот боқӣ монд. Ин охирин бозии “Панҷшер” дар мавсими имсолаи Лигаи олӣ буд. Дар асоси низомномаи мусобиқот тими “Панҷшер” барои нигоҳ доштани мавқеаш дар Лигаи олӣ бо дастае, ки имсол дар Лигаи якуми Тоҷикистон зинаи дуюмро ишғол мекунад, бозиҳои гузаришӣ анҷом медиҳад.

Дастаи «Кӯктош»-и ноҳияи Рӯдакӣ, ки бо 5 имтиёз дар зинаи охирини ҷадвали мусобиқоти Лигаи олӣ ҷойгир шуд, соли оянда дар лигаи якум бозӣ хоҳад кард.

Дастаи «Истиқлол»-и Душанбе дар мусобиқоти имсолаи Лигаи олии футболи Тоҷикистон пешакӣ ба унвони қаҳрамони кишвар даст ёфт. Зимнан, “Истиқлол” дар таърихи худ бори сездаҳум ва маротибаи ёздаҳум пайиҳам соҳиби унвони қаҳрамони Тоҷикистон шуд. Қаблан ин дастаи шаҳри Душанбе солҳои 2010, 2011, 2014, 2015, 2016, 2017, 2018, 2019, 2020, 2021, 2022, 2023 ва 2024 қаҳрамони Тоҷикистон гашта буд.

Ҳоло дар ҷадвали мусобиқоти лигаи олӣ «Истиқлол» бо 53 имтиёз аз 20 бозӣ пешсафи ягона аст ва натоиҷи ду бозии мавқуфмонда бо «Барқчӣ»-и Ҳисор ва «Равшан»-и Кӯлоб мавқеи қаҳрамонро тағйир нахоҳад дод.

Мубориза барои медалҳои нуқраю биринҷии мусобиқоти Лигаи олӣ идома меёбад. Дар ҳамин ҳол дар ҷадвали мусобиқот “Хуҷанд”-и шаҳри Хуҷанд бо 43 имтиёз дар зинаи дуюм қарор дорад. Хуҷандиҳо ҳамаи 22 бозии худро ба анҷом расондаанд. “Равшан”-и Кӯлоб, ки ду бозии мавқуфмонда дорад, бо 40 имтиёз дар зинаи сеюм мебошад. Ин ду даста муддаии ҷойҳои дуюму сеюми мусобиқот ба шумор мераванд.

Мавқеи дастаҳо дар ҷадвали мусобиқот

Ба иттилои Созмони Милал, дар чанд ҳафтаи охир бар асари ҷанг беш аз 900 ҳазор нафар хонаҳои худро дар Лубнон тарк карда буданд.

Дар пайи созиши оташбас, артиши Лубнон барои таҳкими ҳузураш дар минтақаҳои ҷанубии ин кишвар оғоз кардааст. Ин манотиқ пештар зери назорати “Ҳизбуллоҳ” буд.

Гурӯҳи "Ҳизбуллоҳ”, ки ҳам созмони ҷангҷӯ ва ҳам ҳизби сиёсист, аз пуштибонии Эрон бархурдор аст. Иёлоти Муттаҳида онро созмони террористӣ медонад. Иттиҳоди Аврупо танҳо шохаи низомии онро ба рӯйхати сиёҳ ворид кардааст.

“Ҳизбуллоҳ” 8-уми октябри соли 2023, як рӯз баъд аз ҳамлаи гурӯҳи тундрави “Ҳамос” ба Исроил ба хоки ин кишвар мушак партофт. Аз он замон даргирии ду тараф идома дошта, нерӯҳои Исроил моҳи сентябр аз замину ҳаво ба дохили Лубнон ҳуҷум карданд.

Лубнон мегӯяд, дар ин ҷанг дастикам 3800 нафар кушта шуданд. Мақомоти Исроил аз марги дастикам 82 сарбоз ва 47 ғайринизомӣ хабар доданд.

Ҳасан Насруллоҳ, раҳбари “Ҳизбуллоҳ”, дар ин ҷанг кушта шуд.

Дар ҳамин рӯз дар шаҳри Киев садои таркиш шунида шуда, ҳаракати мушакҳо ба самти Харков, Одесса ва ҳашт минтақаи дигар мушоҳида гаштааст.

Герман Галушенко, вазири энержии Украина, дар шабакаҳои иҷтимоӣ навишт, ки "бахши энергетикӣ бори дигар зери ҳамлаи густурдаи душман монд. Ҳамлаҳо дар саросари кишвар сурат гирифтанд."

Вай афзуд, ин вазъ ширкати “Укрэнерҳо”-ро маҷбур кард, ки “фавран интиқоли нерӯи барқро бас кунад”.

DTEK, ширкати таъминкунандаи нерӯи барқ, рӯзи 28-уми ноябр гуфт, ки дар Киев, Одесса, Днепр ва Донетск интиқоли нерӯи барқ қатъ шуд.

Ин дар ҳолест, ки ҳаво дар Украина сард аст ва мардум ба гармиву рӯшноӣ эҳтиёҷ доранд.

Розмари ДиКарло, мансабдори баландпояи Созмони Милал, дар аввали моҳи ноябр ҳушдор дода буд, ки ҳамлаҳои Маскав ба зерсохтҳои энержии Украина метавонад зимистони имсоларо “сахт” гардонад.

Русия дар моҳи феврали соли 2022 ба хоки Украина таҷовуз кард ва даргирӣ аз он замон идома дорад.

Марат Жанузаков, яке аз фаъолон, рӯзи 28-уми ноябр ба Радиои Озодӣ гуфт, “мо дар назди хона истода, дар даст байрақи Қазоқистон ва Украинаро доштем. Ҳеч чиз нагуфтем. Моро ба идораи пулис бурда, аз соати нуҳ то сеи шаб нигоҳ доштанд."

Дар аксҳое, ки рӯзи 27-уми ноябр ба шабакаҳои иҷтимоӣ роҳ ёфт, ду нафар бо парчам тасвир ёфта, як кас навиштаи "Ҷаноби олӣ… аз Қазоқистон дафъ шавед!"-ро дошт.

Бахши қазоқии Радиои Озодӣ натавонистааст шарҳи пулисро бигирад.

Владимир Путин, раисҷумҳури Русия, рӯзи 27-уми ноябр бо сафари давлатӣ ба Остона рафт. Ӯро мақомот бо шукӯҳ ва бо шиори "Ҷаноби олӣ, ба Остона хуш омадед!" истиқбол гирифтанд.

Истифодаи ин ибора дар ҳаққи Путин бисёре аз корбарони шабакаҳои иҷтимоиро дар Қазоқистон асабонӣ кардааст, вале Вазорати умури хориҷӣ онро дуруст номид.

"Узбекистон масъулияти иҷрои қарорҳои Додгоҳи байнулмилалии ҷиноиро ба дӯш нагирифтааст. Ҳуҷҷатҳои дахлдор дар ин замина тасдиқ карда нашудаанд", -- гуфтааст як намояндаи Вазорати корҳои хориҷии Узбекистон.

Ҳамзамон дар нома таъкид шудааст, ки ҳадди ақал то поёни ҷанг дар Ховари Миёна сафари Нетаняҳу ба Узбекистон дар назар нест.

Додгоҳи байнулмилалии ҷиноӣ дар шаҳри Гаагаи Ҳолланд рӯзи 21-уми ноябр қарори боздошти Бенямин Нетаняҳу, сарвазир ва Йоав Галлант, вазири пешини дифои Исроил ва як фармондеҳи "Ҳамос"-ро содир кард.

Бенямин Нетаняҳу ва Йоав Галлант ба ҷиноят алайҳи башарият дар Навори Ғазза муттаҳам дониста мешаванд. Дар қарори додгоҳ омада, ки онҳо дидаву дониста аҳолии осоиштаро дар Ғазза аз хӯроку обу дору маҳрум карданд. Мақомоти Исроил қарорро танқид карданд.

Муҳаммад Зайф, фармондеҳи низомии “Ҳамос”, ки аз ҷониби Амрикову Иттиҳоди Аврупо созмони террористӣ номида шудааст, низ ба ҷиноят алайҳи башарият дар Навори Ғазза муттаҳам дониста шуд. Мақомоти Исроил пештар гуфта буданд, ки Муҳаммад Зайф дар як ҳамла кушта шудааст, аммо ин гурӯҳи тундрав ҳеч гоҳ хабарро рад ё тасдиқ накард.

Ин генерали мустаъфии артиш дар маъмурияти аввали Трамп ба ҳайси мушовири умури мудофиа хидмат намудааст.

Ба навиштаи "Рейтерз", Келлогг дар моҳи июни соли 2024 нақшаи хатми ҷангро дар Украина таҳия кардааст.

Тибқи он, Киев танҳо дар сурати оғози музокирот бо Маскав силоҳ хоҳад гирифт. Ва агар Русия аз гуфтушунид сарпечӣ кунад, ёриҳои низомӣ ба Украина афзоиш меёбад.

Кит Келлогг қаблан аз ҷонибдорони Украина буд.

Вай дар моҳи августи соли 2024 даромадани нерӯҳои украиниро ба вилояти Курски Русия мусбат арзёбӣ кард.

Бонки миллии Тоҷикистон субҳи имрӯз, 28-уми ноябр қурби ҳазор рубли русиро 96 сомониву 33 дирам муқаррар кардааст.

Ин дар ҳолест, ки дар баъзе аз бонкҳои тиҷоратии Тоҷикистон ҳазор рубл бо 95 сомонӣ ҳам иваз карда мешавад.

Рубли Русия аз аввали ҳамин сол арзиши худро нисбат ба пули миллӣ 46 сомонӣ ё 32 дарсад аз даст додааст.

Арзиши рубл барои аксар сокинон муҳим аст, чун наздиконашон аз Русия асосан пули русӣ мефиристанд.

Вазорати корҳои хориҷии Тоҷикистон хабар дод, ки созишномаи бекор шудани талаботи раводид байни ҳукумати Тоҷикистону Малдив дар шаҳри Ню-Йорки Амрико рӯзи 26-уми ноябр ба имзо расид.

Ба иттилои Вазорати корҳои хориҷии Тоҷикистон, "ин созишнома ба муҳлати номуайн баста шуда, пас аз сӣ (30) рӯз аз лаҳзаи гирифтани огоҳиномаи охирини хаттӣ, тариқи роҳҳои дипломатӣ, аз ҷониби тарафҳо оид ба анҷом расонидани расмиёти дохилидавлатӣ, ки барои эътибор пайдо кардани ин Созишнома зарур аст, эътибор пайдо мекунад".

Малдив аз ҳазору 196 ҷазира иборат буда, дар Уқёнуси Ҳинд ҷойгир аст ва чун кишвари сайёҳӣ шинохта шудааст.

Ба иттилои дафтари матбуоти раёсати ҷумҳури Тоҷикистон, дар ин сафар Эмомалӣ Раҳмонро вазирони корҳои хориҷӣ, дифоъ, котиби Шӯрои амнияти миллии Тоҷикистон ва дигар шахсони расмӣ ҳамроҳӣ мекунанд.

Вебсайти расмии Созмони Паймони Амнияти Дастҷамъӣ хабар дод, ки дар ҳошияи ин ҳамоиш, нишасти Шӯрои Вазирони корҳои хориҷӣ, Шӯрои Вазирони дифоъ ва Кумитаи котибони шӯроҳои амнияти миллии кишварҳои узв доир мешавад.

Дар ин чорабиниҳо Дабири кулли СПАД Имангали Тасмагамбетов ва Фармондеҳи умумии ситоди СПАД Андрей Сердюков иштирок мекунанд.

Ба иттилои манбаъ, ҷонибҳо оид ба вазъи низомиву сиёсӣ дар қаламрави кишварҳои узв, натиҷаи ҳамкориҳо дар доираи ин созмон ва ҳамчунин дурнамои рушди минбаъдаи низоми амнияти дастаҷамъӣ, гуфтугӯ хоҳанд кард.

Манбаъ менависад, ки ҷонибҳо омодагӣ ба таҷлили муштараки 80-солагии пирӯзӣ дар Ҷанги Дувувуми Ҷаҳонро низ баррасӣ хоҳанд кард.

Сиёсатмадори 70-сола дар китоби "Озодӣ" тақрибан аз тамоми тасмимҳояш дар даврони раҳбарии худ дифоъ ва онҳоро дуруст арзёбӣ мекунад.

Вай дар ҳамин китоб мухолифаташро бо пешниҳоди номзадии Украина барои пайвастан ба НАТО дар соли 2008 (дар нишасти Руминия) дуруст шумурдааст.

Ӯ мегӯяд, тасвири ин ки номзадии Украина дар паймони низомии Атлантики Шимолӣ метавонад, Киевро аз хатари таҷовузи Владимир Путин, президенти Русия дар амон нигоҳ дорад, таваҳҳуме беш набудааст.

Китоби Ангела Меркел баъд аз тақрибан се соли аз қудрат канор рафтани ӯ чоп ва рӯзи 26-уми ноябр дар Берлин рӯнамоӣ шуд.

Маскав дар иваз парвонаи кор ё аккредитатсияи ду хабарнигори ARD, расонаи олмониро бекор кард.

Хабарнигор Иван Благой ва наворбардор Дмитрий Волков, кормандони “Шабакаи аввали Русия”, гуфтанд, то нимаи моҳи декабр бояд аз Олмон бираванд.

Благой гуфт, мақомоти Олмон ин тасмими худро “ба манфиати амнияти Ҷумҳурии Федеративии Олмон” донистаанд.

Мария Захарова, сухангӯйи Вазорати корҳои хориҷии Русия, рӯзи 27-уми ноябр гуфт, Маскав парвонаи кори ду хабарнигори расонаи олмонии ARD-ро лағв кард.

Вай гуфт, “мо бояд чораҳои мушаххас андешем”, аммо ҷузъиёт надод.

Ӯ дар соли 1995 дар ҳайати дастаи "Спартак-Алания"-и Владикавказ унвони қаҳрамони Русияро соҳиб шуда буд.

Кавелашивили 53-сола аст ва аз соли 2016 вакили порлумони Гурҷистон.

Ӯ борҳо ба зидди Ғарб изҳорот дода, иддао кардааст, ки гуё дар Иёлоти Муттаҳида ва Иттиҳоди Аврупо талош доранд, "Гурҷистонро ба ҷанги нав бо Русия кашонанд".

Салоҳияти раисҷумҳури ҳозираи Гурҷистон, Саломе Зурабишвилӣ, рӯзи 16-уми декабр ба поён мерасад.

Вай натиҷаҳои интихоботи порлумонӣ (26-уми октябрми 2024)-ро дар Гурҷистон напазируфт ва тарафдоронашро ба эътироз хонд.

“Шумо дар интихобот мағлуб нашудед. Онҳо раъйи шуморо дуздида, кӯшиш карданд, ки ояндаатонро низ бидузданд," – гуфт ӯ рӯзи 28-уми октябр хитоб ба норозиён.

Виталий Кличко, шаҳрдори Киев, дар ин бора дар Телеграм хабар дод.

Нерӯҳои Украина дар эъломияе гуфтанд, ки Русия бо 89 ҳавопаймои бесарнишин ба ҳашт минтақаи ин кишвар – Киев, Черниҳов, Суми, Харков, Полтава, Житомир, Хмелнитский ва Миколаев – ҳамла кард.

Аз ин миқдор 36 ҳавопаймои бесарнишинро сарнагун кардаанд.

Гуфта мешавад, панҷ ҳавопаймои бесарнишин аз қаламрави Украина ба самти Беларус ва аз онҷо ба Русия бозгаштаанд.

Вазорати дифои Русия дар баёнияе гуфт, ки нерӯҳои дифои ҳавоии он 10 ҳавопаймои бидуни сарнишини украиниро дар фарози вилояти Ростов ва ду ҳавопаймои бидуни сарнишини украиниро дар назди бандари Севастопол дар Баҳри Сиёҳ заданд.

Тасмим рӯзи 27-уми ноябр ва баъд аз он эълон шуд, ки нерӯҳои амниятии Покистон дар амалиёте садҳо касро дастгир карданд.

Вазири корҳои дохилии Покистон гуфт, "эътирозгарон пароканда ва пойтахт тоза карда шуд".

Ба иттилои пулиси Исломобод, дар миёни 954 эътирозгаре, ки нерӯҳои амниятии Покистон дар се рӯзи охир боздошт карданд, 19 шаҳрванди Афғонистон низ ҳастанд.

Ҳизби Таҳрики Инсофи Покистон рӯзи 27-уми ноябр гуфт, эътирозеро, ки дар ҷараёни он дастикам шаш кас – чаҳор нерӯи амниятӣ ва ду эътирозгар – кушта шуданд, "муваққатан” боздоштанд.

Ин ҳизб ҳамзамон ҳукуматро ба "ваҳшоният" айбдор кардааст.

Даргирии ду тараф, ки тақрибан чордаҳ моҳ идома кард, нигарониҳоро аз як низои густурда дар Ховари Миёна ба вуҷуд оварда буд.

Низомиёни Исроил ба сокинон ҳушдор додаанд, ки ҳанӯз ба хонаҳои худ дар ҷануби Лубнон барнагарданд ва ба мавқеъҳои Исроил наздик нашаванд.

Бо вуҷуди ҳушдори Исроил ва дархости артиши Лубнон, корвони ғайринизомиён рӯзи чоршанбе ба ҷануби Лубнон ворид шуд.

Созиши оташбас миёни Исроил ва “Ҳизбуллоҳ”-и Лубнон рӯзи 27-уми ноябр ба иҷро даромад. Низомиёни Исроил ба сокинон ҳушдор додаанд, ки ҳанӯз ба хонаҳои худ дар ҷануби Лубнон барнагарданд ва ба мавқеъҳои Исроил наздик нашаванд. Бо вуҷуди ин, корвони ғайринизомиён ба ҷануби Лубнон ворид шуд.

"Ҳизбуллоҳ”, ки ҳам гурӯҳи ҷангҷӯст ва ҳам ҳизби сиёсӣ, аз пуштибонии Эрон бархурдор аст. Иёлоти Муттаҳида онро созмони террористӣ медонад. Иттиҳоди Аврупо танҳо шохаи низомии онро ба рӯйхати сиёҳ ворид кардааст.

Кобинаи амниятии Исроил рӯзи 26-уми ноябр пас аз суханронии Бенямин Нетаняҳу, нахуствазири ин кишвар ва эълони ҳимояташ аз тарҳи оташбас, онро пазируфт.

Ҷо Байден, раисҷумҳури Амрико, тавофуқи оташбасро "хабари хуб" хонда, таъкид кард, ки акнун барои оташбас дар Ғазза талош мекунад.

Дар ин бозии гурӯҳи “С”, ки шаби сешанбеи 26-уми ноябр дар варзишгоҳи “Шарҷа”-и шаҳри Шарҷа доир гардид, Луан Перейра, бозигари мизбонон, дар нимаи аввали дидор, дар дақиқаи 21-ум, ҳисобро боз кард. Баъди се дақиқа Эҳсони Панҷшанбе, бозигари “Истиқлол”, ҳисобро баробар намуд.

Голи дуюми “Шарҷа”-ро Усмон Камара дар дақиқаи 30-юм ба самар расонд. Голи сеюми мизбононро Кайо Фернандес дар нимаи дуюми бозӣ, дар дақиқаи 58-ум, аз пеналти ё ҷаримаи 11-метрӣ зад.

Дар бозии дигари даври панҷуми мусобиқот дар гурӯҳи “С” 26-уми ноябр “Сипоҳон”-и Эрон бо “Ал-Ваҳдат”-и Урдун рақобат кард. Ин бозӣ, ки дар варзишгоҳи “Grand Hamad Stadium”-и шаҳри Доҳаи Қатар баргузор шуд, бо ҳисоби мусовии 1:1 ба поён расид.

Баъди натиҷагирии панҷ даври мусобиқот дар ҷадвали гурӯҳи “С” дастаи “Ал-Ваҳдат”, ки бо 11 имтиёз мақоми аввалро касб кардааст, пешакӣ ба марҳилаи плей-офф роҳхат гирифт.

“Шарҷа” бо 10 имтиёз зинаи дуюмро соҳиб шудааст. “Сипоҳон” бо 7 имтиёз дар зинаи сеюм қарор дорад. “Истиқлол” бидуни имтиёз дар зинаи охирин – чаҳорум - ҷойгир шуда, дар панҷ бозӣ як гол зада, аз дарвозаи худ даҳ тӯб сар додааст.

Ҳамакнун дар даври ниҳоии марҳилаи гурӯҳӣ рӯзи сешанбеи 3-юми декабр «Истиқлол» бо «Сипоҳон» ва «Ал-Ваҳдат» бо «Шарҷа» бозӣ мекунанд.

Қаблан “Истиқлол” дар нахустин бозиаш дар Лигаи дуюми қаҳрамонҳои AFC-2024/25 дар майдони худ аз тими “Шарҷа” бо ҳисоби 0:1, дар даври дуюми мусобиқот дар варзишгоҳи «Фулодшаҳр»-и Исфаҳон аз тими «Сипоҳон» бо ҳисоби 0:4, дар даврҳои сеюму чаҳорум аз тими “Ал-Ваҳдат” дар шаҳрҳои Душанбе ва Уммон бо ҳисоби якхелаи 0:1 шикаст хӯрда буд.

“Истиқлол” зери раҳбарии сармураббӣ Игор Черевченко шонси ба даври баъдӣ баромаданро комилан аз даст додааст. Оқои Черевченко баъди анҷоми бозӣ бо “Шарҷа” дар нишасти хабарӣ гуфт, “бозӣ ба тавре сурат гирифт, ки мо метавонистем зиёдтар ба дарвозаамон гол сар диҳем ва баръакс, метавонистем бештар ба дарвозаи рақиб гол занем. Бозӣ дар самтҳои муқобил ҷолиб ҷараён гирифт, хусусан дар нимаи дуюм. Умедворам, ки дар бозии ниҳоии хонагӣ шоҳиди футболи дигар хоҳем шуд.”

Мавқеи дастаҳо дар ҷадвали гурӯҳи “С”

Даври шашум

3-юми декабр (сешанбе)

19:00 - “Истиқлол” – “Сипоҳон”

Душанбе (Тоҷикистон), Варзишгоҳи марказии ҷумҳуриявӣ.

19:00 (бо вақти Душанбе) “Ал-Ваҳдат” – “Шарҷа”

Уммон (Урдун). Варзишгоҳи байналмилалӣ.