Zëdhënësi i Ministrisë së Jashtme iraniane, Esmaeil Baghaei, tha më 26 korrik se është bërë “përparim” në diskutimet mes Iranit dhe Omanit, por nuk dha detaje të tjera.
Ministria e Jashtme e Iranit ka thirrur në takim të ngarkuarin me punë të Ukrainës për t’i dorëzuar një notë proteste lidhur me atë që e cilësoi si një sulm “armik dhe kriminal”, pasi akuzoi Kievin se ka sulmuar një anije tregtare iraniane në Detin Kaspik.
Me përshkallëzimin e konfliktit mes Shteteve të Bashkuara dhe Iranit javët e fundit, ka pasur raportime për një përpjekje të re nga Pakistani për t’i sjellë palët ndërluftuese në tryezën e negociatave.
Rebelët jemenas Huthi, që mbështeten nga Irani, pretenduan se kanë kryer një sulm raketor ndaj Arabisë Saudite më 25 korrik, disa orë pasi u zotuan se do të kundërpërgjigjeshin për sulmet ajrore saudite ndaj caqeve në Jemen një ditë më parë.
Presidenti i Shteteve të Bashkuara, Donald Trump, tha se Uashingtoni dhe Teherani ende po zhvillojnë negociata për t’i dhënë fund konfliktit mes tyre.
Irani ka ekzekutuar një tjetër person lidhur me protestat antiqeveritare që u mbajtën në mbarë vendin në janar. Mehdi Khaneki u var në burgun Ghezel Heser në Karaxh, pasi u akuzua se ishte pjesë e një grupi të armatosur opozitar, sipas një agjencie zyrtare lajmesh.
SHBA-ja ka thënë se Irani po e përdor këtë ngushticë si mjet presioni, duke argumentuar se ajo është një korridor ndërkombëtar që mbrohet nga e drejta ndërkombëtare.
Çmimi i naftës së papërpunuar Brent u rrit mbi 100 dollarë për fuçi më 23 korrik, për herë të parë në dy muaj, pasi rifillimi i luftimeve midis Iranit dhe Shteteve të Bashkuara rriti frikën për ndërprerje të zgjatura të furnizimit.
IRGC-ja pretendoi se ka sulmuar bazën ajrore Ali Al Salem, kampin Udairi dhe një kullë telekomunikimi, teksa ushtria iraniane tha se ka goditur kampin Doha, bazën Ali Al Salem dhe kampin Arifjan, raportoi televizioni shtetëror iranian më 23 korrik.
Presidenti i Shteteve të Bashkuara, Donald Trump, është zotuar të mërkurën se do ta shkatërrojë një urë ose një termocentral në Iran, sa herë që Teherani e sulmon ndonjë anije në Ngushticën e Hormuzit.
Sekretari amerikan i Mbrojtjes, Pete Hegseth, i tha Kongresit më 21 korrik se lufta me Iranin i ka kushtuar Shteteve të Bashkuara 37.5 miliardë dollarë deri më tani, nga pothuajse 29 miliardë dollarë sa ishte vlerësuar në mes të majit.
Rëndësia strategjike e Ngushticës së Hormuzit, përmes së cilës kalon rreth një e pesta e naftës së botës, është bërë e pamundur që të injorohet nga qeveritë në mbarë Azinë Juglindore.
Shfaq më shumë
