Ibrahim Berisha është kameraman dhe montazhier i Radios Evropa e Lirë në Prishtinë.
Ka përfunduar procesi i gërmimit në varrezën masive në Kizhevak të Rashkës në Serbi. Institucionet e Kosovës kanë bërë të ditur se në këtë lokacion janë gjetur mbetjet mortore të nëntë kosovarëve, të vrarë gjatës luftës së fundit në Kosovë.
Në Kizhevak të Serbisë kanë përfunduar gërmimet për gjetjen e mbetjeve mortore. Në këtë varrezë masive, sipas autoriteteve të Kosovës, janë gjetur mbetjet mortore të të paktën nëntë viktimave të luftës së fundit.
Besimtarët myslimanë në Kosovë kanë falur Fitër Bajramin në xhami, ndonëse duke respektuar distancën fizike, si masë për luftim të koronavirusit. Fitër Bajrami pason muajin e shenjtë të Ramazanit, gjatë të cilit myslimanët e devotshëm agjërojnë.
Radhë të gjata janë krijuar jashtë sallës sportive “1 Tetori” në Prishtinë, ku personat mbi moshën 65-vjeçare, po presin për t’u vaksinuar. Përveç Prishtinës, në këtë qendër do të vaksinohen edhe banorët e pesë komunave të tjera.
Më 2 maj të vitit 2011, forcat speciale të Shteteve të Bashkuara të Amerikës, vranë liderin e organizatës terroriste Al Kaida, Osama bin Laden. Dhjetë vjet pas vrasjes së tij, ushtarët amerikanë do të largohen nga Afganistani.
Adelina Hajzeraj aktualisht jeton në Belgjikë, por herën e fundit që ishte në Kosovë bëri bashkë dhjetëra organizata dhe biznese nga Kosova e Shqipëria për të pastruar Liqenin e ndotur të Komanit, që gjendet në veri të Shqipërisë.
8 prilli shënon Ditën Ndërkombëtare të Romëve. Kjo ditë e gjenë këtë komunitet në Kosovë të diskriminuar në punësim, qasje në arsim, infrastrukturë dhe skema sociale.
Me thirrjet “shkarkim” dhe “seksistët” jashtë, disa pjesëtarë të shoqërisë civile u mblodhën të hënën në Prishtinë për të kërkuar largimin e profesorit Ardian Kastrati nga Universiteti i Prishtinës.
Edhe pse në një shkallë të vogël, Kosova tashmë ka filluar vaksinimin për imunizim ndaj COVID-19. Autoritetet shëndetësore kanë thënë se për të marrë vaksinën, qytetarët fillimisht duhet të regjistrohen në një platformë online.
Në Kosovë ka filluar vaksinimi kundër COVID-19 me vaksinat e kompanisë AstraZeneca. Të parët që do të vaksinohen janë punëtorët shëndetësorë të Klinikës Infektive të QKUK-së. Të dielën Kosova ka marrë 24 mijë doza të vaksinës nga programi COVAX.
Vasfije Krasniqi - Goodman, e mbijetuar e dhunës seksuale gjatë luftës së fundit në Kosovë, e cila është zgjedhur deputete në Kuvendin e Kosovës, thotë se prioritet i saj si ligjvënëse do të jetë mbrojtja e viktimave të luftës.
Në shtatë ditët e fundit në Kosovë janë shënuar rreth 4.500 raste të reja me koronavirus. Krahas rritjes së rasteve të reja, është rritur edhe numri i pacientëve të shtrirë në klinikat e Qendrës Klinike Universitare të Kosovës. Gjendja më e rëndë është në Klinikën Infektive dhe atë të Pulmologjisë.
Ka tetë vjet që Salie Gajtani Osmankaq po pret që organet e gjyqësisë të japin një epilog lidhur me padinë e saj. Ajo ka paditur ekipin që ka udhëhequr procesin e lindjes së fëmijës së saj të tretë, pasi sipas saj, me veprimet e tyre, doktorët e sollën në prag të vdekjes.
Kosova dhe Serbia nisën një proces të dialogut më 8 mars 2011. Në këtë periudhë dhjetëvjeçare u zhvilluan dhjetëra takime dhe u nënshkruan shumë marrëveshje por ky proces ende nuk prodhoi një marrëveshje finale mes Kosovës dhe Serbisë. Këtu janë pesë gjërat më të rëndësishme që duhet ditur për dial
Shumë reagime ka nxitur një hartë që gjatë një interviste ndodhej prapa shpinës së diplomatit evropian Mirosllav Lajçak. Në komentet dhe reagimet e shumta që u bënë, pretendohej se në hartë Kosova ishte pjesë e Serbisë.
Javën e kaluar, kur qytetarët e Teksasit në SHBA kanë mbetur pa energji elektrike dhe ngrohje si pasojë e motit të ftohtë, një çift nga Kosova ka ndihmuar shumë familje me ushqim falas.
Gazetari dhe aktivisti për të drejtat e romëve në Holandë, Orhan Galushi, është kthyer të jetojë në qytetin e tij të lindjes, në Prizren. Ai thotë se është kthyer për të ndihmuar komunitetin e tij që të arsimohet dhe të integrohet në shoqërinë kosovare.
Në disa qendra votimi në Prishtinë ende shihen radhë të gjata të atyre që duan të votojnë. Disa prej tyre kanë pritur orë të tëra për të votuar.
Afër 1.8 milion qytetarë të Kosovës janë thirrur për votuar në zgjedhjet parlamentare të dielën. Disa nga ta që kanë votuar, i thanë Radios Evropa e Lirë se presin krijime të vendeve të punës, luftim të korrupsionit dhe investime në shëndetësi.
Kryetarja e Komisionit Qendror të Zgjedhjeve, Valdete Daka, ka votuar e para në qendrën e votimit në Fakultetin Teknik. Pas votimit, ajo ka deklaruar se KQZ-ja tashmë ka përfunduar të gjitha përgatitjet dhe obligimet e veta kushtetuese e ligjore për votimet e së dielës.
Shfaq më shumë
