Bujar Tërstena është kameraman dhe montazhier i Radios Evropa e Lirë në Prishtinë.
Kosova dhe Serbia dakorduan hapat për zbatimin e marrëveshjes për energji, që i hap rrugë inkasimit të rrymës në veri të Kosovës. Banorët atje thonë se ka ardhur koha që ta paguajnë energjinë e shpenzuar.
Që nga viti 1999, organizata “Medica Gjakova” trajton dhe ndihmon viktimat e dhunës seksuale gjatë luftës në Kosovë. Udhëheqësja e saj, Mirlinda Sada, flet për sfidat që e kanë përcjellë - fillimisht në gjetjen e rasteve, pastaj në tejkalimin e paragjykimeve dhe riintegrimin e viktimave në shoqëri.
Marigona Shabiu, nga qyteti i Gjilanit, është angazhuar si aktiviste për të drejtat e njeriut qëkur ka qenë nxënëse. Sot, 29-vjeçarja udhëheq një organizatë në mbrojtje të të drejtave të grave, të komunitetit LGBTIQ+ dhe të kategorive të tjera të ndjeshme në Kosovë.
Në Prishtinë, fëmijët shënuan 1 Qershorin, Ditën Ndërkombëtare të Fëmijëve përmes aktiviteteve të ndryshme. Koalicioni për Mbrojtjen e Fëmijëve tha se Ligji për mbrojtjen e fëmijëve, pavarësisht se ka hyrë në fuqi më 2020 ende nuk ka gjetur zbatim.
Anastasiia Yehorova ka ardhur në Kosovë për t’u trajnuar për zbulimin dhe çaktivizimin e mjeteve shpërthyese. Ajo së bashku me 11 ukrainas të tjerë do të qëndrojnë në Pejë për një muaj ku shpresojnë të marrin njohuri të mjaftueshme për të qenë në gjendje të zbulojnë dhe çaktivizojnë minat.
Në një punëtori të vogël në Prishtinë, Raze Sadrija ka arritur të aftësojë qindra gra në zanatin e rrobaqepësisë. Në vitin 2003, ajo ka themeluar Shoqatën “Bardha”, të cilën sot e drejton vajza e saj.
Punëtorët në Kosovë, Maqedoni të Veriut, Serbi, Bosnjë e Hercegovinë kërkuan kushte më të mira të punës, duke shënuar 1 Majin, Ditën Ndërkombëtare të Punëtorëve me protesta.
Tash e tri dekada e gjysmë, Ergyle Gjurgjialo nga Prizreni merret me prodhimin e plisit. Kjo zeje, që tradicionalisht është kultivuar dhe ushtruar nga burrat në Kosovë, është burim jetese për familjen e saj 4-anëtarëshe.
Qentë endacakë bredhin rrugëve të Prishtinës me vite. Disa prej tyre janë edhe agresivë dhe sulmojnë qytetarët. Komuna e Prishtinës thotë se ka nisur së zbatuari një strategji, përmes së cilës synon të ulë numrin e qenve endacakë, si dhe të bëjë menaxhimin e tyre.
Ukraina ka aktualisht rreth 40 ushtarë në mision paqeruajtës në Kosovë. Ata do të kthehen së shpejti në vendin e tyre, të pushtuar nga Rusia qysh më 24 shkurt. Radio Evropa e Lirë bisedoi me majorin e ushtrisë ukrainase, Ivan Nastenko, i cili thotë se kthimi në zonën e luftës do të jetë nder për të.
Iliriana Jaka - Gashi nga viti 2011 drejton organizatën “Kosova - Woman for Woman”, e cila ka për qëllim të ndihmojë gratë në zhvillimin e aftësive të tyre dhe në punësim. Përmes punës së ekipit të Ilirianës, mbi 1,100 gra janë ndihmuar të punësohen.
Serbët në Kosovë protestuan në Mitrovicë të Veriut dhe Graçanicë më 25 mars, për të kundërshtuar vendimin e autoriteteve të Kosovës për të mos lejuar mbajtjen e zgjedhjeve presidenciale dhe parlamentare serbe në Kosovë.
Jubilea Kabashi, nënë e dy fëmijëve, ka njëzet vjet që udhëheq Qendrën për Strehimin e Grave dhe Fëmijëve në Prizren. E kërcënuar, e me raste edhe e sulmuar fizikisht, Jubilea u ka dalë në ndihmë qindra grave viktima të dhunës në familje.
Ish-futbollisti kosovar, Armend Dallku, thotë se po përcjell me shqetësim dhe dhembje luftën ruse në Ukrainë. Dallku, i cili për më shumë se një dekadë ka jetuar në këtë vend dhe ka luajtur për ekipin e futbollit atje, thotë se ka shokë e miq në Ukrainë, që po rrezikohen nga sulmet ruse.
Qytetarët e disa shteteve të Ballkanit Perëndimor, përmes protestave, kundërshtuan pushtimin e Ukrainës nga Rusia, që nisi mëngjesin e 24 shkurtit. Ata u solidarizuan me popullin e Ukrainës dhe bënë thirrje për ndalimin e luftimeve.
Aktivistë të organizatës joqeveritare Nisma Rinore për të Drejtat e Njeriut në Kosovë dhe disa qytetarë të tjerë u mblodhën të premten pranë Zyrës Ndërlidhëse Ruse në Prishtinë, për të protestuar kundër pushtimit rus të Ukrainës.
Në Kosovë, besohet se rreth 38 mijë fëmijë me nevoja të veçanta janë jashtë sistemit arsimor. Një prej tyre është edhe një vajzë 14-vjeçare nga fshati Lipovec i Gjakovës, babai i së cilës, edhe pse i verbër, po bën çdo përpjekje për ta arsimuar vajzën që ka probleme me shikim.
Eva Qerimi ka më shumë se dhjetë vjet që shtetasve të huaj në Kosovë, ua mëson gjuhën shqipe. Kurset i ka nisur me vetëm katër studentë; sot janë mesatarisht 60 në vit që mësojnë shqipen. Qendra që Eva drejton, ofron mësime edhe në gjuhë të tjera.
Betim Bregovina, një 35-vjeçar i verbër nga Obiliqi, ka realizuar ekspozitën e tij me fotografi në Galerinë Kombëtare të Kosovës. Edhe pse me vetëm 1 për qind shikim, Betimi merret me artin e fotografisë tash e 15 vjet.
Skitarja nga Prishtina, Kiana Kryeziu, është vajza e parë që do të përfaqësojë Kosovën në Lojërat Olimpike Dimërore, të cilat do të mbahen në Pekin në muajin shkurt. Pjesëmarrjen në këto lojëra, 17-vjeçarja thotë se e kishte ëndërr qysh kur ishte e vogël. Ëndërr e saj është edhe medalja.
Shfaq më shumë
