Arben Hoti është kameraman dhe montazhier i Radios Evropa e Lirë në Prishtinë.
Në kohën kur në mbarë botën është duke u shuar disiplina e kërkimit të specieve të reja, profesori i Departamentit të Biologjisë në Universitetin e Prishtinës, Halil Ibrahimi, gjeti një insekt të veçantë që jeton vetëm në Kosovë dhe i cili u bë i famshëm botërisht pasi u emërua.
Përkundër studimeve të shumta shkencore që tregojnë se vaksina AstraZeneca kundër kornavirusit është efektive, besimi në të ka rënë.
Të mërkurën në Kosovë kanë hyrë në fuqi masat e reja kundër COVID-19. Këto masa, për dy javët e ardhshme, ndalojnë qarkullimin e qytetarëve nga ora 22:00 deri në 05:00, përveç në raste urgjente, ndërsa gastronomia do të ofrojë vetëm shërbimet ‘merr me vete’ dhe ‘dërgesë me porosi’.
Presidentja e Kosovës, Vjosa Osmani tha se Kosova po jep shembull për përfaqësimin e gruas në institucionet shtetërore. Osmani, është presidentja e dytë grua, pas Atifete Jahjagës dhe presidentja e pestë që prej shpalljes së pavarësisë.
Kosova ka aktualisht rreth 13 mijë raste aktive me COVID-19 dhe numri i personave të infektuar është duke u rritur dita-ditës. Klinika Infektive si dhe disa klinika të tjera në QKUK, nuk kanë më asnjë shtrat të lirë për pacientët me COVID-19.
Kandidati i Lëvizjes Vetëvendosje për kryeministër, Albin Kurti ka propozuar emrat e kabinetit qeverisës. Kurti tha se drejtësia, shëndetësia e arsimi kanë nevojë për reforma, por se sfida kryesore është pandemia e koronavirusit.
Deputetët e zgjedhur në zgjedhjet e 14 shkurtit, kanë arritur në ndërtesën e Kuvendit të Kosovës. Ata do të bëjnë betimin dhe më pas do të zgjedhin kryetarin dhe pesë nënkryetarët e kuvendit.
Qindra punëtorë shëndetësorë nga Kosova, kanë shkuar në Kukës për të marrë vaksinat kundër koronavirusit. Imunizimi i grupit të parë të mjekëve nga Kosova është bërë me vaksinën AstraZeneca, me të cilën Shqipëria është furnizuar në muajin mars.
Vasfije Krasniqi - Goodman, e mbijetuar e dhunës seksuale gjatë luftës së fundit në Kosovë, e cila është zgjedhur deputete në Kuvendin e Kosovës, thotë se prioritet i saj si ligjvënëse do të jetë mbrojtja e viktimave të luftës.
Në shenjë proteste për mossubvencionimin nga Qeveria në detyrë e Kosovës, shumë kompani të autobusëve kanë protestuar të premten në Prishtinë. Derisa të mërkurën, Shoqata e transportit rrugor të udhëtarëve, ka ndalur qarkullimin e autobusëve.
Të drejta të barabarta për gratë dhe hetim të rasteve të dhunës ndaj tyre u kërkua në një protestë që u mbajt në Prishtinë. Aktivistë që avokojnë për të drejtat e grave kritikuan institucionet për mungesë vullneti për të bërë shoqërinë e barabartë.
Pandemia e koronavirusit ka rritur punën dhe përgjegjësitë për gratë, si në vendet e tyre të punës, ashtu edhe në shtëpi. Gjatë vitit pandemik, gratë në Kosovë janë përballur me dhunë në familje, humbje të vendeve të punës dhe rritje të punëve të papaguara.
Ndikimi i krizave nuk është asnjëherë neutral në aspektin gjinor dhe COVID-19 nuk bën përjashtim. Për Blerta Zogiani Gjonbalajn, nga Prishtina, nënë e dy fëmijëve, pandemia ka rritur përgjegjësitë dhe stresin.
Obelisku NEWBORN (Porsalindur) do të ndryshojë edhe sivjet pamjen e tij. Kjo ikonë e Prishtinës tashmë ndryshon pamjen çdo vit për të dërguar porosi nga Kosova për botën.
Më shumë se 140 ekipe mobile kanë vizituar gjatë së dielës shumë familje kosovare, duke iu ofruar mundësinë që të votojnë në zgjedhjet e parakohshme parlamentare edhe personave të prekur me COVID-19 dhe që janë të izoluar në shtëpitë e tyre.
Shumë qytetarë të Kosovës që jetojnë në vendet perëndimore të Evropës, kanë vendosur të nisen në vendlindje gjatë kësaj jave. Ata thonë se arsyeja e vizitës është për të votuar të dielën në zgjedhjet e parakohshme parlamentare.
Partitë politike po përmbyllin fushatën zgjedhore, gjatë së cilës organizuan mitingje masive, pa i respektuar masat kundër COVID-19. Policia ka qëndruar indiferente në shumicën prej këtyre tubimeve.
Kandidati për kryeministër i Lidhjes Demokratike të Kosovës, Avdullah Hoti thotë për Radion Evropa e Lirë se partia e tij nuk ka vija të kuqe për asnjë parti.
Në një intervistë për Radion Evropa e Lirë, kandidati për kryeministër i Partisë Demokratike të Kosovës (PDK), Enver Hoxhaj premtoi rritje pagash, e plan prej 1 miliard eurosh për rimëkëmbje ekonomike.
Për shkak të pandemisë së koronavirusit, në Kosovë nuk lejohen tubime në ambiente të mbyllura me më shumë se 30 persona, si dhe ndalohen të gjitha tubimet që kanë më shumë se 50 pjesëmarrës. Mirëpo të dyja rregullat janë shkelur me nisje të fushatës zgjedhore më 3 shkurt.
Shfaq më shumë
