Arben Hoti është kameraman dhe montazhier i Radios Evropa e Lirë në Prishtinë.
Ndërtimi i impiantit për trajtimin e mbetjeve shtazore, në raportin e Zyrës Kombëtare të Auditimit(ZKA), thuhet se ka përfunduar në dhjetor të vitit 2019. Por, ende nuk ka një informacion zyrtar se kur mund të nisë operimin. Impianti gjendet në komunën e Drenasit.
Malbora Krajku nga Prizreni është klarinetistja e vetme grua që luan në disa orkestra shtetërore të Kosovës. Në një rrëfim për Radion Evropa e Lirë, ajo tregon pasionin për këtë instrument, që e ka shoqëruar qysh nga vegjëlia dhe e ka bërë pjesë të angazhimeve të shumta.
Nga anëtarësimi në organizata të ndryshme ndërkombëtare deri te mirëpritja e festivaleve dhe eventeve botërore, Kosovën e përcollën një sërë ngjarjesh që lanë gjurmë në historinë e saj 15-vjeçare si shtet.
Kosova shënon këtë 17 shkurt 15-vjetorin e pavarësisë, e cila u shpall me mbështetjen e Shteteve të Bashkuara dhe vendeve kryesore evropiane. Por, përpjekjet e saj për mëvetësi nisën së paku tri dekada më parë, kur asaj iu hoq dhunshëm autonomia që gëzonte brenda Jugosllavisë së atëhershme.
Pjesëtari i Forcës së Sigurisë së Kosovës, Egzon Syla, ka rrëfyer për Radion Evropa e Lirë përvojën e shpëtimit të një vajze 2-vjeçare në Hataj të Turqisë, më 8 shkurt. Që nga 7 shkurti, një kontingjent i FSK-së është në kërkim të të mbijetuarve të tërmetit në një nga rajonet më të prekura në Turqi.
Disa qytetarë në Prishtinë shprehen kundër formimit të Asociacionit të komunave me shumicë serbe në Kosovë si strukturë njëetnike me kompetenca ekzekutive. Ata thonë se duhet të gjendet një zgjidhje që nuk e cenon shtetësinë e Kosovës, por që nuk e rrezikon as mbështetjen e SHBA-së.
Pedagogia Blerina Lila ka pesë vjet që ka themeluar një çerdhe private - të parën në Kosovë me programe pedagogjike ndryshe nga institucionet e tjera parashkollore.
Këshilltari i Departamentit amerikan të Shtetit, Derek Chollet, thotë në një intervistë për Radion Evropa e Lirë se Asociacioni i komunave me shumicë serbe në Kosovë duhet të formohet, por thekson se “Asociacioni në formën e Republikës Sërpska është një vijë e kuqe që SHBA-ja s’do ta lejojë”.
Protestat kundër dhunës ndaj grave dhe vajzave, çështja e të pagjeturve, kriza energjetike, Muzeu i Kristaleve në Mitrovicë, Parada e Krenarisë, thatësirat e vërshimet, ceremoni fetare, kriza në veri e ngjarje të tjera gjithandej nëpër Kosovë, nuk i shpëtuan objektivit të Radios Evropa e Lirë.
Pas 20 ditësh bllokim të rrugëve që çojnë drejt pikëkalimeve kufitare mes Kosovës dhe Serbisë, ato u zhbllokuan më 29 dhjetor nga serbët lokalë në veri të vendit – të cilët vetë i kishin vendosur barrikadat.
Pasditen e 29 dhjetorit nisi heqja e barrikadave të ngritura në veri të Kosovës. Për gati tri javë, grupe serbësh mbajtën të bllokuara disa rrugë që çojnë drejt vendkalimeve kufitare me Serbinë, Jarinjë dhe Bërnjak.
Pasditen e së enjtes janë larguar barrikadat në fshatin Rudarë, i cili gjindet në komunën e Zveçanit, raportojnë gazetarët e Radios Evropa e Lirë nga terreni.
Grupe të qytetarëve serbë shtuan edhe dy barrikada të reja në veri të Kosovës, duke bllokuar gati të gjitha rrugët që çojnë drejt vendkalimeve kufitare me Serbinë, Jarinjë dhe Bërnjak. Në këtë zonë ndodhen tashmë mbi dhjetë barrikada me mjete të rënda. Vendosja e tyre ka nisur më 10 dhjetor, pasi Policia e Kosovës ka arrestuar një ish-pjesëtar serb të këtij institucioni, nën dyshimet për përfshirje në një sulm kundër zyrtarëve të Komisionit Qendror të Zgjedhjeve në veri.
Një numër i madh personash kanë marrë pjesë në edicionin e shtatë të mini-maratonës humanitare “Vrapo Babadimër”, e cila organizohet çdo dhjetor në Prishtinë. Qëllimi kryesor i kësaj ngjarjeje është rritja e donacioneve për t’i ndihmuar familjet e varfra në Kosovë me rastin e festave të fundvitit.
Qindra qytetarë serbë nga pjesë të ndryshme të Kosovës u mblodhën të enjten në veri të vendit, duke parashtruar një varg kërkesash për heqjen e barrikadave të ngritura në këtë zonë.
Me gjithë përpjekjet e REL-it, pak qytetarë në Mitrovicë të Veriut deshën të flasin publikisht për barrikadat e ngritura në pjesën veriore të Kosovës nga disa grupe serbësh. Ata që folën në mënyrë anonime, thanë se u duhet lëvizje e lirë.
Kamionë të mëdhenj dhe autobusë vazhdojnë t'i bllokojnë rrugët në veri të Kosovës, duke penguar qarkullimin drejt pikave kufitare me Serbinë, Jarinjë dhe Bërnjak.
Për të tretën ditë me radhë, në veri të Kosovës disa rrugë vazhdojnë të jenë të bllokuara. Kamionë të rëndë dhe mjete të tjera vazhdojnë të bllokojnë rrugën në fshatin Rudarë, në Zveçan.
Të mësuar me tensione - kështu shprehen disa qytetarë të Mitrovicës së Veriut, të anketuar nga Radio Evropa e Lirë. Në pjesën veriore të Kosovës - e populluar me shumicë serbe - ka ditë që është tensionuar situata.
Forca të shtuara policore vërehen në Mitrovicë të Veriut. Tensionet në këtë anë të Kosovës, të banuar me shumicë serbe, janë në rritje. Një natë më herët, në Zveçan, një pjesëtar i Policisë së Kosovës mbeti i plagosur nga një sulm i armatosur.
Shfaq më shumë
