OBSH: Aktualisht janë duke u testuar pesë ilaçe për COVID-19
Organizata Botërore e Shëndetësisë (OBSH) aktualisht po teston pesë ilaçe për sëmundjen COVID-19 e shkaktuar nga koronavirusi SARS-COV-2, tha për Shërbimin e Ballkanit të Radios Evropa e Lirë, zëdhënësi i OBSH-së, Tarik Jashareviq.
"Që në muajin shkurt, ne mblodhëm më shumë se 400 shkencëtarët kryesorë në botë në fushën e kërkimit për të përcaktuar jo vetëm atë që dihet për virusin, por në të njëjtën për të punuar në disa zgjidhje të tilla si vaksinat dhe ilaçet", thotë Jashareviq.
Sipas tij, është filluar të punohet në zbulimin e vaksinës, por kjo do të marrë ca kohë.
"Këto prova klinike do të bëhen në më shumë vende dhe ne do të përpiqemi t'i përshpejtojmë ato sa më shumë që të jetë e mundur në mënyrë që të arrijmë në disa rezultate dhe përparime në këtë fushë", përfundon zëdhënësi i OBSH-së.
Që nga fillimi i shpërthimit të koronavirusit në fund të dhjetorit 2019 në qytetin kinez Vuhan, 159 vende dhe territore në të gjithë botën kanë raportuar raste të COVID-19.
Italia tejkalon Kinën me vdekjet nga koronavirusi
Numri i vdekjeve nga koronavirusi i ri i ka tejkaluar ato në Kinë, ku edhe e ka zanafillën sëmundja.
Autoritetet italiane raportuan për 3,405 vdekje nga infeksioni. Në Kinë janë raportuar rreth 3.245 të vdekur.
Vetëm gjatë 24 orëve të fundit në Itali ka pasur 427 viktima nga infeksioni.
Që nga fillimi i shpërthimit të koronavirusit në fund të dhjetorit 2019 në qytetin kinez Vuhan, 159 vende dhe territore në të gjithë botën kanë raportuar raste të COVID-19.
Më shumë se 222,000 njerëz në të gjithë botën janë të infektuar me këtë virus.
Të gjitha vendet e Ballkanit Perëndimor kanë regjistruar raste, dhe qeveritë po vendosin masa të ashpra për të ndaluar përhapjen e infeksionit.
Shefi i OKB-së bën thirrje për luftë të përbashkët kundër koronavirusit
Sekretari i Përgjithshëm i Kombeve të Bashkuara, Antonio Guterres, ka lëshuar një paralajmërim të ashpër për udhëheqësit botërorë për të punuar së bashku në frenimin e përhapjes së koronavirusit.
"Nëse lejojmë që virusi të përhapet - veçanërisht në rajonet më të rrezikuara të botës - ai do të vriste miliona njerëz. Solidariteti global nuk është vetëm një imperativ moral, por është në interesin e të gjithëve", tha Guterres.
Ai gjithashtu nxiti qeveritë dhe institucionet ndërkombëtare të mbështesin më mirë personat më të cenueshëm financiarisht - punëtorët me paga të ulëta dhe bizneset e vogla dhe të mesme.
Që nga fillimi i shpërthimit të koronavirusit në fund të dhjetorit 2019 në qytetin kinez Vuhan, 159 vende dhe territore në të gjithë botën kanë raportuar raste të COVID-19.
Më shumë se 222,000 njerëz në të gjithë botën janë të infektuar me këtë virus.
Të gjitha vendet e Ballkanit Perëndimor kanë regjistruar raste, dhe qeveritë po vendosin masa të ashpra për të ndaluar përhapjen e infeksionit.
Serbia shtrëngon masat kundër koronavirusit
Presidenti i Serbisë, Aleksandar Vuçiq ka njoftuar se të gjitha vendkalimet kufitare në Serbi - rrugore dhe hekurudhore, do të mbyllen në mënyrë që të parandalohet përhapja e virusit.
Masa hyn në fuqi të premten në 8 pasdite.
Të enjten, i gjithë trafiku tregta ajror u pezullua.
"Ne presim një rritje të numrit të të infektuarve në ditët në vijim", tha presidenti, duke shtuar se Klinika e Sëmundjeve Infektive në Beograd është pothuajse e mbushur me pacientë.
Deri më tani dy të infektuar janë lëshuar nga spitali, dhe tre të tjerë pritet të lëshohen të premten.
Numri i të infektuarve me koronavirus në Serbi ka arritur në 103 persona.
Vuçiç tha se në vendet e tjera, pasi kaloi numrin e 100 pacientëve, filloi rritja më e shpejtë e numrit të të infektuarve.
Që nga fillimi i shpërthimit të koronavirusit në fund të dhjetorit 2019 në qytetin kinez Vuhan, 159 vende dhe territore në të gjithë botën kanë raportuar raste të COVID-19.
Më shumë se 222,000 njerëz në të gjithë botën janë të infektuar me këtë virus.
Të gjitha vendet e Ballkanit Perëndimor kanë regjistruar raste, dhe qeveritë po vendosin masa të ashpra për të ndaluar përhapjen e infeksionit.