Çfarë po ndodh në Kuvendin e Kosovës?
Gazetarja e REL-it, Flaka Zogu, e cila ndodhet në Kuvendin e Kosovës, raporton se, pas përfundimit të takimit të komisionit verifikues, në sallën e Kuvendit janë kthyer vetëm përfaqësuesit e PDK-së, LDK-së, AAK-së dhe pakicat.
Të pranishëm janë edhe disa deputetë të LVV-së përfshirë kryesuesin e senacës, kurse mungojnë Albin Kurti dhe ministrat e zgjedhur deputetë, bashkë me tre deputetët e NISMA-s.
Kreu i Haradinajt i kerkoi nje zgjidhje për pritjen kryesuesit të seancës Avni Deharit duke e pyetur " a ke një qëndrim, çka po bëjmë".
Kërçeli për dorëheqjet: Asgjë s’ka ndryshuar nga 15 prilli
Deputeti i zgjedhur i LVV-së, Ilir Kërçeli, tha se sot u dëshmua se kauza e PDK-së, LDK-së dhe AAK-së për dorëheqjet e anëtarëve të Qeverisë “nuk ka qenë reale”.
Ai tha se asgjë s’ka ndryshuar nga 15 prilli, kur kryeministri në detyrë, Albin Kurti, përmes një letre njoftoi Kuvendin se ekzekutivi i tij është në dorëheqje.
“Asgjë s’ka ndryshuar nga praktika e 15 prillit, vetëm sot opozita ka dëshmuar se sa qenë kauzë reale. Si duket ndikoi përmendja e zgjedhjeve ishte që ishte ajo që i bëri të ndryshojnë qëndrim”.
Memli Krasniqi, kreu i PDK, tha se janë evidentuar dorëheqjet individuale të ministrave dhe kryeministrit, që janë zgjedhur deputetë.
“Nuk është dorëzuar asgjë nga ajo që ka ndodhur më 15 prill. Ministrat ia kanë dërguar kryeministrit, ai e ka njoftuar Kuvendin”, tha Kërçeli.
Haradinaj tregon se cilët kandidatë të LVV-së do t'i votonte për kryeparlamentar
Kryetari i AAK-së, Ramush Haradinaj, tha se ka dakordim të partisë së tij, PDK-së dhe LDK-së për votimin e raportit për mandate, në mënyrë që të mund të vazhdohet me betimin dhe zgjedhjen e kryetarit të Kuvendit.
"Nëse LVV-ja do të kishte kandidate për kryeparlamentare, Saranda Bogujecvin apo Shqipe Selimin, AAK-ja do t’i votonte", tha ai.
Murati: Asgjë s’ka ndryshuar, vetëm fjalët e opozitës
Ministri në detyrë i Financave, Hekuran Murati, tha se anëtarët e partive që deri më tani kanë qenë në opozitë jane dakorduar të votojnë pro raportit për mandatin e deputetëve.
Ai thotë se asgjë nuk ka ndryshuar në raport me atë të para katër ditëve dhe se asnjë dorëheqje nuk është dorëzuar.
“Kanë ndryshuar vetëm fjalët e opozitës si rezultat i rrezikut për t’i humbur mandatet”, tha Murati.