Prishjet e papritura të dy blloqeve në termocentralet e KEK-ut, edhe pse u sanuan, nxitën reagime sa i përket furnizimit me rrymë. Ndërsa riparimet në njësi të tjera po vazhdojnë ende, Qeverisë i bëhet thirrje të marrë masa për stabilitet energjetik në dimrin e ardhshëm. Institucionet nuk ndanë me Radion Evropa e Lirë asnjë parashikim se a do të jenë plotësisht operative të gjitha njësitë e termocentraleve të Obiliqit edhe në muajt e ftohtë të këtij viti.