Bujar Tërstena është kameraman dhe montazhier i Radios Evropa e Lirë në Prishtinë.
Kuvendi i Kosovës nuk ka arritur ta përmbyllë konstituimin as në herën e tretë, kur seanca u vazhdua të shtunën më 19 prill. Pasi kaluan mospajtimet për raportin që verifikon mandatet e deputetëve, ligjvënësit u betuan si deputetë, por dështuan që të zgjidhnin kryesinë e Kuvendit.
Legjislatura e nëntë e Kuvendit të Kosovës nuk u konstitua as në përpjekjen e dytë.
Situata e krijuar në seancën konstituive, e cila u ndërpre qysh në pikën e parë të rendit të ditës, ka ngritur shumë pikëpyetje. A është e nevojshme që Albin Kurti dhe ministrat e tij të japin dorëheqje kur mandati i tyre përfundoi në mars?
Kuvendi i Kosovës ka dështuar të konstituojë legjislaturën e nëntë në seancën e së martës.
Rritja e çmimit të energjisë për rreth 16 për qind u kundërshtua përmes protestave në Prishtinë më 11 prill. Qindra qytetarë kërkuan anulimin e vendimit të miratuar nga Zyra e Rregullatorit të Energjisë. Të prekur nga shtrenjtimi, ata e shohin këtë masë si një barrë të padurueshme për jetesën e tyre
Lëvizja Vetëvendosje e Albin Kurtit e ka pranuar se nuk mund ta formojë Qeverinë e re të Kosovës pa përfshirjen e një partie shqiptare, mundësi që më herët e kishte përjashtuar. Vetëvendosje nuk i ka të sigurta as votat për postin e kryetarit të Kuvendit.
Shtetet e Bashkuara të Amerikës e përjashtuan Rusinë nga tarifat doganore të cilat u vendosën për shumë shtete të tjera, më 2 prill. Nga administrata Trump thonë se shpjegimi pse Rusia u shpëtoi tarifave lidhet me negociatat për ndaljen e luftës në Ukrainë.
Në Gjykatën Speciale, në Hagë, kanë përfunduar dëshmimin të gjithë dëshmitarët e thirrur nga Prokuroria në procesin gjyqësor ndaj Hashim Thaçit, Kadri Veselit, Rexhep Selimit dhe Jakup Krasniqit, të cilët akuzohen për krime lufte.
Kosova është në listën e shteteve të botës, të cilave Shtetet e Bashkuara të Amerikës u kanë vendosur tarifë tregtare bazë prej 10 për qind, ndërsa disa shteteve të tjera u janë vënë tarifa edhe më të larta.
Qeveria “Kurti 2” e përmbylli mandatin e vet të plotë katërvjeçar më 23 mars 2025. Gjatë katër vjetëve të fundit, Qeveria e Kosovës, e drejtuar nga Albin Kurti, menaxhoi situata të jashtëzakonshme – nga tensionet dhe sulmet e armatosura në veri, deri te krizat me energjinë.
Pasi u renditën të tretët në zgjedhjet e 9 shkurtit, brenda Lidhjes Demokratike të Kosovës janë shfaqur pakënaqësi dhe kërkesa për ndryshime në udhëheqje. Por, kush po e mbron dhe kush po kërkon largimin e kryetarit të LDK-së, Lumir Abdixhiku, dhe reformë në kryesi, e kuptojmë në këtë video.
Një pjesë e opinionit publik në Serbi, si dhe Komisioni Evropian, presin që autoritetet në Serbi ta hetojnë rastin e një rrëmuje të papritur, që ndodhi gjatë 15 minutave të heshtjes në protestën studentore në Beograd, më 15 mars.
Një zjarr që shpërtheu në klubin e natës "Pulse", në Koçan të Maqedonisë së Veriut, mëngjesin e 16 marsit, mbyti 59 persona dhe la të lënduar mbi 150 të tjerë.
Më 15 mars, 2025, Beogradi do të jetë qendra e një tubimi masiv, të organizuar nga studentët. Ngjarja pason protestat dhe bllokadat e vazhdueshme të tyre, që prej tragjedisë së 1 nëntorit në Novi Sad.
Kosova, aktualisht, nuk ka asnjë lobues të kontraktuar në SHBA. Derisa Serbia vazhdon të forcojë prezencën e saj në Uashington përmes pesë kontratave të lobimit, Kosova mbetet pa një mekanizëm të tillë ndikimi.
Gjykata Themelore në Prishtinë e shtyu për 17 mars seancën fillestare ndaj dy të akuzuarve për spiunazh, Bedri Shabani dhe Muharrem Qerimi, pasi njëri nga të akuzuarit kërkoi disa ditë kohë për ta lexuar aktakuzën. Sipas Prokurorisë, ata akuzohen se kanë dhënë informacione te BIA.
Kryeministri i Kosovës zgjodhi të vishej si punëtor ndërtimtarie dhe të merrte pjesë në vënien e gurit themeltar të një çerdheje në Gjilan, në vend se të respektonte urdhrin e Gjykatës për të dhënë dëshmi në Prokurorinë Speciale në cilësinë e dëshmitarit në rastin e rezervave shtetërore.
Ukraina raportohet se ka pranuar një marrëveshje me SHBA-në për shfrytëzimin e burimeve minerale, si litiumi dhe titani, dhe do të marrë mbështetje financiare për rindërtimin e ekonomisë së saj. Por, çfarë janë këto minerale të rralla dhe ku përdoren ato? Më shumë detaje i gjeni në këtë video.
Masat ndëshkuese të Bashkimit Evropian nuk e kanë detyruar Qeverinë e Kosovës të ndryshojë kursin e saj, por kanë pasur ndikim në mirëqenien e qytetarëve. Pa një konsensus të qartë brenda BE-së se kur mund të hiqen, pasiguria vazhdon të formësojë situatën.
Me vonesë ka nisur numërimi i fletëvotimeve të kandidatëve për deputetë të zgjedhjeve të 9 shkurtit. Ndonëse nuk dihet se kur do të përfundojë procesi, Komisioni Qendror i Zgjedhjeve e arsyetoi vonesën duke thënë se këtë herë është dashur më shumë kohë për çështje organizative
Shfaq më shumë
