Forcat ukrainase në vijën e frontit, në Pokrovsk, po përballen me sulme të intensifikuara ruse, veçanërisht me dronë kamikazë dhe me bomba rrëshqitëse. Ushtarët në front varen nga armët e improvizuara elektronike dhe nga taktikat e kamuflazhit për të mbijetuar nën rrezikun pothuajse të vazhdueshëm. Një ekip i projektit të Radios Evropa e Lirë, Current Time, bisedoi me artiljerë ukrainas që po luftonin në periferi të qytetit të Pokrovskut, teksa ata po përpiqeshin të parandalonin përparimin e grupeve sulmuese ruse. (Përgatitën: Trim Haliti dhe Arben Hoti)