Panairi “Me zemër për Diasporën” në Prishtinë
Ushqime tradicionale, veshje kombëtare, punime dore, perime të freskëta nga kopshte familjare, si dhe produkte të tjera artizanale u ekspozuan në panairin e grave “Me zemër për Diasporën”, që nisi të enjten, më 7 gusht, në sheshin “Nëna Terezë” në Prishtinë. Aktiviteti do të vazhdojë edhe më 8 gusht, në të njëjtin vend. Panairi është organizuar nga Oda Ekonomike e Kosovës.
1
Çdo verë, Kosova përjeton një fluks të madh të bashkatdhetarëve që kthehen për pushime. Sipas të dhënave të regjistrimit të fundit të popullsisë, të realizuar nga Agjencia e Statistikave të Kosovës më 2024, rreth 550 mijë qytetarë të Kosovës jetojnë në diasporë, kryesisht në Gjermani, Zvicër, Francë dhe Austri.
2
Qëllimi i panairit, “Me zemër për Diasporën”, është promovimi dhe fuqizimi i rolit të gruas në biznes dhe shoqëri.
3
Mihane Abdullahu, pronare e biznesit “Duart e Vyera” nga Lipjani, kishte ekspozuar ëmbëlsira, turshi dhe gatime tradicionale në një nga tezgat e panairit. “Muaji më i mbarë i vitit është kur diaspora është në Kosovë. Atëherë shes më shumë, sidomos turshi”, tha ajo.
4
Panairi tërhoqi edhe disa vizitorë nga diaspora.
