Zgjerimi i ofensivës izraelite detyron palestinezët të ikin nga Qyteti i Gazës
- AP
Palestinezët vazhduan të iknin gjatë fundjavës nga Qyteti i Gazës për t'u zhvendosur në jug, pasi Izraeli njoftoi planet për të zgjeruar ofensivën e tij ushtarake kundër grupit palestinez Hamas - i shpallur terrorist nga Shtetet e Bashkuara të Amerikës dhe Bashkimi Evropian - dhe për të frenuar hyrjen e ndihmave humanitare në pjesë të veriut të Rripit të Gazës. (Përgatiti: Trim Haliti)
1
Palestinezë të zhvendosur duke u larguar nga Xhabalia me plaçkat e tyre, në një rrugë në Qytetin e Gazës, më 26 gusht.
2
Palestinezë në rimorkion e një traktori me ndihma të siguruara nga veriu i Rripit të Gazës, duke lëvizur nëpër një rrugë në Qytetin e Gazës, më 29 gusht.
3
Tym i dendur duke u ngritur në qiell, pas një sulmi të ushtrisë izraelite në veri të Rripit të Gazës, i fotografuar nga jugu i Izraelit, më 30 gusht.
4
Palestinezë të zhvendosur duke ikur përmes Rrugës Detare drejt veriut të Rripit të Gazës, më 30 gusht.
