Një program në një rajon të izoluar të Azisë Qendrore po e përgatit një popullatë të vogël të kulanëve të rrezikuar për rikthim në botën e egër.
(Përgatiti: Trim Haliti)
Kthimi i kulanëve të rrezikuar të Kazakistanit
1
Kjo është një familje kulanësh, një specie kafshësh vendëse në Azinë Qendrore, të cilët duken të ngjashëm me gomarët, por janë po aq të shpejtë dhe të zhdërvjellët sa kuajt.
2
Kulanët janë tejet të rrezikuar. Një nënspecie kazake e kafshës u zhduk krejtësisht nga Kazakistani në vitet e 1930-ta, kryesisht për shkak të gjuetisë dhe aktiviteteve të tjera njerëzore.
Kafshët në këto fotografi janë nënspecie turkmene e kulanëve, e cila për herë të parë është transportuar në rezervatin Altin Dala në rajonin verior të Kostanait, në Kazakistan, më 2017.
Kafshët në këto fotografi janë nënspecie turkmene e kulanëve, e cila për herë të parë është transportuar në rezervatin Altin Dala në rajonin verior të Kostanait, në Kazakistan, më 2017.
3
Rezervati Altin dala financohet nga shteti kazak dhe nga grupe gjermane, britanike dhe norvegjeze për mbrojtjen e kafshëve, me qëllim ripopullimin e Kazakistanit verior me tufa të shumta kulanësh. Aktualisht, pesë kulanë mbahen brenda një hapësire prej 40 hektarësh, të rrethuar me gardh.
4
Rezervati, vend ku qëndrojnë shkencëtarë që punojnë në Altin Dala, ndodhet më shumë se 70 kilometra larg vendbanimit më të afërt të njerëzve. Këtu nuk ka valë telefonike, dhe rojtarët kanë qasje në internet tepër të dobët një herë në ditë, për t’i shikuar mesazhet dhe për të dërguar të dhëna nga hulumtimet.
