Rinis seanca konstituive
Seanca konstituive e Kuvendit të Kosovës po vazhdon për të nëntën herë sot.
Kryesuesi i seancës, Avni Dehari, tha se të pranishëm janë 110 deputetë.
Në vazhdim pritet të propozohet sërish Albulena Haxhiu për kryeparlamentare.
Kërkohet votimi i fshehtë
Kryesuesi i seancës, Avni Dehari, ka propozuar që votimi për kryetar të Kuvendit të bëhet në mënyrë të fshehtë.
Ai ka propozuar që votimi të kryhet "me fletvotime fizike".
Dehari u ka bërë thirrje partive të propozojnë nga një anëtar për komisionin për udhëheqjen e këtij procesi.
PDK e LDK refuzojnë votimin e fshehtë
Kryetari i Partisë Demokratike të Kosovës, Memli Krasniqi, ka thënë se partia e tij refuzon mënyrën e votimit të fshehtë për kryetarin e Kuvendit të Kosovës.
Edhe Lidhja Demokratike e Kosovës, përmes deputetes Hykmete Bajrami, ka refuzuar pjesëmarrjen në votimin e fshehtë.
Si PDK, ashtu edhe LDK e kanë cilësuar të paligjshme ndërrimin e formës së votimit.
Votimi i fshehtë refuzohet edhe nga AAK dhe Lista Serbe
Votimin e fshehtë e ka refuzuar edhe Aleanca për Ardhmërinë e Kosovës.
Qëndrim të njëjtë ka shprehur edhe Lista Serbe.