"Dita e Forcës" nxori ushtarët e Forcës së Sigurisë së Kosovës (FSK) dhe pajisjet e tyre në oborret e kazermave për vizitorët e shumtë. Qytetarë, por edhe nxënës shkollash e fëmijë kopshtesh që kishin ardhur në mënyrë të organizuar, patën mundësinë të shihnin nga afër ushtarët e FSK-së dhe pajisjet e tyre nëpër të gjitha kazermat në Kosovë. Më 27 nëntor në Kosovë shënohet "Dita e Forcës", që simbolizon themelimin e Forcës së Sigurisë së Kosovës (FSK). Kjo forcë u themelua më 1 janar të vitit 2009, pas shpërbërjes së Trupave Mbrojtëse të Kosovës (TMK).
"Dita e Forcës" mbledh vizitorë në kazermat e FSK-së
1
Në Kosovë më 27 nëntor shënohet "Dita e Forcës", që simbolizon themelimin e Forcës së Sigurisë së Kosovës (FSK).
2
Forca e Sigurisë e Kosovës, me rastin e "Ditës së Forcës", më 27 nëntor ka hapur dyert për vizitorët.
3
Vizitorët më të shumtë janë fëmijë të kopshteve dhe nxënës të shkollave të Kosovës.
4
Një fëmijë i veshur me veshje kombëtare duke përshëndetur një pjesëtar të FSK-së në kazermën "Adem Jashari".
