Armëpushim i pjesshëm, luftë e pandërprerë: Realitet i vrazhdë në Ukrainë dhe në Rusi
Fotografitë nga Ukraina dhe Rusia tregojnë pasojat e disa prej sulmeve më shkatërruese me dronë në javët e fundit, të kryera pas arritjes së pajtimit për një armëpushim të pjesshëm për ndaljen e sulmeve ndaj infrastrukturës energjetike. (Përgatiti: Trim Haliti)
1
Një lagje banimi në Hostomel, afër Kievit, e fotografuar më 19 mars, pas një sulmi me dronë gjatë natës.
Më 18 mars u njoftua për arritjen e një armëpushimi të pjesshëm, teksa Kremlini u zotua se do t'i ndalë sulmet ndaj objektivave "të energjisë dhe infrastrukturës", pas një bisede telefonike mes presidentit të Shteteve të Bashkuara të Amerikës, Donald Trump, dhe presidentit rus, Vladimir Putin.
2
Zjarrfikësit duke u angazhuar për shuarjen e zjarrit, pas një sulmi ndaj një spitali në Krasnopillia, në rajonin ukrainas Sumi.
Që nga biseda telefonike e 18 marsit, në Ukrainë dhe në Rusi janë sulmuar një mori vendesh.
3
Depoja e naftës Kavkazskaya, në rajonin e Krasnodarit, në Rusi, e kapluar nga flakët pasi u sulmua nga dronët më 19 mars. Autoritetet ruse e fajësuan Ukrainën për sulmin.
4
Një ushtar ukrainas duke biseduar në telefon me të afërmit, pas lirimit nga robërimi rus, më 19 mars.
Ukraina dhe Rusia liruan nga 175 të burgosur lufte, një ditë pas telefonatës Trump-Putin, një gjest që u përmend gjatë bisedës.
