Policia ekspozon armatimin që tha se e gjeti në veri të Kosovës
Armë të llojeve të ndryshme, uniforma e pajisje të tjera ushtarake u ekspozuan në Mitrovicë më 20 gusht. Autoritetet thanë se ato u sekuestruan gjatë operacioneve të kryera në veri të Kosovës dhe në afërsi të lokacioneve ku janë gjetur mbetje mortore që dyshohet se u përkasin viktimave të luftës së fundit në Kosovë.
5
Autoritetet ligjzbatuese në Kosovë thanë se armët e municionet do t’iu nënshtrohen ekzaminimeve për të kuptuar origjinën e tyre dhe nëse janë përdorur në ndonjë rast që është hetuar.
6
Disa municione të ndryshkura. Drejtori i Policisë, Gazmend Hoxha, tha se duhet të kryhen ekzaminime të armatimit të gjetur, për të kuptuar nëse ato janë përdorur për vrasjen e 23 personave, mbetjet mortore të të cilëve u gjetën në tri lokacione në Zubin Potok.
7
Përveç armëve, Policia ekspozoi edhe uniforma ushtarake dhe gazmaska, që tha se i gjeti gjatë bastisjeve në veri.
8
Uniforma, armë dhe municione të ekspozuara në Mitrovicë më 20 gusht.
