Blinken për REL: Rusia përballet me pasoja masive nëse vazhdon agresionin ndaj Ukrainës

Mike Eckel

27 janar 2022

Sekretari amerikan i Shtetit, Antony Blinken gjatë intervistës për REL-in dhënë përmes Skype-it.

Sekretari amerikan i Shtetit, Antony Blinken, tha se Rusia përballet me “pasoja masive” nëse zgjedh “rrugën e agresionit” me Ukrainën, duke i bërë thirrje Moskës që të angazhohet në diplomaci për t’i dhënë fund krizës përgjatë kufirit me Ukrainën.

Në një intervistë për Radion Evropa e Lirë dhënë më 27 janar, Blinken tha se Ushingtoni ende nuk e di se cili është qëllimi përfundimtar i Kremlinit për Ukrainën, ose nëse kërkesat e tij për të rishkruar strukturën ekzistuese të sigurisë së Evropës.

“Unë mendoj se i vetmi person që mund të na tregojë se cili është qëllimi përfundimtar i Kremlinit është presidenti [rus, Vladimir] Putin. Nuk mendoj se dikush tjetër e di. Dhe ai, në këtë pikë, mund të mos e di sepse çfarë ai ka bërë në të kaluarën, dhe atë që unë besoj se i nxit gjërat me mënyrën se si iu qaset atyre, është që të krijojë sa më shumë mundësi që të mundet. Dhe ata e udhëheqin gamën”, tha Blinken për REL-in.

Kryediplomati amerikan foli një ditë pasi Shtetet e Bashkuara zyrtarisht prezantuan përgjigjen e shkruar për ultimatumet e Rusisë, që u bën publike muajin e kaluar në formën e dy draft-traktateve.

Sekretari amerikan i Shtetit, Antony Blinken duke u përshëndetur me ministrin e Jashtëm rus, Sergei Lavrov para një takimi që dy diplomatët zhvilluan më 21 janar në Gjenevë.

SHIKONI EDHE:

SHBA-ja ofron rrugë diplomatike për zgjidhjen e krizës në Ukrainë

Kërkesat ruse janë shoqëruar me dislokimin e mbi 100,000 trupave ruse në rajonet pranë kufijve të Ukrainës, ku janë vendosur disa prej pajisjeve më të sofistikuara ushtarake të Rusisë.

Dy dokumentet paraqesin një ristrukturim në shkallë të gjerë të strukturës së sigurisë së Evropës dhe në to bëhet thirrje për një moratorium mbi zgjerimin e NATO-s në ish-republikat sovjetike si Gjeorgjia dhe Ukraina. Po ashtu, kërkohet edhe tërheqja e trupave dhe armëve nga lokacionet në lindje të Evropës para se aleanca ushtrake të bënte zgjerimin e parë të madh pas Luftës së Ftohtë më 1999.

Propozimet, që po ashtu bëjnë thirrje për kufizime të reja në vendosjen e armëve bërthamore në Evropë dhe çështje të tjera të ndërlidhura, janë pritur gjerësisht me mospajtim nga Shtetet e Bashkuara dhe aleatët evropianë.

Stërvitje, diplomaci, mbrojtje: Fotografitë e fundit nga kriza në Ukrainë

Një ushtar rus hidhet nga një automjet i blinduar gjatë stërvitjeve në poligonin Kuzminsky, në rajonin jugor të Rusisë, Rostov, më 26 janar. Poligoni ushtarak gjendet rreth 50 kilometra nga kufiri me Ukrainën. — 1/14 Një ushtar rus hidhet nga një automjet i blinduar gjatë stërvitjeve në poligonin Kuzminsky, në rajonin jugor të Rusisë, Rostov, më 26 janar. Poligoni ushtarak gjendet rreth 50 kilometra nga kufiri me Ukrainën.

2/14 Një aktiviste e grupit 'FEMEN' duke protestuar me vajzën e saj të mitur jashtë zyrës së presidentit të Ukrainës, më 27 janar. Gruaja, e zhveshur në pjesën e epërme të trupit, po protestonte ndaj një rregulloreje që hyri në fuqi në fund të vitit 2021, e cila u kërkon grave të moshës 18-60 vjeç nga një sërë profesionesh që të regjistrohen në ushtrinë e Ukrainës. Në rast të një pushtimi, gratë mund të mobilizohen për të ndihmuar në një përpjekje lufte.

3/14 Një luftanije e marinës ruse gjatë stërvitjeve artilerike në Detin Baltik, më 27 janar.

Policia ukrainase ndalon një ushtar të Gardës Nacionale pasi dyshohet se qëlloi dhe vrau pesë persona në një fabrikë ushtarake në rajonin Dnipropetrovsk, më 27 janar. — 4/14 Policia ukrainase ndalon një ushtar të Gardës Nacionale pasi dyshohet se qëlloi dhe vrau pesë persona në një fabrikë ushtarake në rajonin Dnipropetrovsk, më 27 janar.

Ushtarët rusë qëndrojnë pranë një transportuesi të blinduar BTR-82 gjatë stërvitjeve në poligonin ushtarak  Kuzminsky, më 26 janar. — 5/14 Ushtarët rusë qëndrojnë pranë një transportuesi të blinduar BTR-82 gjatë stërvitjeve në poligonin ushtarak Kuzminsky, më 26 janar.

6/14 Një punëtore shëndetësore në kuadër të ushtrisë ukrainase e fotografuar pranë vijës së ndarjes nga separatistët e mbështetur nga Rusia jashtë Piskyt, një fshat në rajonin e Donetskut të Ukrainës, më 26 janar.

7/14 Një anëtar i ekuipazhit të një automjeti ushtarak rus duke vendosur kapelën gjatë stërvitjeve në poligonin Kuzminsky, më 26 janar.

8/14 Ambasadori i SHBA-së në Rusi, John Sullivan, (me maskë të zezë) shihet duke u larguar nga Ministria e Jashtme ruse në Moskë, më 26 janar. Sullivan dha një përgjigje me shkrim të SHBA-së ndaj kërkesave ruse për garanci sigurie mbi NATO-n dhe Ukrainën.

9/14 Një ushtar ukrainas aktivizon një raketë dore gjatë stërvitjeve në rajonin Volyn të Ukrainës, më 26 janar.

Gjuajtja me a<span style="font-size: 1em;">rtileri rimorkiuese </span>gjatë stërvitjeve të ushtrisë ruse në poligonin Kuzminsky, më 26 janar.<br />
<br />
<br />
<br /> — 10/14 Gjuajtja me artileri rimorkiuese gjatë stërvitjeve të ushtrisë ruse në poligonin Kuzminsky, më 26 janar.

11/14 Natalya, një banore e Avdiyivkas, brenda shtëpisë së saj që gjendet disa kilometra larg vijës së frontit, 26 janar 2022. Ajo ishte plagosur rëndë gjatë luftimeve në janar të vitit 2017.

12/14 Një burrë duke peshkuar në lumin Kalmius, i mbuluar me akull në Donetsk, një qytet në lindje të Ukrainës i kontrolluar nga separatistët e mbështetur nga Rusia, më 26 janar.

13/14 Aeroplanë me ushtarë amerikanë dhe britanikë arrijnë në bazën ajrore të Estonisë, Amari, më 24 janar. Ushtarët udhëtuan nga Gjermania për të mbështetur një mision të NATO-s për "patrullim nga ajri". Fotoja u publikua më 26 janar.

14/14 Një grua duke u lutur për paqe, në Ditën e lutjeve, në kishën katolike romake të Shën Aleksandrit në Kiev, më 26 janar.

Diplomatët e SHBA-së, NATO-s, Rusisë dhe nga shtetet evropiane kanë zhvilluar tri runde të bisedimeve në Gjenevë, Bruksel dhe Vjenë më herët gjatë këtij muaji. Bisedimet kishin për qëllim shmangien e një pushtimi të shkallës së gjerë të Ukrainës nga Rusia.

Përveç prezantimit të këtyre dy draft-propozimeve, diplomatët rusë kanë kërkuar përgjigje të shkruar nga SHBA-ja dhe NATO-ja.

Më 26 janar, ambasadori amerikan në Moskë prezantoi në Ministrinë e Jashtme ruse përgjigjen e shkruar të Uashingtonit.

Nuk ishte menjëherë e qartë se çfarë përmbajtje kishte kjo përgjigje.

Megjithatë, zyrtarët rusë, përfshirë edhe ministrin e Jashtëm, Sergei Lavrov, tentuan që të evitonin të komentonin për agjencitë e lajmeve ruse.

Sekretari amerikan i Shtetit, Antony Blinken dhe ministri i Jashtëm rus, Sergei Lavrov gjatë takimit në Gjenevë të Zvicrës.

SHIKONI EDHE:

Moska nuk sheh optimizëm në përgjigjen e SHBA-së

Zëdhënësi i Kremlinit, Dmitry Peskov tha se Putini e ka marrë përgjigjen e shkruar dhe do ta lexonte.

“Natyrisht, do të duhet një kohë për t’i analizuar. Të mos nxitohemi që të japim asnjë konkluzion”, citohet të ketë thënë Peskov nga agjencia e lajmeve TASS.

“E përsëris, le të mos nxitohemi në vlerësime”, tha ai për TASS. “Duhet kohë për t’u analizuar, dhe në fund, për presidentin tonë që të formulojë një pozicion të përshtatshëm. Le të shohim se si do të jetë”.

Në intervistën për REL-in, që u realizua përmes Skype nga Uashingtoni, Blinken minimizoi çdo divergjencë të mendimeve apo konkluzioneve ndërmjet SHBA-së dhe Ukrainës mbi seriozitetin e kërcënimit rus.

Edhe pse Qeveria në Kiev ka kërkuar nga njerëzit që të mos bëjnë panik teksa trupat ruse grumbullohen në kufi me Ukrainën, monedha e vendit, hryvnya, ka rënë në nivelin më të ulët në katër vjet. Foto nga arkivi.

SHIKONI EDHE:

Perëndimi paralajmëron pushtim rus, Ukraina bën thirrje "për qetësi"

Në javët e fundit, presidenti ukrainas Volodymyr Zelenskiy është shfaqur i mërzitur lidhur me paralajmërimet e forta të SHBA-së, dhe ai ka publikuar dy video, duke u bërë thirrje ukrainasve që të mos bëjnë panik.

Më herët gjatë kësaj jave, zëdhënësja e Shtëpisë së Bardhë Jen Psaki u tha gazetarëve se “pushtimi ishte i pashmangshëm”.

“Presidenti Zelenskiy ka të drejtë. Askush nuk duhet të bëjë panik, dhe askush nuk po bën”, tha Blinken. “Ne do të bëjmë gjithçka që mundemi për t’ia bërë të qartë Moskës se ka dy rrugë përpara: rrugën e diplomacisë dhe dialogut për të zgjidhur dallimet në mënyrë paqësore ose rrugën e agresionit, nëse është kjo që ajo e zgjedhë, do të pasojnë pasoja masive”.

“Ne mund të shohim një grumbullim të forcave ruse në kufijtë e Ukrainës – në jug, lindje dhe veri – që është grumbullimi më i madh që prej vitit 2014. Dhe ne jemi të vetëdijshëm për planet për dyfishimin e atyre forcave, që mund të ndodhë brenda një periudhe të shkurtër kohore, por edhe për përpjekjet për ta destabilizuar Ukrainën nga brenda”, tha ai.

“Ne do të duhet të bëjmë gjithçka që po bëjmë bazuar në fakte, bazuar në atë që ne po shohim, në mënyrë që të sigurohemi që ata të përgatiten për çdo mundësi. Ne po e bëjmë këtë në konsultim të ngushtë me Qeverinë e Ukrainës”.

Grumbullim ushtarak: Zbulohen autoblindat ruse afër Ukrainës

1/9 Një fotografi satelitore shfaq automjetet ushtarake ruse, të mbuluara nga bora, duke qëndruar në një fushë në Jelnja, Rusi, më 19 janar 2022. Jelnja ndodhet në rajonin veriperëndimor rus të Smolensk Oblastit, rreth 120 kilometra larg kufirit me Bjellorusinë, dhe 260 kilometra larg Ukrainës.

2/9 Automjete të blinduara ruse në Klimovë, më 19 janar. Magazina ushtarake e Klimovës ndodhet vetëm 35 kilometra larg kufirit me Ukrainën.

3/9 Tenda dhe baraka për trupat ruse në Jelnja, më 19 janar. Në ditën kur u realizua kjo fotografi, presidenti amerikan, Joe Biden, nxiti shumë kritika, pasi u duk se përcaktoi dallimin mes një "inkursioni të vogël" të mundshëm të forcave ruse në Ukrainë, dhe një pushtimi të plotë.

4/9 Tanke dhe pajisje për mbështetjen e artilerisë ruse, disa prej të cilave duket të jenë përdorur së fundmi, të parkuara në Jelnja, më 19 janar. Shtëpia e Bardhë më vonë u mundua të sqaronte komentet e presidentit amerikan, duke thënë se "nëse forcat ushtarake ruse kalojnë kufirin me Ukrainën, kjo përbën ndërhyrje të re, dhe asaj do t'i përgjigjen shpejt, ashpër dhe në mënyrë të koordinuar Shtetet e Bashkuara dhe aleatët tanë".

Pajisje ushtarake të grumbulluara në magazinën ushtarake në Klimovë, më 19 janar. Pamje të mëparshme <a href="https://www.google.com/maps/place/Klimovo,+Bryansk+Oblast,+Russia/@52.346282,32.1680393,567m/data=!3m1!1e3!4m5!3m4!1s0x46d4a0d137ad6257:0x7ea4add83a2b92ac!8m2!3d52.3763189!4d32.2005574" target="_blank"><strong>të të njëjtit vend, nga Google Maps,</strong> </a>shfaqin pak automjete ushtarake aty. — 5/9 Pajisje ushtarake të grumbulluara në magazinën ushtarake në Klimovë, më 19 janar. Pamje të mëparshme **të të njëjtit vend, nga Google Maps,** shfaqin pak automjete ushtarake aty.

6/9 Mjete të rënda ushtarake në një kompleks hekurudhor në Klimovë, më 19 janar. Pamje të reja amatore kanë shfaqur sasi të mëdha të armatimit duke u transportuar me tren në perëndim të Rusisë.

7/9 Një helikopter rus për zbulim dhe sulm, i tipit Ka-52 "Aligator", duke fluturuar në një vend të panjohur në rajonin e Rostovit, në Rusi, më 19 janar. Këto pamje janë shkrepur nga një fotograf i pavarur, të cilit me sa duket i është dhënë qasje në një bazë ushtarake ruse, dhe më pas janë shpërndarë nga Reuters.

8/9 I njëjti fotograf ka shkrepur fotografi të ushtarëve rusë duke marrë pjesë në manovra tokësore në Kamensk-Shaktinski, më 19 janar.

Një pilot në kabinën e një helikopteri të tipit Ka-52, në kuadër të një fluturimi testues, më 19 janar. <br />
<br />
Sekretari amerikan i shtetit, Antony Blinken, ka shkuar në Berlin, më 20 janar, për bisedime me aleatët evropianë, teksa frika është rritur se Ukraina mund të pushtohet "papritmas". Moska ka mohuar se ka plane për ta sulmuar Ukrainën, dhe akuzon NATO-n se po planifikon ta pranojë vendin si anëtar të aleancës, si dhe të dërgojë armatim të rëndë atje. — 9/9 Një pilot në kabinën e një helikopteri të tipit Ka-52, në kuadër të një fluturimi testues, më 19 janar.

Sekretari amerikan i shtetit, Antony Blinken, ka shkuar në Berlin, më 20 janar, për bisedime me aleatët evropianë, teksa frika është rritur se Ukraina mund të pushtohet "papritmas". Moska ka mohuar se ka plane për ta sulmuar Ukrainën, dhe akuzon NATO-n se po planifikon ta pranojë vendin si anëtar të aleancës, si dhe të dërgojë armatim të rëndë atje.

Zyrtarët amerikanë kanë dhënë disa sinjale se cilat masa ndëshkuese ndaj Moskës janë duke u shqyrtuar: për shembull, largimi i Rusisë nga sistemi i transfereve bankare globale SWIFT, apo vendosja e një ndalimi të zgjeruar për eksportet e teknologjisë së lartë në Rusi. Shtëpia e Bardhë gjithashtu raportohet se ka diskutuar për rritjen e dislokimeve të trupave amerikane tek aleatët e NATO-s që janë afër kufirit rus.

SHIKONI EDHE:

‘Opsioni bërthamor’: Çka do të ndodhë nëse Rusia largohet nga SWIFT-i?

Blinken nuk pranoi që të japë detaje se çfarë nënkuptonte me “pasojat masive”. Po ashtu ai nuk dha detaje lidhur me përgjigjet e shkruara të SHBA-së dhe tha se: “ne kemi dëgjuar shqetësimet që ata kanë ngritur. Ne kemi ndarë edhe shqetësimet tona të thella dhe të partnerëve tanë në mbarë Evropën”.

Midis ankesave në Kiev se nëse retorika e SHBA-së po ndikonte në ekonominë e Ukrainës – monedha kombëtare ukrainase, hryvnia ka rënë për 7 për qind që prej dhjetorit dhe jatë kësaj jave ra edhe më shumë. Departamenti amerikan i Shtetit njoftoi se do të evakuoi disa prej familjarëve të diplomatëve në Ambasadën amerikane në Kiev, ndërkaq u bëri thirrje qytetarëve amerikanë që të bëjnë plane për t’u larguar nga vendi.

Vendimi për evakuim duket se i ka zënë në befasi zyrtarët ukrainas. Ministria e Jashtme ukrainase tha se vendimi për evakuim ishte “i parakohshëm”.

Në një takim virtual të organizuar nga Ambasada amerikane më 25 janar, qindra qytetarë amerikanë morën pjesë. Disa prej tyre kritikuan ambasadën, për siç thanë, mungesën e informacionit dhe mbështetjes në dritën e kërcënimit rus.

SHIKONI EDHE:

SHBA-ja u bën thirrje amerikanëve që të largohen nga Ukraina

Por, në intervistën për REL-in, Blinken e mbrojti urdhrin për evakuim.

“Shumica e njerëzve që ne kemi kërkuar që të kthehen në shtëpi ishin familjarë, fëmijë”, tha ai. “Unë e mora këtë vendim si një hap të kujdesshëm, vetëm për t’u siguruar se nëse ndodh konflikt, dhe mund të ndodhë në një periudhë të shkurtër kohore, me pak paralajmërim, njerëzit të jenë larguar dhe të jenë të mbrojtur”, tha Blinken.

Ndërlidhjet

Na ndiqni

Blinken për REL: Rusia përballet me pasoja masive nëse vazhdon agresionin ndaj Ukrainës

SHBA-ja ofron rrugë diplomatike për zgjidhjen e krizës në Ukrainë

Stërvitje, diplomaci, mbrojtje: Fotografitë e fundit nga kriza në Ukrainë

Moska nuk sheh optimizëm në përgjigjen e SHBA-së

Perëndimi paralajmëron pushtim rus, Ukraina bën thirrje "për qetësi"

Grumbullim ushtarak: Zbulohen autoblindat ruse afër Ukrainës

‘Opsioni bërthamor’: Çka do të ndodhë nëse Rusia largohet nga SWIFT-i?

SHBA-ja u bën thirrje amerikanëve që të largohen nga Ukraina

Përgatiti: Mimoza Sadiku