Presidenti Thaçi uron presidentin Trump
Presidenti i Kosovës, Hashim Thaçi, përmes rrjetit social Twitter, ka uruar presidentin e 45-të të SHBA-ve, Donald Trump, duke thënë se bashkëpunimi mes dy vendeve do të vazhdojë fuqishëm.
Presidenti Trump: Nga sot, vetëm Amerika- Amerika së pari
“Nga kjo ditë e tutje, do të jetë vetëm Amerika, Amerika së pari”, ka thënë presidenti amerikan Donald Trump në fjalimin e tij të parë gjatë ceremonisë inauguruese.
“Amerika do të filloj të fitoj përsëri, do të fitoj si asnjëherë më parë”, ka thënë ai.
“Ne do të hapim vende pune, do t’i kthejmë kufijtë tanë dhe do ta rikthejmë të mirat dhe realizojmë ëndrrat tona”, është shprehur Trump.
Duke u zotuar se ditë të mira po vijnë për Amerikën dhe amerikanët, Trump tha se “kur i hap zemrën patriotizmit, aty nuk ka vend për paragjykime”.
Trump betohet si president
Presidenti Donald Trump ka dhënë betimin në Kushtetutën amerikane se do t'i shërbej popullit amerikan dhe se do të mbroj Kushtetutën, sovranitetin dhe integritetin e Shteteve të Bashkuara të Amerikës.
Betimin e ka dhënë edhe zëvendëspresidenti amerikan, Mike Pence.
