Është prezantuar si “marshi i madh i paqes”, për ta përmbyllur koncertin e Vitit të Ri në Kombet e Bashkuara, që u mbajt këtë javë.
Kori serb “Viva Vox” para kësaj kënge kishte interpretuar melodi të përziera serbe, si dhe hitet perëndimore si “Mamma Mia” dhe “Bohemian Rhapsody.”
Por, kënga e fundit e korit, provokoi zemërim në mesin e grupeve boshnjake, që e dinin se kënga ishte një himn serb, që lidhet me masakrat e vitit 1990.
“Marshi për në Lumin Drina”, është një himn nga Lufta e Parë Botërore, kur serbët po luftonin kundër trupave austro-hungareze. Drina kalon në shumicën e kufirit mes Bosnjës dhe Serbisë.
Ishte, gjithashtu, kjo këngë, që u këndua nga ultra-nacionalistët serbë gjatë luftërave që shoqëruan shpërbërjen e Jugosllavisë.
Të martën (më 15 janar), Kongresi i Boshnjakëve të Amerikës Veriore postoi një letër të hapur në ueb-faqen e vet për sekretarin e Përgjithshëm të OKB-së, Ban Ki-moon. Në të përfshiheshin nënshkrimet e liderëve të Institutit për Hulumtimin e Gjenocidit, të Këshillit Konsultativ për Bosnje dhe Hercegovinën dhe të Institutit Boshnjako-Amerikan për Gjenocid dhe Qendrës Edukative.
Në letër thuhet: “Koncerti ishte një ofendim skandaloz i viktimave të gjenocidit në Bosnje e Hercegovinë, sepse orkestra interpretoi këngën famëkeqe dhe nacionaliste serbe ‘Marshi në lumin Drina’. Gjenocidi që ka ndodhur në Srebrenicë dhe në Zepa, si dhe në pjesë të tjera të Bosnje e Hercegovinës, është kryer nga agresorët serbë, të cilët këndonin këtë këngë, derisa kryenin dhunimet, vrasjet dhe bënin spastrimin etnik të popullatës joserbe”.
Zemërimi mbi këngën që nuk ishte në listën e programit zyrtar, nxiti zëdhënësin e Ban Ki moonit, që të shprehë keqardhjen.
Martin Nesirky tha të enjten se Ban, që u shfaq duke duartrokitur derisa këndohej marshi, nuk e ka kuptuar konotacionin e këngës.
“Ne, sinqerisht, shprehim keqardhje që njerëzit u ofenduan nga kjo këngë, e cila nuk gjendej në programin zyrtar. Sekretari i Përgjithshëm nuk ka qenë në dijeni se për çka bënte fjalë kënga apo se kur ishte kënduar në të kaluarën”, u shpreh Nesirky.
Por, ish-ministri i Jashtëm serb, Vuk Jeremiq, që e organizoi koncertin, e ka mbrojtur performansën.
Jeremiq, që aktualisht është president i Asamblesë së Përgjithshme, i ka quajtur kundërthëniet si “përpjekje të larta për të shtrembëruar kuptimin e dhuratës muzikore që i ofruam botës në këtë javë dhe si shumë ofenduese për popullin serb”.
Në një deklaratë, zyra e tij shtoi se “marshi në Drinë është një këngë që zë vend qendror në kujtesën tonë në mbrojtjen e lirisë sonë ndaj agresorëve në Luftën e Parë Botërore, në të cilën Serbia ka humbur një të tretën e popullatës së saj mashkullore në shumë beteja, duke luftuar krahas aleatëve”.
Në deklaratë thuhet se “ne jemi shumë krenarë për të, dhe dëshirojmë që ta ndajmë me botën mesazhin për ripajtim për gjeneratat e tashme dhe të ardhshme”.(a.i.)
Kori serb “Viva Vox” para kësaj kënge kishte interpretuar melodi të përziera serbe, si dhe hitet perëndimore si “Mamma Mia” dhe “Bohemian Rhapsody.”
Por, kënga e fundit e korit, provokoi zemërim në mesin e grupeve boshnjake, që e dinin se kënga ishte një himn serb, që lidhet me masakrat e vitit 1990.
“Marshi për në Lumin Drina”, është një himn nga Lufta e Parë Botërore, kur serbët po luftonin kundër trupave austro-hungareze. Drina kalon në shumicën e kufirit mes Bosnjës dhe Serbisë.
Ishte, gjithashtu, kjo këngë, që u këndua nga ultra-nacionalistët serbë gjatë luftërave që shoqëruan shpërbërjen e Jugosllavisë.
Të martën (më 15 janar), Kongresi i Boshnjakëve të Amerikës Veriore postoi një letër të hapur në ueb-faqen e vet për sekretarin e Përgjithshëm të OKB-së, Ban Ki-moon. Në të përfshiheshin nënshkrimet e liderëve të Institutit për Hulumtimin e Gjenocidit, të Këshillit Konsultativ për Bosnje dhe Hercegovinën dhe të Institutit Boshnjako-Amerikan për Gjenocid dhe Qendrës Edukative.
Në letër thuhet: “Koncerti ishte një ofendim skandaloz i viktimave të gjenocidit në Bosnje e Hercegovinë, sepse orkestra interpretoi këngën famëkeqe dhe nacionaliste serbe ‘Marshi në lumin Drina’. Gjenocidi që ka ndodhur në Srebrenicë dhe në Zepa, si dhe në pjesë të tjera të Bosnje e Hercegovinës, është kryer nga agresorët serbë, të cilët këndonin këtë këngë, derisa kryenin dhunimet, vrasjet dhe bënin spastrimin etnik të popullatës joserbe”.
Zemërimi mbi këngën që nuk ishte në listën e programit zyrtar, nxiti zëdhënësin e Ban Ki moonit, që të shprehë keqardhjen.
Martin Nesirky tha të enjten se Ban, që u shfaq duke duartrokitur derisa këndohej marshi, nuk e ka kuptuar konotacionin e këngës.
“Ne, sinqerisht, shprehim keqardhje që njerëzit u ofenduan nga kjo këngë, e cila nuk gjendej në programin zyrtar. Sekretari i Përgjithshëm nuk ka qenë në dijeni se për çka bënte fjalë kënga apo se kur ishte kënduar në të kaluarën”, u shpreh Nesirky.
Por, ish-ministri i Jashtëm serb, Vuk Jeremiq, që e organizoi koncertin, e ka mbrojtur performansën.
Jeremiq, që aktualisht është president i Asamblesë së Përgjithshme, i ka quajtur kundërthëniet si “përpjekje të larta për të shtrembëruar kuptimin e dhuratës muzikore që i ofruam botës në këtë javë dhe si shumë ofenduese për popullin serb”.
Në një deklaratë, zyra e tij shtoi se “marshi në Drinë është një këngë që zë vend qendror në kujtesën tonë në mbrojtjen e lirisë sonë ndaj agresorëve në Luftën e Parë Botërore, në të cilën Serbia ka humbur një të tretën e popullatës së saj mashkullore në shumë beteja, duke luftuar krahas aleatëve”.
Në deklaratë thuhet se “ne jemi shumë krenarë për të, dhe dëshirojmë që ta ndajmë me botën mesazhin për ripajtim për gjeneratat e tashme dhe të ardhshme”.(a.i.)
