Рубрики

Новость часа

МахIмудова ПатIимат

Автор МахIмудова ПатIимат

Октябрь 05, 2015
Дербенталъул мэрасул тахида сверун бахIсал рагъарана

Дагомыс шагьаралда унеб бугеб «Вся Россия» абураб журналистазул форумалда Дагъистаналъул бетIер Рамазан ГIабдулатIиповас лъазабуна, гьал гIагарал къоязда, Дербенталъул мэрлъун Малик Баглиев тезе вугилан.
Октябрь 03, 2015
Гьоориб ХIажи МухIамадовасул цIаралда фольклорияб фестиваль тIобитIана

АрбагI къоялъ Шамиль мухъалъул Гьоориб тIоцебе тIобитIана гьеб росулъа цIар арав кьурдухъан ва хореограф ХIажи МухIамадовасул цIаралда бугеб фольклорияб фестиваль.
Октябрь 02, 2015
Даниял ШихсагIидов рокъов туснахъ гьавун тун вуго

Хамиз къоялъ Ессентукиялъул диваналъ кIиго моцIица рокъов туснахъ гьавун тана, бюджеталъул 14,6 миллион бикъиялда щаклъи букIун ккун вукIарав Буйнакск мухъалъул бетIер Даниял ШихсагIидов.
Октябрь 01, 2015
ГьоцIалъ ГЭС хIалтIизе биччан буго

Хамиз къоялдаса нахъе Дагъистаналда цойги хIалтIулеб ГЭС букIине буго. 1 октябралда ГьоцIалъ ГЭС официалияб къагIидаялъ хIалтIизе лъугьанин лъазабулеб буго «РусГидро» компаниялъул Дагъистаналда бугеб бутIаялъ. Гьеб идараялъ кьураб баяналда абулеб буго рекъон халкъазда гьоркьосел стандартазда рекъон хIалтIун бажарулеб хIалалда буго гьеб станция.
Сентябрь 30, 2015
Евродиваналъ цойги дагъистаниясул рахъ ккуна

Щибаб санайил Евродиваналде Россиялде данде 8 азаргоялдаса цIикIкIун гIарза бачIунеб буго. Гьал къоязда инсанасул ихтиярал цIунулеб Европаялъул диваналъ Дагъистаналдаса ГIабдурахIман ГIабдурахIмановасул хъизаналъе Россиялъ 60 азарго евро кьезе хIукму къотIана.
Сентябрь 29, 2015
Дагъистаналда 5 мухъалда лъазабун буго терроризмалде данде чIараб низам

Дагъистаналъул жанубияб рахъалда ругел Сулейман-Стал, Табасаран, МухIарамкент, Хив ва Курах мухъазда итни къоялъул сардилъалдаса нахъе хасаб терроризмалде дандечIараб низам лъазабун буго.
Сентябрь 28, 2015
Буйнакскалъул депутатазул мажлисалъул бетIер вищана

Итни къоялъ иргадулаб гуреб данделъи тIобитIана Буйнакскалъул цIибищараб депутатазул мажлисалъ. Гьаб нухалда гьеб тадбиралъул аслияб суал букIана мажлисалъул бетIер вищи. Гьевлъун вищана 47 сон барав ветераназул партиялъул вакил Заур Шахвердиев. Жив цеве киданиги тIадегIанал хъулухъазда хIалтIарав чи гурин, гьединго сиясаталда гьоркьовги гьанжелъагIан киданиги вукIинчIин, 15 соналъ хIалтIиги гьечIого рокъов гIодов чIун вукIанин бицана Шахвердиевас «Эркенлъи» радиоялъе. Гьединго гьев ккола афгъанисталда букIараб рагъул ветеранги.
Сентябрь 19, 2015
ДГПУ-ялъул ректорасда тIад такъсиргьабиялъул иш рагьун буго

Республикаялъул прокуратураялъ лъазабулеб буго, студентазе кьезе кколеб букIараб гIарац бикъиялда, щаклъи букIун Дагъистаналъул педагогикияб университеталъул ректор МухIамад ГIабдулаевасда тIад такъсирагьабиялъул иш рагьун бугилан. Гьес студентазул гIарцул 20 миллион, гьереси документалги гьарун, гьоркьоб инабун бугин лъазабулеб буго хасал идарабаз.
Сентябрь 17, 2015
Лъималазул ахалъул хIалтIухъаби диваналда цере чIезаризе бегьула

Гьал къоязда Каспийскалъул 29 лъималазул ахил кIиабилеб тIалаялдасан гордухъа гъоркье вортун вуго лъабго сон барав вас.
Сентябрь 15, 2015
Гъуниб мухъалда иргадулаб нухалда хасаб низам лъазабун буго

Талат къоялъул радакь анлъгоялдаса нахъе Гъуниб мухъалда терроризмалде дандечIараб низам лъазабун буго хасал идарабаз. Гьез лъазабулеб буго Сугъралъ ва Бухтиб росабазул ракьазда изну гьечIого яргъидгIуцIарал рахчун ратизе бегьулин абурал баянал щун ругин жидехъе, гьелъул цIех-рех гьабизе ва экстремистал ралагьиялъе хасал тадбирал тIоритIизе чIезабун бугин гьеб низамилан.
Сентябрь 14, 2015
«Хвараз гьаркьал кьуниги» Буйнакскалда «Единая Россия» къуна

ГьатIан къояъ Дагъистаналда рукIарал муниципалиял рищиял, церехун саназде данде ккун мисалияб хIалалъ анин, цо чанго гурони гIадлу хвезабиялъул хIужаги букIинчIин, гIадамалги цIакъ жигарго рачIунел рукIанила гьаркьал кьезейилан абурал баянал кьолел руго республикаялъул рищиязул идараялъ.
Сентябрь 12, 2015
«Бакъулал» лъималазул байрам

12 сентябралда МахIачхъалаялда Даунил синдром бугел лъималазул рахъккун, гьезул хIурматалда тIоритIана рекериялъул къецал. Гьеб тадбир гIуцIарал «Жизнь без слез» абураб сакъатал гIадамазе кумек гьабулеб идараялъул вакилзабазул рагIабазда рекъон, гьеб тадбиралъул аслияб мурад буго унтарал лъималаздеги гьезул проблемабаздеги кIвар буссинаби.
Сентябрь 10, 2015
Р. ГIабдулатIипов: «Исана рищиял чIорого тIоритIизе руго»

Хамиз къоялъ Дагъистаналъул нухмалъулев Рамазан ГIабдулатIиповас иргадулаб чIагояб эфир тIобитIана Дербенталда Нарын-Хъалаялдасан.
Сентябрь 09, 2015
Полициялъулазги ришват босулеб бугони, коррупциялде данде щалха чIезе кколел?

Ришват тIалаб гьабиялда хурхун, гьал къоязда, тIад диван гьабизе буго ЦIунтIа мухъалда хIалтIулев цIех-рехчиясда. Дагъистаналъул цIех-рехалъул идараялъ лъазабухъе низам цIунулес, такъсирчиясухъа ришват тIалаб гьабулеб букIун буго гьес гьабураб такъсир бигьаялде сверизабуралъухъ. Къуваталъул идарабазул баяналда рекъон исана соналда жаниб ришват тIалаб гьабиялъухъ хIалтIудаса нахъе рехун вуго 10 гIан полициялъул хIалтIухъан, гъоркьисала гьезул къадар 15 чиясде бахун букIун буго.
Сентябрь 08, 2015
Буйнакскалъул бетIерлъун лъабабилеб нухалдаги ХIусен ХIамзатов вищана

8 сентябралда Буйнакскалъул бетIерлъун лъабабилеб нухалдаги вищун вуго ХIамзатов ХIусен. Шагьаралъул мажлисалъул депутатазул 97 % кьун руго гьесие гьаркьал. ХIамзатовасде данде рукIарал кандидатазул цоясе цо, цойгидасе кIиго гьаракь щун буго. Гьел рищияздасаги, гьел тIоритIулел ругел куцалдасаги разигьечIел Буйнакскалдаса гIадамал кIиго къоялъ тIатIал гIарзалъ Россиялъул президентасул администрациялде щун руго.
Сентябрь 07, 2015
Буйнакскалъулал: "МахIачхъалаялда ниж рихьулелцин гьечIо, Москваялда - руго..."

7 сентябралда Буйнакскалдаса 45 гIан чи гIарзалъ щун вуго Москваялде Россиялъул тIалъиялъухъе гIарзалъ. Гьез тIалаб гьабулеб буго 8 сентябралда тIоритIизе ругел шагьаралъул мэрасул рищиял гьаризе риччагейин, гьеб къануналде данде кколареб иш бугин чIезабейилан.
Сентябрь 05, 2015
Дербенталъ 2000 сон тIубаялде хIадурлъи хашго унеб буго

Исана 19 сентябралда кIодо гьабизе буго Дербенталъул 2000 сон тIубай. Гьеб къо гIагарлъанагIан Дербенталде хьвадулел хIакимзабазул къокъабиги гIемерлъулел ругин абизе бегьула. Къо гьоркьоб бахъун гIадин гьенире щолел руго республикаялъул тIалъиялъул вакилзабиги, Дагъистаналъул бетIерасги Дербенталъул байрамалде хIадурлъи кин ине бугебали щибаб къойил лъазабейин жиндидайилан абун лъазабун буго.
Сентябрь 04, 2015
Буйнакскалъул цо-цо гIадамал шагьаралъул бетIерасде данде рахъана

Рузман къоялъ Буйнакскалдаса 40 гIан чи вачIун вукIана республикаялъул прокуратураялде гьезул шагьаралъул нухмалъулев вищиялда хурхун гьарун ругел хиса-басияздаса разигьечIолъи загьир гьабизе. ГIадамаз бицухъе, Буйнакскалъул нухмалъи ва шагьаралъул депутатазул данделъиги цадахъ рекъон шагьаралъул мэр 8 абилеб сентябрялда вищизе вугин абураб хIукму гьабун буго.
Сентябрь 02, 2015
Дагогниялъул администрациялдаса хасал идарабаз документал рахъун руго

Талат къоялъул радал анцIила цо тIубаралдаса бакъанища щуго тIубазегIан Дагестанские огни шагьаралъул администрация сверун ккун букIанин хасал идарабазул хIалтIухъабаз, гьезго шагьаралъул бетIерасул хIалтIулеб рокъоса документал рахъун анин абурал баянал тIиритIизаруна цо-цо республикаялъул информалатаз.
Сентябрь 01, 2015
Дербенталъул некIсиял бакIазда бакьулъ цIиял ресторанал

Дербенталъул Гагаринилги Лъабабилеб Интернационалалъулги къватIазул бокIнилъ бугеб 28 хъизаналъ гIумру гьабулеб букIараб мина биххун инеб бугеб басрияб бакI бугин абураб хIукму къотIун буго Дербенталъул администрациялъ.

Загрузить еще

XS

SM

MD

LG