Рубрики

Новость часа

МахIмудова ПатIимат

Автор МахIмудова ПатIимат

Август 31, 2015
«25 соналда жаниб Шималияб Кавказалда 8000-гIан чи викъун вуго»

ТIолго дунялалда 30 абилеб август рикIкIуна зулму-хIалалдалъун тIагIинарурал ракIалде щвезабиялъул къолъун. 2010 соналда Цолъарал Миллатазул ГIуцIиялъ рахIатхвей лъазабуна гIадамал рикъиялда хурхун дунялалда бугеб захIматаб ахIвал-хIалалдаса.
Август 29, 2015
Сайгид МуртазгIалиевасде гIайиб гIунтIизабун буго

Гьал къоязда Россиялъул цIех-рехалъул идарабаз чанго чIахIи-чIахIиял такъсирал гьариялъул гIайиб гIунтIизабун буго Дагъистаналъул пенсиязул фондалъул бетIер Сайгид МуртазгIалиевасде. Дагьав цевегIан гьев халкъазда-гьоркьосеб цIех-рехалдеги лъазавун вукIана.
Август 28, 2015
МВДялъ дактилоскопиялде ахIулел руго дагъистаниял

Дагъистаналъул жанисел ишазул министерлъиялъ лъазабулеб буго дагъистаниязул килщазул расеназул база гIуцIизе бугилан. Жидеего бокьун рачIун кьезе кколила гIадамаз гьел баянал, гьеб база гьезие кумекалъе гIуцIулеб бугила, лъай-гIакълуялдаса ун, риларал чагIи щалали чIезабизе, терракталда лъукъарал, чIварал лъазаризе рукIине гьабулеб иш бугин гьебилан абулеб буго низам цIунулез. Гьел баянал ракIари инсанасул ихтиярал хвезаби бугин, нилъер къуваталъул идарабаз гьеб баянал гIадамазе квешлъиялъеги хIалтIизабизе бегьулин абулеб буго цо-цо адвокатазги жамагIатчагIазги.
Август 27, 2015
«БагIарал» адвокатазул "чIегIерал" ишал гIадамазда рихьулел руго

Гъоркь анкьида жаниб цIияб Хушет росулъа ккуразул 15 чиясул 8 туснахъ гьавун вугин лъазабулеб буго гьеб росулъа гIадамаз. Гьел киналго ккун рукIун руго рокъоб наркотикал ва ярагъ батиялъ. Гьезие диван гьабулелъулцин адвокатал риччачIила гьезухъе, гIагарал риччалел гьечIила гьелгун данчIвазейилан абун разигьечIолъи буго хушеталъулазул. Низам цIунулез жидее хIалтIизе квалквалал гьарулел ругин абун иргадулаб нухалда прокуратураялде гIарзал хъван руго гьел ккуразул адвокатаз.
Август 26, 2015
Инсанасул ихтиярал цIуниялъул проблема гьоркьоб лъуна ЖамгIияб палатаялда

Гьал къоязда Дагъистаналъул жамгIияб палатаялда букIараб, туснахъазда хадуб халкколеб жамгIияб комиссилъул, данделъиялъул гIахьалчагIаз лъазабуна республикаялда гражданияб жамгIият цебетIезабиялъе ва инсанасул ихтиярал цIуниялъе бищун кIудияб квалквал къуваталъул идарабаз гьабулеб бугилан. Гьезул гIорхъолъа арал ишаз гьездехун халкъалъул хIинкъиги, рокьукълъиги гурони бижизабулеб гьечIила, гьезул хIалтIуца кьолел лъикIал хIасилалги рихьулел гьечIилан.
Август 25, 2015
Буйнакскалъул нухмалъи хиси тIалаб гьабулеб буго гIадамаз

25 августалда Буйнакскалда «Россиялъул ветераназул партиялъ» шагьаралда бугеб коррупциялде ва тухумчилъиялде данде 500 гIан чи гIахьаллъараб, митинг тIобитIана. Гьеб акция гIуцIараз лъазабулеб буго Буйнакскалъул нухмалъиялъ шагьаралъе зарал ругеб жо гьабулеб гьечIила, ахираб анцIго соналда жаниб шагьар къачIаялъе яги гIадамазе санагIалъиялъе щибниги хIалтIи гьабичIилан. Митингалъул гIахьалчагIазги лъазабуна жидее цIияв, халкъалъе пайдаялъе хIалтIулев мэр хIажат вугилан.
Август 24, 2015
ЧIван вуго МахIачхъалаялъул экстремистазул бетIер

24 августалда ЦIияб Хушет росулъ полициялъулгун букIараб кьагьа-гIанхъиялъул хIасилалда чIван вуго МахIачхъалаялъул изну гьечIого яргъидгIуцIаразул къокъаялъул бетIер Къурбанов ГIабдулги гьебго къокъаялде гъорлъе унел цойги кIигоялги. Дагьал церегIан къояз гьеб росулъ полициялъул хIалтIухъаби чIванхадуб низам цIунулез гIадамазул рокъо-рокъоре рачIун, чIухьал ран 15 гIан чи ккун вукIана, гьел экстремистал чIван хадуб росулъ терроризмалде данде чIараб низамги лъазабун дагьалги гIадамал кколел ругин абун разигьечIого руго хушеталъулал.
Август 22, 2015
Зулмуялъ бижараб зулму

МахIачхъалаялда аскIоб бугеб ЦIияб Хушет росулъ цо анкьида жаниб кIиго нухалда тIадекIанцIи гьабун буго полициязде. Гьаб нухалда полицияв лъукъун ва гьесул 15 сон барав васги гIагарв чиги чIван руго. Лъукъарасул цIар загьи гьабулеб гьечIо. 17 августалда цебесеб чIвай ккараб мехалда жидер росулъа полициялъ ккун ун вукIарав 14 чиясде тIаде гьанжеги щибго гIиллаго гьечIого гIадамал рачун унел ругин лъазабулеб буго росдал гIадамаз.
Август 21, 2015
СагIид Афанди чIваразе ТIадегIанаб диваналъги тамихI тамахлъизабичIо

Россиялъул тIадегIанаб дивааналъ хисизабичIого тана, Дагъистаналъул диваналъ, СагIид Афанди чIвазе хIадурлъи гьабуразе, къотIун букIараб хIукму. Гьеб такъсир гьабуразе цIакъго кьварараб тамихI гьабунилан абун разигьечIого руго гьезул адвокатал. Гьез лъазабулеб буго жидеца гьеб улкаялъул тIадегIанаб диваналъул хIукмуялда тIасан гIарзаги хъвазе бугила, гIагараб заманалда Европаялъул инсанасул ихтиярал цIунулеб диваналдеги гIарза битIизе бугилан.
Август 20, 2015
Полициялъул «хIисаб кьеялъул» хIалтIабаз балагь рещтIинабурал гIадамал

Хамиз къоялъ «Черновик» газеталда тIобитIана Хушеталдаса полициялъулаз ккун рачун аразул гIагарлъиялъ тIобитIараб пресс-конференция. Гьениб бицана дагьал церегIан къояз Хушеталъул участковый полициялъулав чIван хадуб байбихьанила росулъ низам цIунулез гIорхъолъаарал ишал гьаризе: ярагъги наркотикалги реххун руго гIадамазе, гьел тадбирал тIоритIизе кинаб букIаниги документалги рихьизаричIого гIажизалги, руччабиги, херал чагIиги ккун жанир тIамун руго къуваталъул идарабазул вакилзабаз. Гьезул гIагараз тIалаб гьабулеб буго гьел гIадамал риччайилан ва жидер ихтиярал хвезарзие тогейилан.
Август 19, 2015
Ленинкент: Ракьал кьуни щиб кьелеб?

Пачалихъалъ гIадамазе кьун рукIарал МахIачхъалаялдаги Ленинкенталдаги гьоркьор ругел ракьазда бакьулъан Газпромалъ газалъул рогIрал лъолел руго. Жидеда гьел лъезе бегьилищилан цIехечIила лъицаниги, гьенисан газ бачани жидеца ракьалдасан пайда босун бажаруларила, хIинкъи цIикIкIараб бакI лъугьунила гьебилан абун ахIи балел руго гьеб ракьул бетIергьаби. Гьенир гьарулел хIалтIаби гьоркьор къотIизе тейилан яги жидее батIияб бакIалда ракь кьейилан чIун буго халкъ.
Август 18, 2015
Щай министрас Казакил программа эфиралде кьезе гьукъараб?

Дагъистаналда кколел официалиял гурони тадбиразул бакIалъул телевидениялъ бицунарин абула гьениб гIумру гьабулез. Ахираб заманаялда республикаялда рукIарал кIудиял хъулухъчагIи жанир тIамиялъулцин бицун гьечIо телевидениялъ. Цо-цо баяназда рекъон, гьеб темаялда тIасан хIадурараб программа эфиралде биччазе гьукъун буго тIасан ахIунги бачIун.
Август 17, 2015
А. Изилов: «ТIалъиялъе дица гIарац кьезе къваригIун букIун батизеги бегьула»

Жиндица шагьаралъул нухмалъулесул бакIалъухъ гIарац кьезе къваригIун букIун батулин Дагъистаналъул тIалъиялъе, гьеб кьечIеб мехалда жив хъулухъалдасаги вахъанин бицана «Эркенлъи» радиоялъе ДагъОгни шагьаралъул администациялъул бетIерасул ишал тIуралев вукIарав Изилов АхIмадица. Гьев гьеб хъулухъалда тунги чанго моцI гурони букIун гьечIо. Республикаялъул бетIерасул пресс-хъулухъалъ гьеб ишалда хурхун кинаб букIаниги баян кьечIо.
Август 15, 2015
«Байрам тIобитIилалде гIадамазул масъалаби тIуразе ккола Дербенталда»

МоцIидасан Дербенталъ 2000 сон тIубаялда хурхун байрамалъулал тадбирал тIоритIизе руго. Гьеб къоялде шагьар хIадуризе к1иго миллиардгIан гъурущ биччан бугин лъазабулеб букIана республикаялъул тIалъиялъ. Амма гьебщинаб гIарац тIадхвезабураб гIадаб ахIвал-хIал Дербенталда гьечIин, гьенир гьарулел ругел къачIа-кIатIаялъул хIалтIабиги тIаса-масаго гьарулел ругин, шагьаралъул аслиял проблемаби жеги тIуран гьечIин лъазабулеб буго жалго Дербенталъулаз.
Август 14, 2015
С.МуртазгIалиев халкъаздагьоркьосеб цIех-рехалде лъазавун вуго

Дагъистаналъул Пенсиязул фондалъул нухмалъулев Сайгид МуртазгIалиев террористазе квербакъиялъухъ, чанго чи чIвазе къасд гьабиялъухъ ва пачалихъалъул гIарац бикъиялъухъ халкъазда гьоркьосеб цIех-рехалде лъазавун вугин абурал баянал щвана «Эркенлъи» радиоялъухъе. Гьел баяназдаса хадуб МуртазгIалиевасул сверухълъиялдаса гIадамаз лъазабулеб буго гьесул рахъккун тIоритIизехъин рукIарал акциялги тIубан нахърахъун ругин жидецайилан. Гьел тIоритIичIого теялъе гIиллаги бицунеб гьечIо гьез.
Август 12, 2015
М.ХанмухIамадов: «Имам Яралиев хадуб вертолет бачIиналде тIурун ине вуго»

Дербенталъул мэр Имам Яралиев хъулухъалдаса нахъе иналъе гIиллалъун кканила Дагъистаналъул бетIер Рамазан ГIабдулатIиповасе Яралиев дандеккунгутIийилан абулеб буго экспертаз. Талат къоялъ жиндиего бокьун хIалтIудаса нахъе ине гIарза хъвана Дербенталъул вукIарав бетIерас.
Август 10, 2015
Андрей Виноградовасде гIайиб гIунтIизабун буго

Чанго вахIшияб такъсиргьабиялда щаклъи букIун, хасал идарабаз ккурав, Гъизляр мухъалъул бетIер Андрей Виноградовасде гIайиб гIунтIизабун буго,7 августалда, Россиялъул цIех-рехалъул комитеталъ. Гьединал баянал кьолел руго «Коммерсант» газеталъ.
Август 07, 2015
ГIавухъ мухъ гIуцIизе къваригун рагIула жеги 8 млрд.гъурущ

Дагъистаналда цIидасан гIуцIулеб бугеб ГIавухъ мухъалде кинавниги 3500 гIан хъизан бахъинабизе бугин лъазабулеб буго Шималияб Кавкалъул ишазул ишазул министерлъиялъ. Амма гьеб гочинаиялъул программа рагIалде бахъинабизе гьаб сагIат гIураб гIарац гьечIила, гьеб иш роцIцIинабизе жеги 8 млрд гъурущ къваригIун бугин абулеб буго Дагъистаналъул тIалъиялъ. Пачалихъияб программа тIубазабулебинги абун жидер тIалаб гьабулев чи гьечIин абун рахIат хун руго цIидгIуцIулеб бугеб ГIавухъ мухъалдаса гочинаризе кколел тумал.
Август 05, 2015
Хун хадубги балагьулеб ритIухълъи

Гьал къоязда диваналъ цIидасан халгьаби байбихьана, сурав босулаго полициялъул бутIаялдда хварав, Мух1арамкенталдаса Насир Жавадовасул ишалъул. Рокъоб изну гьечIого цIунараб ярагъ батиялда хурхун рагьун букIана гьесда тIад иш. Къуваталъул идарабаз жидеца кинабго къануналда рекъон гьабунилан лъазабуниги, хварасул гIагарлъиялъ абулеб буго низам цIунулез жидецаго рехханин гьеб ярагъ гьесул рокъобейин ва Жавадов хун вукIаниги, гьесда гIайиб букIинчIолъи чIезабизе къваригIун бугин жидеейилан.
Август 04, 2015
Мухъалъул бутIрузде иргадулал гьужумал

3 августалда Дагъистаналъул цIех-рехалъул идарабаз такъсиргьабиялъул иш рагьун буго Тарумовка мухъалъул бетIер Марина Абрамкиналда тIад. Хасал идарабазул щаклъи буго гьелъ цойги бакIалъулал хIакимзабигун рекъон мухъалъулаб азарханаялъе кколеб букIараб ракь цIакъго учузаб багьаялде, жиндирго сверухълъиялъул чиясе бичун букIиналда. Гьединго гьал къоязда такъсиргьабиялъул иш рагьун буго Гъизилюрт мухъалъул администрациялъул бетIер Багьавудин Аджаматовасда тIадги. Гьес пачалихъалъул 49 рукъ, жиндидего буссинабун букIиналда щаклъи буго цIех-рехчагIазул.

Загрузить еще

XS

SM

MD

LG