Рубрики

Новость часа

МахIмудова ПатIимат

Автор МахIмудова ПатIимат

Ноябрь 03, 2015
Ипподромалъул бакIалда дармил централ…

Исана августалъул ахиралда харбал раккана МахIачхъалаялъул ипподромалъул бакIалда гIемертIалаялъул рукъзалги, тукабиги, хъещтIерабигун кинотеатрги базе бугилан. Гьелде дандечIун руго ипподромалъул хIалтIухъаби ва гIадатиял, чуял рокьулел гIадамал.
Ноябрь 03, 2015
Мисралда хварал ракIалде щвезаруна МахIачхъалаялда

Мисралдаса Санкт-Петербургалде бачIунаго бортараб аэропланалъул катастрофаялда хварав 224 чиясул, гьездаго гъорлъ Дагъистаналъул кьалбал ругел кIиго лъимералъул, рухIалдаса мемориалияб акция тIобитIана 3 ноябралда МахIачхъалаялдаги.
Ноябрь 02, 2015
Буйнакскалъул мэрасул тахида сверун хIаял хIалуцунел руго

Буйнакскалъул бетIерасул хъулухъалда сверун бахIсал жеги халат рахъунел руго. Гьеб бакIалде жидеца рахъкколев ГIусманов ГIусман гурони тIокIав батIияв чи виччаларин чIун руго шагьаралъул депутатазул мажлисалъул 80 процент кколел Россиялъул ветераназул партиялъул вакилзаби, нужеца щиб гьабуниги ГIусманов Буйнаскалъул бетIерлъуда толарин лъазабун буго гьезда Дагъистаналъул бетIер Рамазан ГIабдулатIиповасги.
Октябрь 30, 2015
Дербенталъул мэрлъун вищана Малик Баглиев

30 октябралда Дербенталъул мэрлъун вищана Дагъистаналъул захIматалъул ва социалияб цебетIеялъул министрлъун вукIарав Малик Баглиев. Гьев гурониги мэрлъиялде ине вукIана цойги щуго чиги. Гьезда гьоркьов вукIана журналист ва экономист Маир Пашаев ва цеве Дагъистаналъул гIолилазул ишазул министрлъун вукIарав, гьанже «ДагИпотека» абураб идараялъул бетIер Заур Кахримановги.
Октябрь 29, 2015
МахIачхъалаялъул мэрлъун Муса Мусаев вищана

Хамиз къоялъ МахIачхъалаялъул депутатазул мажлисалъул сессиялда депутатаз тахшагьаралъул мэрлъун вищана Муса Мусаев. Сессиялда гIахьаллъи гьабурав 39 депутатазул киназго гьаркьал Мусаевасе кьуна.
Октябрь 27, 2015
Советский мухъалъул полициялъул бетIер рокъов туснахъ гьавун вуго

Дагъистаналъул къуваталъул идарабазул вакилзабаз ккун вуго жиндирго хIалтIухъан вухиялъухъ тIад такъсигьабиялъул иш рагьун хадуб, цIех-рехчагIаздаса вахчун вукIарав, МахIачхъалаялъул Советский мухъалъул полициялъул бетIер Шакир ГIумаров. Диваналъ гьев моцIица рокъов туснахъ гьавун тезе хIукмуги къотIун буго.
Октябрь 26, 2015
ЦIиябгъаякент росдал имам ккун вуго хасал идарабаз

25 октябралда къуваталъул идарабазул хIалтIухъабаз ккурав ЦIиябгъаякент росдал имам ГIиса Гъойтемиров вугев бакI жеги лъалеб гьечIо гьесул гIагарлъиялда.
Октябрь 23, 2015
М. Пашаев: " Дербенталъул мэр вищиялъул суалалда ГIабдулатIиповасул тIадецуй буго"

30 октябралда тIоритIизе кколел Дербенталъул мэрасул рищиязда кандидатлъун вугев экономист ва журналист Маир Пашаевас Дагъистаналъул бетIер Рамазан ГIабдулатIиповасда тIасан прокуратураялде гIарза хъван буго. Гьеб хъвялъе гIиллалъун ккун буго, Пашаевасул пикруялда рекъон, ГIабдулатIиповас жиндирго хъулухъалдаса ва ресаздаса пайдаги босун Дербенталъул нухмалъуде Малик Баглиев тIамиялъе хIалтIаби гьарулел рукIин. Баглиев ккола Дагъистаналъул захIматалъул ва социалияб цебетIеялъул министр.
Октябрь 22, 2015
Мухъалъул полициялъул бетIер валагьулев вуго ФСБялъ

МахIачхъалаялъул Советский мухъалъул полициялъул бутIаялъул нухмалъулев Шакир ГIумаровасда тIад цIидахъан такъсиргьабиялъул иш рагьун буго. ЦIех-рехалъул идарабахъе хасал тадбирал тIоритIизе кодове щвезе чIун гьечIо гьев ГIумаров, гьединлъидал гьез цIех-рехалде лъазавун вуго гьев.
Октябрь 20, 2015
"Жидеразего" тамихI гьабизе биччаларо полициялъ

Гьал къоязда лъагIел сверула низам цIунулез хасаб операция тIобитIулебинги абун Табасаран мухъалъул Акка росулъ Мирзаханов Рамиз чIваралдаса. Гьев мухъалъулаб мажлисалъул депутат чIваразе жеги кинаб букIаниги тамихI гьабун гьечIин, гьабизеги ракIалда гьечIолъи бихьулеб бугила жидедайилан абун ццин бахъун руго гьесул гIагарал.
Октябрь 19, 2015
Буйнакскалъул гарацI

Гъоркь рузман къоялъ Буйнакскалда ветераназул партиялъул депутатазулгун дандчIваялде рачIараздаги низам цIунулездаги ккараб тунка-гIусиялъул гIахьалчагIи иргадал полициялъул бутIаялде ахIулел ругила, гьезде тIадецуй гьабулеб бугин лъазабулеб буго, гьеб цебехун рехсараб партиялъул вакилзабаз.
Октябрь 16, 2015
Буйнакскалда депутатазулгун дандчIвай рагъ-кьалалде буссана

Рузман къоялъ Буйнакскалда ветераназул партиялъул депутатазулгун данчдчIваялде рачIарал гIадамал низам цIунулез резнал тIилацаги рухун нахъе рачахъизе хIал бихьанила. Халкъалдаги полициялъулаздаги гьоркьоб ккараб гьеб тунка-гIусиялъул чанго гIахьалчи къуваталъул идарабаз ккун вачунги анилан лъазабулеб буго гьеб тадбиралде щвараз.
Октябрь 15, 2015
Дербент мухъалда терроризмалде дандечIараб хасаб низам лъазабун буго

Хамиз къоялъул радал анкьго тIубаралдаса нахъе Дербент мухъалда контртерроралъулаб низам лъазабун бугин абурал баянал тIиритIизаруна республикаялъул хасал хъулухъазул вакилзабаз. Дербент ва Табасаран мухъазул гIорхъода ва Дербенталъулги МухIарамкент мухъалъулги гIорхъодаги ругел рохьазда изну гьечIого яргъидгIуцIарал ралагьулел ругин лъазабулеб буго бакIалъул гIадамаз.
Октябрь 14, 2015
Адвокат: «Сабри Куро тIадвуссун Сириялде витIи гьев хвезе витIи ккола»

Сириялъул гражданин Сабри Куро бизнес-визаялда рекъон Россиялде вачIун вуго 2011 соналда. Гьелдаса нахъе МахIачхъалаялда аскIоб бугеб Параул росулъ рукъарулеб цехалда хIалтIилев вукIун вуго гьев.
Октябрь 12, 2015
ЦIидасан Нугъаялда митингал байбихьана

Нугъай мухъалъул гIадамаз кIиго къоялда жаниб лъабго нухалъ митинг тIобитIун буго гьеб мухъалъул Кумли росулъа Руслан Насыровасул рахъккун. 9 октябралда рокъоб ярагъ батаниланги абун ккун вукIун вуго гьев чи, амма бакIалъул гIадамазул ракIчIун буго гьеб ярагъ ургъунго гьесул рокъобе реххун букIиналда.
Октябрь 10, 2015
Лъие вугев рихарав халкъалъ рахъ кколев Руслан Насыров?

Нугъай мухъалъул гIадамаз кIиго къоялда жаниб лъабго нухалъ митинг тIобитIун буго гьеб мухъалъул Кумли росулъа Руслан Насыровасул рахъккун. 9 октябралда рокъоб ярагъ батаниланги абун ккун вукIун вуго гьев чи, амма бакIалъул гIадамазул ракIчIун буго гьеб ярагъ ургъунго гьесул рокъобе реххун букIиналда.
Октябрь 09, 2015
"Хасал" мажгитал ва хасал тIалабал

8 октябралъул сардилъ МахIачхъаялъул «Пальмира» мухъалъул мажгиталъул кIалтIа полициялъул хIалтIухъабазулги, мажгиталде хьвадулездаги гьоркьоб квешаб кIалъай ккун буго. Гьелъие гIиллалъун лъугьун буго низам цIунулел цIидасан гьеб мажгит къазе лъугьин.
Октябрь 08, 2015
«Хваразулгун рагъ» такрарлъун буго МахIачхъалаялда

Кинабниги 15 зани бегизабун буго, гьал къоязда, МахIачхъалаялъул насраниязул хабзалалъ. ГIадамазда гIурусазул хабзалин абун лъала гьеб шагьар бакьулъ бугеб бакI. Гьел заназул гIемерисел къачIан рахъун руго, амма къачIан бажарулареб хIалалда ругелги руго цо-цо. Гьел хабзалазда гьоркьор руго кIудияб ватIанияб рагъул гIахьалчагIазулги, ветераназулги хабзалги. 1942 соналда рагъда чIван вачIарав солдатасул заниги бегизабун буго гьел вандалаз.
Октябрь 07, 2015
Щай раккарал педофилазул "гьужумалъул" хIакъалъулъ харбал Дагъистаналда?

Дагъистаналъул хасал идарабазул баяназда рекъон гъоркьисала ва исана республикаялда педофилал рукIиналда щаклъи бугев 76 чиясда хурхун такъсиргьабиялъул иш рагьун буго. Гьезул 8 проценталда тIад гIайиб чIезабун буго, хутIаразда бан цIех-рех лъугIун гьечIин лъазабулеб буго республикаялъул цIех-рехалъул идараялъ.
Октябрь 06, 2015
«Дагъистаналда ритIухълъи батулеб гьечIо, Москваялде сапар бухьине ккезе буго..."

6 октябралда лъагIел сверула Нугъай мухъалъул жанисел ишазул идараялда полициялъул хIалтIухъанас 22 сон барав Эрадил Асанов чIваралдаса.

Загрузить еще

XS

SM

MD

LG