ЦIар рагIарав жамгIияв хIаракатчи Гъазихан Къурбановасул вас чи чIваялъул гIайибги гIунтIизабун туснахъ гьавун вуго.
Аминат ГIалиева: «Бадиб къалам къазабун гIараб кьураб гIечIого, карцералъувги тIамулев вуго дир вац».
Сириялъул гражданин Дагъистаналда жанив тIамун вугелдаса лъагIел сверулеб буго
Буйнахъскалда итни къоялда хIалтIуде вахъун вукIана цадахъго кIиго мэр. Цеве вукIаравги цIияв таравги.
АрбагI къоялъ Дербенталда ккараб кьвагьа-гIанхъиялъул хIасилалда цо чи чIван вуго, лъукъарал гьаб сагIат цIакъго квешаб хIалалда гьечIин лъазабулеб буго тохтурзабаз.
Изну гьечIого яргъидгIуцIаразулгун хурхен букIиналда щаклъи бугел, гьезул кьерулъе лъугьине бегьулелин къуваталъул идарабазул системаялъ рик1к1унездасан гIуцIарал хасал сияхIал Дагъистаналда анцIгогIан соналъ церего гьарун руго.
200 азарго гъурущ ришват босиялъухъ Дербенталъул мэриялъул юридикияб бутIаялъул бетIер ккун вуго хасал идарабаз.
Эдуард Хидировасда тIад банказул системаялда хIилла-рекIкI гьабиялда бан такъсир гьабиялъул иш цIидахъан рагьун буго.
Дагъистаналда «Платон»алде дандечIарал шоферзабаз акция лъугIизе тана
«Рохьилазе» кумек гьабулеб букIиналда щаклъи ккун низам цIунулез анкьица цебе чIварал Комсомослькое росулъа гIолохъабазул жаназаби кьейилан тIалаб гьабун митинг тIобитIизехъин буго гьезул гIагарлъиялъ.
Дагъистаналда рес батулеб гьечIо сакъатал лъимал цIализарулеб ва гьезда махщелал малъулеб школа кIодо гьабизе.
БалугълъичIей ясалда жинсияб хIал гьабиялъул гIайиб гIутIизабулел ругезул эбел-инсуца жидерго лъимал цIунун лъазабураб ракъунчIей къотIизабун буго.
"ГIайибиял рукIун ратани, гьабе тамихI, лъе туснахъалда, щай чIвазе кколел?"
Талат къоялъул сардилъ Дербент мухъалъул Музаим росулъ цIа свинабулезул автомобилалде кьвагьдон руго щалали лъаларел чагIи. Гьеб тIадекIанцIиялъул хIасилалда лъабго цIасвинабулев лъукъун азарханаялда вуго. Тохтирзабаза абулеб буго гьезул гIумруялъе хIинкъи гьечIилан. ЦIех-рехчагIаз гьеб такъсир гьабурал ралагьиялъе хIалтIи гьабулеб буго.
Москваялда халат бахъунеб буго «Платон» системаялде дандечIарал къайи баччулел чIахIиял автомобилал рачунезул акция. Химки шагьаралда ва Каширское шоссеялда аскIор чIун руго гьел. Амма гьезда гьоркьобги дандеккунгутIаби лъугьунел ругила, гIадамазда чIалгIун бугила гьеб кинабго, амма жеги гьеб протесталъул акция чIезе теялда гьечIин гьелилан бицана «Эркенлъи» радиоялъе Дагъистаналдаса гьеб тадбиралъул гIахьалчи ХIажиев Мурадица.
КIиго соналъ цебе хасавюрталда 15 сон барай ясалда хIал гьабиялъул гIайиб гIунтIизабуразда гьечIеб гIайиб тIад чIезабизехъин бугин абун, гьел цIунизелъун, гьезул эбел инсуца лъазабураб ракъунчIеялъул акция жеги халат бахъунеб буго.
МахIачхъалаялда арбагI къоялдаса нахъе халат бахъунеб буго Хасавюрталда 15 сон барай ясалда хIал гьабиялъул гIайиб гIунтIизабурав ичIго васасул гIагарлъиялъ лъазабураб ракъунчIей. Акциялъулъ гIахьаллъи гьабулеб буго 10 чияс.
Гьал къоязда Дагъистаналъул тIадегIанаб диваналъ, Халкъияб мажлисалъул депутат Эдуард Хидировасда тIад гьес банказул системаялда хIилла-рекIкI гьабиялда бан рагьун букIараб такъсиргьабиялъул иш къазе кколин абураб хIукму къотIи мекъаб бугин лъазабулеб буго республикаялъул прокуратураялъ.
Адвокат Сапият МухIамадовалъ лъазабулеб буго Хасавюрталъул цIех-рехалъул идараялъул хIалтIухъабаз 9 чи балугълъиялде яхинчIей яс хIалгьабун, инжит гьайиялъул гIайибги гIунтIизабун туснахъ гьаризехъин ругилан. Гьеб такъсирги, гьезде гIунтIизарулел гIайибалги ургъун рахъарал ругин лъазабулеб буго адвокаталъ.
Дагъистаналда цого-цо бугеб ипподром цIунизейилан лъугьараз гьал къоязда Россиялъул президентасде кагъат хъван буго. Гьез гьарулеб буго ипподром биххизабизе тогейин ва гьеб къачIазе гIарац биччайилан абун. ГIагараб заманалда республикаялъул чотIахъабазул проблемабазде букIине кколеб кIвар кьечIони гьеб иш тIубан гIодобккеялъул хIинкъи бугин лъазабулеб буго гьеб кагътил автораз ва гьебго суалалда тIасан, гьал къоязда, Черновик газеталъул редакциялда тIобитIараб пресс-конференциялъул гIахьалчагIаз.
Загрузить еще
