Рузман къоялъул бакъанида Буйнахъскалъул мажлисалъул депутатал Аташев Шамильги Жанхаев Маратги рухун ругин лъазабуна гьеб шагьаралъул депутатазул мажлисалъул бетIер Темирханов Темирланица.
Лъабго сон барав Амрахов АхIмадил сахлъиялъе зарал ккун букIана 2015 соналъул сентябралда Каспийскалъул 29 лъималазул ахил кIиабилеб тIалаялда бугеб гордухъа гъоркьеги вортун.
АрбагI къоялъ ХIизбу-Тахрир гIуцIиялда гьоркьоре унев ичIго чи ккунила МахIачхъалаялдайилан лъазабуна къуваталъул идарабазул вакилзабаз.
ХIилла-рекIкI гьабун пачалихъалъул цIакъго гIемер гIарац бикъиялъул гIайиб гIунтIизабулев вугев Дагъистаналъул хIукуматалъул вице-премьерлъун вукIарав Насрудинов МухIамадхIусен микьго сонгун бащадалъ туснахъ гьавейилан тIалаб гьабулеб буго прокурорас.
Платон» системаялде данделъазабун букIараб протест 1 марталда гьоркьоб къотIизе тана дагъистаналъул рикIкIаде хьвадулел юкбаччулел автомобилазул бетIергьабаз.
МахIачхъалаялъул туснахъалда тIамун вугев «Союз Справедливых» гIуцIиялъул гIахьалчи МухIамадов МухIамадихъе адвокатги, туснахъазда хадуб халкколеб жамгIияб комиссиялъул гIахьалчагIиги риччалел гьечIо.
Сириялдаса лъутарал нахъе ритIиялдаса рорчIизаризе бажарун буго инсанасул ихтиярал цIунулезда.
МухIамадов МухIамадица лъазабулеб буго жиндир рокъоб чIухь балаго ФСБялъул хIалтIухъабаз бахъун араб къайи нахъбуссинабейилан тIалаб гьабидал жив жанив тIамизе къваригIанила гьезиейин.
Россиялъул ва гьездаго цадахъ Дагъистаналъулги гьокочагIаз данде цIидасан байбихьун буго дандечIеялъул акция.
Жанубияб Дагъистаналда хасал тадбирал лъугIунел гьечIо
Терроризамалде дандечIараб низамги лъазабун Дагъистаналъул жанубияб рахъалда къуваталъул идарабаз хасал тадбирал тIоритIулел ругелдаса ункъабилеб къо буго. Гьел тадбиразул хIасилалда Сулейман-стал мухъалда кIиго изну гьечIого яргъидгIуцIарав чIван вуго, Дербенталда экстремистазул ва гьезул гIагарлъиялъул лъабго мина кьвагьизабун буго.
Февраль лъугIизегIан халат бахъине буго Дагъистаналда цохIо гурони гьечIеб Даунил синдромалъ ва аутизмалъ унтарал лъимал цIалулеб центр цIидасан кIодогьабун базе гIарац бакIариялъул акция. Гьаб сагIат МахIачхъалаялда бугеб гьеб школалда 50 цIалдохъан цIалулев вуго, 300 гIан чи иргаялдаги чIун вугин, лъазабуна гьеб централъул бетIер ХIамзаева ГIайшатица.
АрбагI къоялъул радакьалдаса нахъе Жанубияб Дагъистаналда хасал тадбирал тIоритIулел руго къуваталъул идарабаз. Изну гьечIого яргъидгIуцIарал ралагьулел руго гьез, гьедин Табасаран, Сулейман-Стал ва Хив мухъазда терроризмалде данде чIараб хасаб низамги лъазабун буго.
2014 соналдаса нахъе полициялъ экстремизмалъулгун хурхен букIине бегьулезул хасаб сияхIалде восарав Буйнахъск мухъалъул Эрпели росулъа Алхасов Даниялица жиндир цIар гьеб сияхIалдаса нахъе босейилан тIалаб гьабун диваналде хъвараб гIарзалъул халгьаби байбихьана талат къоялъ.
Дагъистаналда тIоцере цIородасан хариялъул къецал тIоритIана гIодоркъоязда Хунхзахъ мухъалда. Къецазда гIахьаллъана 30 чи. Гьел тIоритIана Сивухъ росда аскIор ругел хасало лъел чваххиял цIороде руссунеб ккалахъ.
15 февралалда Буйнахъскалъул диваналъ гьеб шагьаралъул бетIерлъун вукIарав ХIамзатов ХIусенил тIалабалда рекъон, Буйнахъскалъул мэрасул рищиял нахърахъана. 16 февралалда шагьаралъул депутатаз вищизе кколаан гьев мэр.
КIиго чи хун вуго ва чангояв лъукъун вуго итни къоялъ радал Дербент мухъалъул Джемикент росда аскIоб бугеб ГИБДДялъул посталда ккараб кьвагьиялъул хIасилалда. Лъазабиязда рекъон, гьеб ккун буго посталда документазул ххал гьабизе ВАЗ-2109 чIезабун хадуб.
13 февралалда Дагъистаналда тIоцере тIоритIана цIородасан харулезул къецал.
12 февралалдаса нахъе Хасавюрт мухъалда хасаб операция унеб буго
Шагьаралда халат бахъунеб буго дагIба-къец
Загрузить еще
