Дербенталдаса кIиго гIисинал лъимадул эбел Рзаева Наида рокъоса къватIие гъолей йикIиналда бан гIемераб ахIи-хIур бахъун буго шагьаралда.
Буйнахъскалъул вукIарав мэр ХIамзатов ХIусеница диваналде гIарза кьун букIана жинца гъоркьгъулбасичIеб жив хъулухъалдаса нахъе уне вугин абун хъвараб гIарзалъул кьучIалда хIалтIудаса живги витIун шагьаралъул цIияв мэрасул рищиял тIоритIизехъин ругин Буйнахъскалъул депутатазул мажлисалъилан.
30 марталъул радал Табасаран мухъалъул Сиртыч росдада аскIоб автомобиль кьвагьизабулн буго. Дагъистаналъул къуваталъул идарабазул баяназда рекъон Сулейман-Стал мухъалдаса бачIунеб шаклъи ккараб автомобилалда хадур халккун рукIун руго полициялъулал.
2016 соналда жаниб басриял риххун инел ругел минабахъа гIадамал гочинариялъул пачалихъиял программабазда рекъон дербенталдаса 281 хъизан цIиял рукъзабахъе рахъинаризе кколел руго.
Гьал къоязда Россиялъул бетIерав прокурор Юрий Чайкаца лъазабуна 2015 соналда жаниб Россиялъул бакIал раялъул ва рукIа-рахъиналъул хъулухъазул сисмемаялъул вакилзабаз анлъго миллиардгун бащадаб бикъун бугилан.
МахIачхъалаялъул гIакълудал рахъалъ нахъеккарал лъималазул «Забота» интернаталда сверун ахIи-хIур жеги гIодобцунеб гьечIо. Жидерго хасал мурадал ругел гIадамаз дагьабги цIакъ гьелегьинабулеб бугин гьебилан абурал баяналги руго.
23 марталда Дагъистаналъул ЖамгIияб Палатаялъ МахIачхъалаялда «Эльтав» заводалда аскIоб бугеб рохь къотIулеб букIиналдаса разигьечIел дандегьарун рукIана.
22 марталда Брюсселалъул аэропорталда ва метроялда ккарал террактазул хIасилалда къогоялдасаги цIикIкIун чи хун вугин, нусиде гIагарун чи лъукъун вугин абурал баянал кьолел руго бельгиялъул журналистаз. Кинавниги чан чиясе гьел кьвагьиязул хIасилалда зарал ккарабали жеги тIубан чIезабун гьечIо.
Гьал къоязда Дагъистаналда кIудияб ахIи бахъун буго МахIачхъалаялда бугеб гIакълудал рахъалъ нахъеккарал лъималазул интернаталда гьезие рукIине кколел шартIал чIезарулел гьечIин абурал баянал тIиритIун рукIиналъ.
Гьал къоязда МахIачхъалаялъул Советский диваналъ Дагъистаналъул лъайкьеялъул министерлъиялъул бетIерав специалистлъун вукIарав Мутагиров МухIамад щуго соналъ туснахъ гьавуна.
18 марталда МахIачхъалаялъул Советский мухъалъул диваналъ Дагъистаналъул медицинаялъул академиялъул ректорлъун вукIарав ГIусманов ГIабдурахIманида тIад 100 азарго гъурущ гIакIа къотIана.
ГIагараб заманалда Гъаякент мухъалъул Первомайское росдал цIияб авалалда гIумру гьабун ругел гIадамал рукъзалги гьечIого хутIизе бегьула.
КIиго соналъ цебе Табасаран мухъалъул Акка росулъ хасаб операциялъул заманалда низам цIунулез чIван вукIана бакIалъул мажлисалъул депутат Мирзаханов Рамис.
Москваялда чIарал Гъаякент мухъалдаса вацал ХIажисултанов Садрудинги Бадрудинги чиясде тIадекIанци гьабун, гьесул буголъи бахъиялъул гIайибги гIунтIизабун ичIго соналъ туснахъ гьарун руго.
Живго цохIо ралъдал рагIалдаса гIебеде туристал тира-сверизаризе хIалтIизабулеб гIадаб гьитIинабго гамитIаги рекIун кIицIул дунял сверун лъедарав дагъистанияв Евгений Гвоздевас исана 82 сон тIубалаан.
МухIарамкент мухъалъул Самур росдада аскIоб Самур гIурул рагIалда ракьулъ бугеб лъим къватIибе кьабулеб станция баялъе хIалтIаби кIиго соналъ цере байбихьун рукIана. Амма гьеб проекталде дандечIей лъазабуна бакIалъул гIадамаз.
АрбагI къоялъул къаси Гъалгъаязул республикаялдаса Чачаналъе ине букIараб инсанасул цIунулеб «ГIазабкьеялде дандечIараб халкъаздагьоркьосеб» комитеталъул хIалтIухъаби ва журналистал рекIараб микроавтобусалде тIадекIанцIи гьабун буго щалали лъаларел чагIаз. Автомобилалъул цIурдул гъурун, гьенир жанир рекIарал къватIиреги рахъинарун рухун руго гьел чагIаз, хадуб гьеб автобус бухIунги буго.
АрбагI къоялъ Ростовалъул диваналъ МахIачхъалаялъул вукIарав мэр Амиров СагIид туснахъалъуса азарханаялде вачейилан гьесул адвокатас кьураб гIарз нахъчIвана. Адвокатас лъазабулеб букIана гьев унтарав чи вугила, гьесие къваригIунел хасал шартIал чIезарун гьечIила туснахъалдайилан.
Бизнесчи Абакаров Абакарица гIуцIараб лъималазе лъайщвеялъе ресал кьолеб фондалъул кумекалдалъун 30 гIан дагъистаналдаса цIалдохъабазе рес щун буго Москваялъул бищунго лъикIал университетазда цIализе. Гьезул 12 ниги гIелмабазул кандидатги вахъун вуго, кIигояв докторасул диссертиция хъвалел руго.
Лъабго къоялъ кив вугевали лъалев гьечIо МахIачхъалаялъул цIех-рех лъугIизегIан, заманалъ гIадамал жанир тIамулеб туснахъалда вукIарав АхIмаддибиров МухIамад.
Загрузить еще
