Гьал къоязда полициялъ Берлиналъул Моабит абураб мухъалда ккуна гьелъул цо мажгиталда имамлъи гьабулев вукIарав ХIажимурад абурав Россиялъул гражданин. Гьедин лъазабулеб буго Германиялъул информалатаз.
Россиялда бищун лъикI хIалтIулев 20 губернаторасда гьоркьоб рехсолеб буго Дагъистаналъул бетIер Рамазан ГIабдулатIиповасул цIар.
«Щайдай?» абураб кечI ахIулеб буго Гъизилюрталда чIарав ЧIарада мухъалъул Чуниса ГIумахан ГIумаевас. Гьелъие рагIабиги бакъанги гьес жинцаго хъван руго. КечI ахIи ГIумаханил аслияб пиша кколаро, эркенаб мехалда ракI чучиялъе гьабулеб пиша гурони.
Исана 15 ноябралда байбихьун Россиялда цIикIкIинехъин буго рикIкIадаб манзилалъ къайиги баччун унел чIахIиял автомобилазул бетIергьабазда тIад лъолеб магъало. Цо километра рикIкIун 3 гъурущ ккола гьеб. Гьелдаса разилъи гьечIолъи бихьизабуна 14 октябралда МахIачхъалаялда къайи баччулел автомобилазул бетIергьабаз.
13 октябралда Избербашалъул администрациялда низам цIунулез чIухь балеб букIиналъул хIакъалъулъ баянал тIиритIана республикаялда. ЭР-сан жиндирго цIар бицине разилъичIев чияс абуна жидер администрациялдаса гурел гIадал чагIи ругин фоеялда чIун.
10 октябралъул рогьалилъ Унсоколо мухъалъул Генуб байбихьараб хасаб операциялъулъ чIвана изну гьечIого яргъид гIуцIаразул лъабгоявги хIинкъи гьечIолъи чIезабиялъул федералияб хъулухъалъул цо хIалтIухъанги.
Россиялъ гьаваялдасан щвезабулеб кьабиялда дандечIун буго улкаялда гIумру гьабулел гIадамазул 28 процент. Гьелъул рахъкколеб буго улкаялда гIумру гьабулел гIадамазул 72 проценталъ.
Буйнакскиялдаса «ветераназул партиялъул» вакилзабазда ракIалда буго 17 октябралда республикаялъул бетIер Рамазан ГIабдулатIиповги ахIун, шагьаралда митинг тIобитIизе. 7 октябралда юстициялъул министерлъиялде гьелда хурхун гIарза кьуна гьез.
6 октябралда митинг гьабиялдаса руссана Хасавюрталъул гIадамал. Гьез гьениб цойги нухалъ гьаризехъин букIана экс-мэр Сайгидпаша ГIумахановасда шагьаралъе нухмалъи гьабизе тIадвуссаян.
МахIачхъалаялда буго «Пальмира» абураб мухъ. Гьанжеялдаса 10-15 соналъ цебе минаби разе лъугьараб гьеб бакIалда цо чияс киридахъ жиндирго ракь кьун букIун буго мажгит базе. Цинги гьенир мадугьалихъ ругел гIадамаз жидецаго ресги балагьун бан буго кIитIалаяб мажгит.
ГIумруялъго туснахъ гьавурав МахIачхъалаялъул экс-мэр СагIид Амировасе диваналъ къотIараб хIукмуялъул хал гьабеян гьарана Россиялъул президент Владимир Путинида инсанасул ихтиярал цIунулев Андрей Бабушкиница 1 октябралда инсанасул ихтиярал цIунулезулгун букIараб дандчIваялда.
1 октябралда халкъги гIахьаллъичIого МахIачхъалаялъул депутатазул гIуцIиялъул нухмалъиялде вищана «Единая Россиялъул» вакил Абулмуслим МуртазагIалиев. Гьебго заманалда Хасавюрталда халкъ къватIибе бахъун букIана чанго къоялъ цеве шагьаралъул бетIерлъиялдаса нахъе арав Сайгидпаша ГIумаханов нахъвуссаян абураб гьаригун.
29 сентябралда МахIачхъалаялда тIобитIана Россиялъул регионазда ругел ХIисаб кьолел палатабазул нухмалъулел. Гьез гьениб бицана Россиялда пачалихъияб гIарац бикъизе ругел аслиял нухазулги, къануназулъ мухIканлъи хIажат букIиналъулги, цогидалъулги.
28 сентябралда тIобитIараб Дагъистаналъул парламенталъул сессиялда спикер Хизри ШихсагIидов хъулухъалдаса ине вугин абураб хабар унлъичIо. Гьев гьеб сессиялде вачIунцин вукIинчIо.
МахIачхъалаялда тIобитIулеб буго «Тарки Тау» абураб тIахьазул экспозиция. Исана гьеб тIобитIулеб буго ункъабилеб нухалда. Экспозициялда лъун руго 15 басмаханаялдаса тIахьал (Дагъистаналдаса гурелги, Москваялдасагун Нальчикалдасаги). ТIахьазухъ балагьизе рачIарал чагIазе кучIдул цIализе цере рахъунел руго студенталги школлъималги. ТIахьазул базаралде жидерго гIарцул тIагIалабигун щагIил къайиги босун рачIун руго гьединго бархъалиселгун кубачиялги. 27 сентябралда тIахьазул базар ине буго Дербенталдеги. Базаралде щвана нижер мухбир Зульфия ХIажиева.
Гьал къоязда МахIачхъалаялда байбихьун буго тIахьазул базар - «Тарки Тау». Исана ункъабилеб нухалда тIобитIулеб буго гьеб. Миллияб библиотекаялда лъун руго МахIачхъалаялъул басмаханабазда рахъарал гурелги, Москвагун, Нальчик ва цогидал бакIазда рахъарал тIахьалги.
Дагъистаналъул прокуратураялъ тIалаб гьабулеб буго маслихIаталъул диванчагIи гьанжеялдаса хадур республикаялъул бетIерас тIамун гурел, парламенталъ тIаса рищун тезе.
Сталинил низам ритIухъ гьабулел чагIи экстремисталлъун рикIкIине рес буго Россиялда, Пачалихъияб Думаялъ пуланаб къанун къабул гьабуни.
Хасавюрталъул бетIер Сайгидпаша ГIумахановасда хурхун жеги официалияб лъазаби гьечIо, амма божизе бегьулеб бакIалдасан ЭР-хъе щварал баяналда рекъон, ГIумахановасулгун кIалъай гьабун буго Дагъистаналъул бетIер Рамазан ГIабдулатIиповас.
Буйнакск шагьаралъул депутатазул гIуцIиялде вищарав жидер 17 чиясда гьоркьосан депутатазул нухмалъулев вищизе къваригIун буго «Россиялъул ветераназул партиялъул» вакилзабазе.
Загрузить еще
