Рубрики

Новость часа

Зульфия ХIажиева

Автор Зульфия ХIажиева

Ноябрь 13, 2012
Германиялъ ГIумаханов Россиялъухъе кьуна

13 ноябралда Германиялдасан Россиялде вачун вачIана ГIумаханов ХIабиб. Гьесде гIунтIизабулеб буго 2009 соналда Хасавюрт мухъалъул нухмалъулевлъун вукIарав Алхаматов ГIалимсолтан чIваялъул гIайиб. ХIабиб ккола Хасавюрт шагьаралъул мэр ГIумаханов Сайгидпашал вацасул вас.
Ноябрь 12, 2012
Гьанир-дора «бесдалаллъун» рукIинегIан «лъимал» гIемераб Дагъистаналдаго лъикI

Нугъай миллаталъул чагIазе автономия кьей тIалаб гьабун хъвараб кагъат битIун буго Россиялъул президент Владимир Путинихъе гьал къоязда. Гьеб хитIабалъул авторал ккола Дагъистаналъул Нугъай мухъалда гIумру гьабулел гIадамал. Амма гьеб автономиялда дандечIей загьир гьабулеб буго республикаялъул тIалъиялде гIагарал нугъаяз гуребги, оппозия хIисабалда кидаго къватIире рахъунел нугъаязгицин.
Ноябрь 07, 2012
ГIумаровгун Амутинов рачIинчIолъи дандеккечIо журналистазе

7 ноябралда МахIачхъалаялда тIобитIана дагьалъ цебе Москваялда букIараб данделъиялъул гIахьалчагIазул пресс-конференция.
Ноябрь 06, 2012
Ярагъ гьанже щивасухъ буго

Гъизляралдаги Гъизляр мухъалдаги ярагъгун ккурав 8 чи такъсирияб цо къокъаялда гъорлъе унев вукIиналда щаклъи буго полициялъул.
Ноябрь 02, 2012
Дагъистаналъул цIалул идараби Москваялъул цIадирабазда

2 ноябралда Россиялъул гIелмуялъулгун лъай кьеялъул министерлъиялъ къватIиб загьир гьабуна улкаялда ругел пайда гьечIел цIалул идарабазул сияхI. Гьезда гьоркьор руго Россиялда къуваталин рикIкIунел рукIарал тIадегIанал цIалул идарабиги Шималияб Кавказалъул 11 идараги Россиялъул цIаулул идарабаз рагьарал жидерго филиалазул 25-ябги.
Ноябрь 01, 2012
ЦIалул идараби къазеги рес буго…

Дагьалъ цебе Россиялъул гIелмуялъулгун лъай кьеялъул министерлъиялъ гьабураб цIех-рехалдаса хадур Дагъистаналда ругел цо-цо цIалул тIадегIанал идараби къазегицин рес буго. КъангутIиялдаса гьел хвасарлъизе бегьула 7 ноябралде цебехун рехсараб министерлъиялде гьез хасаб документ битIанани.
Октябрь 31, 2012
Дагъистаналда протесталъул акциязул хIасил къанагIат гурони кколаро

Исана август моцIалъ Хасавюрталда гIадада къад чIварав МухIамадов Заурбегил гIагарлъиялда ракIалда буго митингалде рахъине.
Октябрь 30, 2012
Москваялда тIобитIараб мажлисалда сверун бахIсал хIалуцунел руго

Москваялда тIобитIараб Дагъистаналъул халкъазул данделъиялда вакилзабилъун рихьизарун рукIанин тIубан батIияб кIиго даражаялъул чагIи – гIадатиял гIадамалги гьединго Дагъистаналъул нухмалъиялде МухIамадов МухIамадсалам вачIиндал тIалъиялъ хъулухъалги кьечIого тарал чагIиги. Амма гьел кинан цолъизе ругелали бичIчIулеб гьечIин абулеб буго «Региональные комментарии» абураб сайталда Константин Казениница. Гьев ккола «Регнум» агентлъиялъул нухмалъулев хисулев. Амма кин батаниги, гьеб данделъиялдасан бихьулеб бугила Дагъистаналъул жанисеб дандечIей букIин абун тIадеги жубалеб буго К. Казениница.
Октябрь 27, 2012
Миллаталде балагьун гьабулищ тамихI?

Москваялдаcа гlолилав Егор Свиридов чIваялъулъ гlахьаллъиялъул гIайиб тIадчIезабурав щуго дагъистанияв Дагъистаналде витIун вачIун туснахъалъув тIамизе. Гьел ккола Артур Арсибиев, ХIасан Ибрагьимов, Нариман ИсмагIилов, Рамазан Утарбиев, Акай Акаев. Гьел рачIун руго цоял февралалда, цогидал марталда.
Октябрь 25, 2012
ВатIаналда гьоболлъухъ

Гьал къоязда Дагъистаналда гьоболлъухъ рукIана Туркалъа магIарулал – Гюней росдал гIадамал. Хас гьабун гьел Дагъистаналде ахIун рукIана Хьаргаби мухъалъул КIикIуни росдал гIадамаз. Гьеб кIиябго росдаца вацлъи лъазабун буго. Эркенлъи радиоялъулгун букIараб гара-чIвариялда туркалъ ругел дагъистанияз бицунеб буго умумузул ватIаналъ жидее гьабураб асаралъулги, рахьдал мацI лъалел чагIи дора Туркалъ дагь хутIулел рукIинги, цогидалъулги.
Октябрь 25, 2012
Сапият: БахIарчияй йикIинарищха, омоналъулал рухарай дун…

Дагъистаналдаса адвокат МухIамадова Сапият Швециялъул дипломат Пер Ангерил премиялъе йихьизаюн йиго инсанасул ихтияралгун эркенлъи цIунулел гIуцIиялъул вакилзабаз. Гьединаб премия букIин гьелда лъан буго Швециялдаса вакил кIалъан хадуб. Пер Ангерил хIакъалъулъги жинца гIемер цIалун букIанин бицана Сапиятица.
Октябрь 23, 2012
«ЧIаго хутIизе къваригIун батани, гьеб бейджик бахъе...»

Дубровкаялда гъоркьлъалие росарал гIадамал хвасар гьарулелъул Россиялъул низам цIунулез тIобитIараб хасаб операциялда хурхун пикру хисун буго улкаялъул гIадамазул.
Октябрь 23, 2012
Дагъистаниял - Россиялъул информалатазе данде

Москваялда гIумру гьабулел дагъистаниязул хIукму ккана бахIаралги рачун унаго улкаялъул тахшагьар бакьулъ лезгиязул гIолохъаби гьаваялде кьвагьдолел рукIанин, гьелдалъун гьез речIчIун бачIараб жоялъ цо васасул кIаркьен хъащтIинабунин, гьединго гIадамазул рахIатхвезабунин абурал харбал тIиритIизарурал информалатазда тIасан диваналде гIарзаби хъвазе.
Октябрь 16, 2012
«Дагъистаниял сурун рихьизаризе къваригIун буго»

ГьатIанкъоялъ Авартеатралда цебе тIобитIана митинг. Гьениб бицен гьабуна дагьалъ цебе дагъистанияз Москваялда гьабулеб букIараб бертадул. Тахшагьаралъул полиция чIун буго гьез гIадлу хвезабунин – автомобилазул читIиралъ кутакал сигналал гьарунин, цинги цо гIолохъанчи кьвагьданин гьаваялде, гьедин цо гьитIинав васасул кIаркьада щванин кьвагьун бачIараб жоялъул кесек.
Октябрь 13, 2012
МагIарул мухъазда нухмалъулел рищизе руго

БачIунеб гьатIанкъоялъ Дагъистаналда тIоритIизе руго бакIалъул рищиял. Рищизе руго росабазул бегавулзабиги, муниципалиял гIуцIабазул нухмалъулелги. МагIарул кIудияб лъабго мухъалда - Хьаргаби, ГIахьвахъ, Унсоколо – рищизе руго гьел мухъазул нухмалъулел.
Октябрь 11, 2012
Бигьаяб гьечlо хIежалъул нух

Дагъистаналдаса чагIи хIежалде ине байбихьана 5 октябралда. Гьаваялдасан гьезул ахирисеб рейс 12 октябралда букIине буго. Гьедин исана Дагъистаналдаса хIеж борхизе рес щвана 8450 чиясе. Гьезда гьоркьоса 3000 чи Москваялда чIарав олигарх Керимов Сулейманица киридахъ чIового витIун унев вуго.
Октябрь 10, 2012
Мекъи бичIчIараб фатва

Нашидазда тIасан Дагъистаналъул исламиял гIалимзабаз гьал къоязда кьураб фатваялда дандечIей бихьизабулеб буго блогераз. Гьелъул магIна ккола гьанжеялдаса байбихьун нашидал ахIулелъул кочIохъабаз бакънал хъвалел алатал хIалтIизаризе гьукъун букIин. Диниял хIаракатчагIаз эстрадаялде тIадецуй гьабилъун бичIчIулеб буго гьеб Дагъистаналъул блогеразда. Амма бусурбабазул идараялъул пикру батIияб буго.
Октябрь 09, 2012
Лъие Шималияб Кавказалда къваригIун бугеб рагъ?

Шималияб Кавказалда низам цIунулезе терроралда данде къеркьезе захIмалъулеб букIиналъ, гьанже гьеб иш улкаялъул армиялда тIадкъалеб бугин лъазабуна терроралда данде чIезелъун гIуцIараб миллияб комитеталъги федералияб оперативияб штабалъги.
Октябрь 05, 2012
«Гьеб къотIнор гIемерал руго «магжилазул»

Щуабилеб октябралъул рогьалилъ Буйнакскиялда чIварал лъабгоял Черкесов Расулги (1988 соналда гьавурав), Къасумов Ражабги (1991), Валиюлаев ГIибадуллагьги (1985) ругин лъазабуна терроралда данде чIараб миллияб комитеталъул вакилзабаз. Гьеб шагьаралда гьарурал такъсиразухъги изну гьечIого яргъид гIуцаразул цевехъан Шайхов Бамматханилгун бухьен букIиналъухъги гьезул кIигоял тамихIалде цIан рукIанила.
Октябрь 04, 2012
«Аслияб гIайиб тIалъиялда буго»

Информ-алатаз лъазабулеб буго гьал къоязда Германиялда Дагъистаналдаса ГIумаханов ХIабиб туснахъ гьавунилан. Интерполалъ гьев валагьулелдаса лъабго сон букIун буго. Россиялъул низам цIунулезул щаклъи рагIула 2009 соналда Москваялда Алхаматов ГIалимсолтан чIваялъулъ гьесул гIахьаллъи букIиналда.

Загрузить еще

XS

SM

MD

LG