МахIачхъалаялда полициялъул хIалтIухъанас чIван вуго кафеялда вукIарав лъабго чи. Нагагьлъун полициялъулав гIайибиявлъун чIезавуни, гьев хIалтIудаса нахъе рехизе вугин, гьесда тIадехун ругел хIакимзабазе тамихIги гьабилин лъазабуна итни къоялъ Дагъистаналъул жанисел ишазул министерлъиялъ.
Гьал къоязда Гуржиялъа тIадруссана Дагъистаналдаса вакилзаби - аваразул миллиябгун культурияб автономиялъул нухмалъулев Маркъо ШагIбановги, Гуржиялъа Дагъистаналде гочарал магIарулазул цевехъан Бадрудин Ибрагьимовги, филологиял гIелмабазул доктор АхIмад МуртазагIалиевги.
25 соналъ цебе Афгъанистаналда нахъе рачана Совет Союзалъул рагъул контингент. Доб мехалда абулеб букIана, гьенире ритIарал рагъулал интернационалияб борч кьезе анин. Пачалихъалъ рагIи кьун букIана, гьенисан нахъе руссарал солдатал кIочене тезе гьечIин.
Казбек мухъалъул оппозициялъ хитIаб гьабулеб буго заманаялъ Дагъистаналъе нухмалъи гьабизе Москваялдасан витIун вачIарав Рамазан ГIабдулатIиповасде.
Исана сентябралда Кавказалъул хIаязда дагъистанияз тIоцебесеб бакI босичIони, хъулухъаздаса рахъизе руго спорталъул министерлъиялъул киналго хIакимзаби. Гьединго Олимпиялъул хIаязда гьоркьоса гугари нахъе бахъизеги рес буго. Гьелда тIасан букIана 13 февралалда дагъистаниязул хабар.
Дагъистаналда гIуцIулеб буго Патриотазул къуватазул цолъи - гIурусалъ абуни, "союз патриотических сил".
Генерал Александр Лебедил Фондалъ байбихьулеб буго Шималияб Кавказалда хIалтIи гьабизе.
Дагъистаналъул жанисел ишазул министерлъиялъги "Альтернатива" абулеб гIолилазул багъа-бачариялдаса вакилзабазги тIатинаруна кирпич къотIулел заводазда хIалтIулел Белоруссиялдасаги Россиялдасаги гIадамал - кинавниги 12 чи.
22 январалда тIагIарай Дербенталдаса Бади Мирзабеговалъул хIакъалъулъ тIаде лъалеб жо гьечIо, низам цIунулезухъ бугеб видео гурони.
Россиялъул культураялъул министерлъиялъ хIукму гьабуна Кавказалдаса гIадамал лъикI рихьиялъулги миллатазда гьоркьоб рокьукълъи лъугIизабиялъулги мурадалда гьезул хIакъалъулъ фильм бахъизе. Гьединаб пикру гьезие Америкаялъул продюсераз кьун рагIула. Россиялда жаниб Дагъистаналъул имидж гIуцIиялъулги гьал къоязда МахIачхъалаялдаги бицана.
Республикаялъул нухмалъулев жиндир хъулухъалдаса нахъе вахъулев вугилан гъоркьанкьида баккараб харбидаса гьал къоязда Россиялъул Пачалихъияб Думаялъ гьоркьоб лъураб къануналъул проекталде регIулел гьечIо жеги дагъистаниял.
Россиялъул Пачалихъияб Думаялъ регионазе нух кьолеб буго жиде-жидер нухмалъулел кIиго батIияб къагIидаялда тезе.
25 январалда МахΙачхъалаялда Авартеатралда цебе митинг тΙобитΙизе Маматхан Байсултановасе изну кьечΙо Дагъистаналъул юстициялъул министерлъиялъ.25 январалда МахΙачхъалаялда Авартеатралда цебе митинг тΙобитΙизе Маматхан Байсултановасе изну кьечΙо Дагъистаналъул юстициялъул министерлъиялъ. Маматханица документазда бихьизабун букΙана митингалда 3 азарго чи гΙахьаллъизе вугилан. Авартеатралда цебе гьевщинав чиясе бакΙ гьечΙилан чΙун руго юстициялъул министерлъиялъул вакилзаби.
Дербенталъул полициялъул нухмалъулев ГIабдулахат МухIамадовасдаги гьесул хIалтIухъан ГIисабег Рамазановасдаги гьоркьоб ккараб дагIба-рагIиялъе къимат кьезе буго Москваялдаса рачIарал полициялъул хIакимзабаз. Гьел рачIун руго Рамазановаз прессаялдасанги кагътал хъванги ахIи-хIур бахъинабидал.
Дагъистаналъул нухмалъулев МухIамадов МухIамадсалам болжал щвелалдего хъулухъалдаса нахъе унев вукIиналъул харбазул цIун буго республика. Амма гьелда бан гьабулеб официалияб жаваб гьечIо.
Гьаб гIагараб заманалда жанир Гуржиялъе ине руго аваразул миллияб автономиялъул вакилзаби. Гьезие къваригIун буго гьенир гIумру гьабулел магIарулазда аскIоб гуржиязул цо-цо миллатчагIаз гьарулел ишазда тIасан хIукуматалъул бугеб пикру лъазабизе.
"Дир хъизаналде тIаде бегараб къварилъиялъул гьир цIакъго кIудияб буго. Дида лъаларо тIокIабги лъиде гIарз бахъилебали. Тату хун буго дир". Гьедин бицунеб буго Амина Гунашевалъ.
14 январалда МахIачхъалаялда гьоркьоб лъун букIана журналистал цIуна-къаялъул суал. Гьелъулъ гIахьаллъана Москваялдаса рачIарал Россиялъул журналистазул цолъиялъул вакилзабиги.
МахIачхъалаялъул Кировский мухъалъул диваналъ Дагъистаналъул тIалъиялъул хIакимчи Артур Исрапиловасе пайдаялъе 600 азарго гъурщил гIакIа къотIулеб букIана "Настоящее время" газеталъул бетIерав редактор Милрад Фатулаевасдаги, Исрапиловасда тIасан кIиго макъала хъварав юрист Сомоев Загъаласдаги, гьесие хIужаби кьурав АхIмад АхIмадовасдаги тIад.
28 декабралда радал Гъизилюрт мухъалъул Чонтаул росулъ байбихьараб хасаб операция цо чанго сагIаталдасан лъугIана. Низам цIунулез лъазабуна жидеца сверун ккураб минаялъув чIванин бихьинчиги чIужугIаданги. Бихьинчиясда цадахъ гьейги йикIанин жидеде кьвагьдолей.
Загрузить еще
