افغان سېک دیا سنګ انجان وايي، که څه هم له کلونو راهیسې په هند کې جلاوطنه دی، خو افغانستان یې هره ورځ یادېږي.
په وروستیو کې په لسګونو هندوان او سېکان هند ته کډوال شول او دا لړۍ لا هم روانه ده.
انجان چې شاعري هم کوي، وايي چې په افغانستان کې د افغان هندوانو او سېکانو شمېر خورا کم شوی او د دوی د عبادتځایونو خوندیتوب ته هم اندېښمن دي.
صالح محمد صالح د ازادۍ مېلمه پروګرام کې ورسره خبرې کړي چې د لاندې لېنک په کېکاږلو سره یې اورېدلی شئ:
شفیق الله افغان هغه افغان معلول دی چې په ننګرهار کې ژوند کوي او د خپلې کورنۍ د نفقې ګټلو مسوولیت ورترغاړې دی.
څو کاله مخکې یې د سړک غاړې بمب په چاودنه کې دواړه پښې معلول شوې.
دی وايي، اوس معلولو کسانو ته د دوی میاشتنی معاش نه ورکول کېږي او اکثر یې په وږي نس ویده کېږي.
په افغانستان کې د تېرو څو لسیزو جګړو پر مهال په سلګونو زره کسان معلول شوي چې په ټولنه کې له کړاو ډک ژوند پرمخ بیايي.
صالح محمد صالح د ازادۍ مېلمه پروګرام کې ورسره خبرې کړي چې د لاندې لېنک په کېکاږلو سره یې اورېدلی شئ:
