پر افغانستان د طالبانو د بیاواکمنۍ دوه کاله په پوره کېدو دي، په دې موده کې پر افغان ښځو او نجونو د طالبانو له خوا ډول ډول محدودیتونه لګول شوي او دا لړۍ اوس هم روانه ده.
ګڼو فعالانو اندېښنه ښودلې، که نړیوال خپل اواز پورته نه کړي، دا محدودیتونه به لا پسې پراخ شي.
نن مو د ازادۍ مېلمه پروګرام کې د ښځو او نجونو د حقونو فعاله وږمه توخۍ مېلمنه ده.
د بحث کوربه صالح محمد صالح دی چې د لاندې لېنک په کېکاږلو یې اورېدلی شئ:
نن د ژباړې پر ارزښت، لارو چارو او تخنیکي اړخ د ازادۍ مېلمه پروګرام کې له ځوان ژباړن او لیکوال جبار فراز سره خبرې شوې دي.
په نوره نړۍ کې هم ژباړه یوه مهمه چاره ده، چې بېلابېلې اتحادیې یا هم خپله حکومتونه ورته کار کوي او تکړه ژباړونکو ته کتابونه د ژباړې لپاره ورکوي بیا یې په لوړ تیراژ خپروي.
په افغانستان کې ګڼ کسان په خپلو شخصي هڅو کتابونه ژباړي او بیا یې په خپلو هڅو خپروي.
زموږ همکار صالح صالح د بحث په پیل کې له جبار فراز پوښتنه کړې چې ژباړه ولې مهمه ده؟
د اورېدو لپاره لېنک کېکاږئ!
